مریم نواز کت ایک سال میں 90عوامی فلاحی منصوبے : عظمی بخاری
اشاعت کی تاریخ: 21st, February 2025 GMT
لاہور (سٹاف رپورٹر) صوبائی وزیر اطلاعات و ثقافت عظمی بخاری نے کہا ہے کہ پاکستان کی تاریخ میں کسی وزیر اعلی نے ایک سال کے دوران ایسے انقلابی اقدامات نہیں کئے جیسے وزیر اعلی پنجاب مریم نواز نے کیے ہیں، پاکستان کی تاریخ میں ایسی مثال نہیں ملتی کہ کسی حکومت نے اپنے پہلے سال میں ہی نوے کے قریب عوامی فلاح وبہبود کے پراجیکٹس کا آغاز کیا ہو۔ ان خیالات کا اظہار انہوں نے گزشتہ روز کالم نویس و اینکرز و ایڈیٹرز کے ساتھ ہونے والی ملاقات میں کیا۔ اس موقع پر سیکرٹری انفارمیشن طاہر رضا ہمدانی، ڈائریکٹر جنرل پبلک ریلیشن پنجاب غلام صغیر شاہد و دیگر ڈی جی پی آر کے افسران کے ہمراہ انہوں نے معروف کالم نگاروں، اینکرز و ایڈیٹرز کے ساتھ ملاقات میں کیا۔ اس موقع پر فیصل ادریس بٹ، مجیب الرحمان شامی، نوید چوہدری، سلمان غنی، نجم ولی خان، بیدار بخت بٹ، صوفیہ بیدار و دیگر موجود تھے۔ عظمی بخاری نے مریم نواز کی ایک سال کی کارکردگی پر مشتمل ایک کتاب بھی سب کو پیش کی جس میں پنجاب کی پہلی خاتون وزیر اعلی مریم نواز کی ایک سال کی کارکردگی کو محکمہ وار شائع کیا گیا ہے۔ عظمی بخاری نے کہا کہ پنجاب کے علاوہ کسی دوسرے صوبے کے وزیر اعلی نے اپنی کارکردگی کا عوام کے سامنے ایسے اظہار نہیں کیا ہے کیونکہ کسی صوبے کے وزیر اعلی کی ایسی کارکردگی نہیں ہے کہ وہ عوام کے سامنے پیش کر سکے۔ پراجیکٹس میں سے اکثر مکمل ہوچکے ہیں جبکہ بعض تکمیلی مراحل میں ہیں۔ دھی رانی پراجیکٹ سے متوسط و مستحق طبقے کی بچیوں کو عزت کے ساتھ رشتہ ازدواج میں منسلک کیا جارہا ہے۔ صحت، تعلیم، امن وامان، انفراسٹرکچر، آئی ٹی، ٹرانسپورٹ ، زراعت سمیت تمام شعبوں میں مثالی اقدامات ہورہے ہیں۔ نوجوانوں کو قرض مل رہا ہے۔ طلبا و طالبات کو ای بائیکس اور سکالر شپس مل رہی ہیں۔ مریضوں کو مفت ادویات اور ہسپتالوں میں علاج معالجے کی بہترین سہولیات جبکہ نئے ہسپتالوں کی تعمیر کے ساتھ سات سو نئی سڑکوں کا جال بچھا کر پنجاب کو ترقی کے نئے دور میں داخل کردیا ہے۔ کسانوں کو قرضہ جات کے علاوہ دیگر سہولیات دی جارہی ہیں۔ گزشتہ برس کی طرح رمضان پیکج فراہم کیا جارہا ہے۔ امسال دس ہزار روپے کی خطیر رقم سے مہنگائی میں پسی عوام کو رمضان میں سحر و افطار کی وافر سہولت دستیاب ہوگی۔ انہوں نے کہا کہ مستحقین کی سوشل اکنامک رجسٹریشن کی جارہی ہے۔ علاوہ ازیں عظمیٰ بخاری نے کہا ہے کہ پنجاب حکومت نے پہلے ہی سال میں ڈلیور کر کے دکھایا ہے، تمام صوبوں کو پیغام ہے خدمت کی سیاست میں ہمارا مقابلہ کریں۔ جب کسی کے پاس کہنے کو کچھ نہ ہو تو پھر بس گالی ہی رہ جاتی ہے۔ اب عوام کو گالم گلوچ، بدتمیزی، جلاؤ گھراؤ اور وفاق پر یلغار نہیں چاہئے۔ پنجاب کی طرح دوسرے صوبوں کے لوگوں کیلئے بھی منصوبے ہونے چاہئیں۔ ان خیالات کا اظہار انہوں نے وزیر بلدیات پنجاب ذیشان رفیق کے ہمراہ ڈی جی پی آر میں پریس کانفرنس کرتے ہوئے کیا۔ کچھ لوگ گالی گلوچ اور وفاق پر حملوں کو اپنا مشن بنائے ہوئے ہیں، لیکن عوام کو خدمت کی سیاست پسند ہے۔ جب دلیل ختم ہوتی ہے تو یہ لوگ کالم گلوچ پر اتر آتے ہیں۔ جن لوگوں کی تربیت میں کمی رہ گئی ہے، وہ وزیراعلیٰ کے لباس اور انداز پر گھٹیا تبصرے کرتے ہیں۔ اس موقع پر وزیر بلدیات ذیشان رفیق نے کہا کہ ستھرا پنجاب منصوبہ ہر امیر و غریب کے لیے یکساں فوائد کا حامل ہے۔ اب پنجاب کے ہر شہر میں صفائی ستھرائی اور سیوریج کا جدید نظام ہوگا۔ پنجاب کی 154 تحصیلوں میں سے 140 تحصیلوں کو آؤٹ سورس کر دیا گیا ہے، پنجاب کی 14 تحصیلوں میں ویسٹ مینجمنٹ کمپنی خود کام کر رہی ہے۔ ستھرا پنجاب کے تحت ایک لاکھ 25 ہزار سے زائد نوکریاں ملنی تھیں، اب تک 91 ہزار سے زائد لوگوں کو نوکریاں دی جا چکی ہیں۔
