چین: جعلسازی میں ملوث گروہ کے خلاف عدالتی کارروائی
اشاعت کی تاریخ: 21st, February 2025 GMT
بیجنگ (انٹرنیشنل ڈیسک) مشرقی چین کی عدالت میں جرائم پیشہ چینی گروہ کے کے خلاف مقدمے کی سماعت مکمل ہو گئی جو مبینہ طور پر میانمر میں ٹیلیفون فراڈ اور دیگر غیر قانونی سرگرمیوں میں ملوث تھا۔ ذرائع ابلاغ کے مطابق چینی حکام نے 2023 ء سے میانمر کے ساتھ تعاون بڑھایا ہے تاکہ چین کی سرحد سے متصل شمالی میانمر میں ٹیلیفون کے ذریعے دھوکا دہی اور دیگر جرائم کا ارتکاب کرنے والے گروہوں کے خلاف کریک ڈاؤن کیا جا سکے۔ اس دوران چین سے تعلق رکھنے والے 53ہزار سے زیادہ مشتبہ افراد کو حراست میں لیا جاچکا ہے۔
.ذریعہ: Jasarat News
پڑھیں:
کراچی، پولیس اور جرائم پیشہ افراد کے درمیان متعدد مقابلے، ایک ہلاک، 4 زخمی حالت میں گرفتار
کراچی:شہر قائد میں پولیس اور جرائم پیشہ افراد کے درمیان مختلف مقامات پر مبینہ مقابلوں کے دوران ایک ملزم ہلاک جبکہ متعدد کو زخمی حالت میں گرفتار کرلیا گیا۔
تفصیلات کے مطابق اے وی ایل سی پولیس نے اورنگی ٹاؤن پراچہ قبرستان کے قریب ایک کارروائی کے دوران مبینہ مقابلے میں ایک ملزم کو ہلاک کردیا۔
ریسکیو ذرائع کے مطابق ہلاک ملزم کی شناخت رانو سومرو کے نام سے ہوئی ہے، جس کی لاش کو اسپتال منتقل کردیا گیا ہے۔ کارروائی کار لفٹر کی موجودگی کی اطلاع پر کی گئی تھی۔
مزید پڑھیں: کراچی، اورنگی ٹاؤن میں مبینہ پولیس مقابلہ، ملزم زخمی حالت میں گرفتار
ہلاک ملزم کا کرمنل ریکارڈ چیک کیا جارہا ہے ۔دوسری جانب نیو کراچی انڈسٹریل ایریا میں پولیس نے بین الصوبائی موٹر سائیکل لفٹر گینگ کے خلاف کارروائی کی اس ہی چھپے ہوئے ملزمان نے پولیس اہلکاروں پر فائرنگ کردی۔
جوابی فائرنگ کے دوران تین مطلوب ملزمان کو شدید زخمی حالت میں گرفتار کرلیا۔ ترجمان ایس ایس پی سینٹرل کے مطابق گرفتار ملزمان کے قبضے سے دو چھینی گئی موٹر سائیکلیں، تین پستول اور لوڈ میگزین برآمد ہوئے ہیں۔
زخمی حالت میں گرفتار ہونے والے ملزمان کی شناخت فضل حسین عرف فضلوں، شوکت عرف جعفر اور ملازم حسین عرف شہزاد کے نام سے ہوئی ہے۔
مزید پڑھیں: کراچی، اے