.ذریعہ: Nawaiwaqt
کلیدی لفظ: وزیر اعلی مریم نواز انہوں نے پنجاب کی ایک سال کے ساتھ
پڑھیں:
تمام سٹیک ہولڈرز کی مشاورت سے نیا تھیٹر ایکٹ لانا چاہتے ہیں: عظمیٰ بخاری
لاہور (نوائے وقت رپورٹ) وزیر اطلاعات و ثقافت پنجاب عظمیٰ بخاری نے تھیٹر کے فنکاروں اور مالکان کے ساتھ ایک تفصیلی ملاقات کی جس کا مقصد نئے تھیٹر ایکٹ سے متعلق مشاورت اور فنکاروں کے تحفظات کا ازالہ تھا۔ ملاقات میں اداکارہ میگھا، نسیم وکی، ناصر چنیوٹی، آغا ماجد، سہیل احمد، قیصر ثناء اللہ، ڈاکٹر اجمل اور دیگر نمایاں شخصیات نے شرکت کی۔ عظمیٰ بخاری نے کہا کہ حکومت پنجاب تمام سٹیک ہولڈرز کے ساتھ مشاورت کے بعد ایک نیا اور جامع تھیٹر ایکٹ متعارف کرانا چاہتی ہے تاکہ تھیٹر انڈسٹری کو مضبوط بنیادوں پر استوار کیا جا سکے۔ اس عمل کا بنیادی مقصد فنکاروں اور مالکان کے خدشات کو دور کرنا اور تھیٹر کے وقار کو بحال کرنا ہے۔ تھیٹر فنکاروں اور مالکان نے وزیر اطلاعات و ثقافت کے اقدامات کو سراہتے ہوئے نئے تھیٹر ایکٹ پر اطمینان کا اظہار کیا اور حکومت کے ساتھ مکمل تعاون کی یقین دہانی کرائی۔ عظمیٰ بخاری نے کہا کہ حکومت پنجاب تھیٹر کی بہتری اور فروغ کے لیے ہر ممکن قدم اٹھائے گی اور تھیٹر کو اس کی اصل ثقافتی حیثیت میں بحال کرنا حکومت کی اولین ترجیح ہے۔ مزید براں، عظمیٰ بخاری نے اس عزم کا اعادہ کیا کہ تمام اصلاحات فنکاروں اور تھیٹر انڈسٹری کی مشاورت سے کی جائیں گی تاکہ ایک شفاف، فعال اور معیاری تھیٹر کلچر پروان چڑھ سکے۔ علاوہ ازیں پنجابی کلچر ڈے پر وزارت اطلات و ثقافت پنجاب کے زیر اہتمام صوبے کے تمام اضلاع میں خصوصی تقریبات کا انعقاد کیا گیا۔ تمام سرکاری محکموں میں افسروں اور ملازمین نے پنجابی ثقافت کی نمائندگی کرتے ہوئے روایتی لباس زیب تن کیے اور پنجابی پگڑیاں پہن کر ثقافتی شناخت کا بھرپور مظاہرہ کیا۔ پنجاب کی تمام آرٹس کونسلز میں کلچر ڈے کے سلسلے میں تقاریب کا انعقادکیا گیا، جہاں موسیقی، رقص اور دیگر ثقافتی مظاہر پیش کئے گئے۔ سرکاری سکولوں میں بھی کلچر ڈے جوش و خروش کے ساتھ منایا گیا، جس کا مقصد نئی نسل کو اپنی روایات سے روشناس کرانا ہے۔ وزیر اطلاعات پنجاب عظمٰی بخاری نے اپنے بیان میں کہا کہ 17 اپریل کو الحمراء لاہور میں عظیم الشان تقریب ہو گی، جس میں وزیراعلیٰ مریم نواز خصوصی خطاب کریں گی۔ مریم نواز پنجابی ثقافت سے گہری دلی وابستگی رکھتی ہیں اور ان کی قیادت میں پنجاب حکومت ثقافت کے فروغ کے لیے سنجیدہ اقدامات کر رہی ہے۔ عظمیٰ بخاری نے کہا کہ پنجاب کی پگ پنجابیوں کی آن، بان اور شان ہے۔ ہمارا کلچر دنیا بھر میں اپنی ایک منفرد پہچان رکھتا ہے۔ پنجابی کلچر کو فروغ دینا اور اسے نئی نسل تک پہنچانا پنجاب حکومت کا ویژن ہے۔ پنجاب حکومت کی ان کاوشوں کا مقصد ثقافتی ورثے کو محفوظ بنانا اور عالمی سطح پر پنجاب کی پہچان کو مزید مضبوط کرنا ہے۔
خلیل الرحمان ہنی ٹریپ کیس کی سماعت کل تک ملتوی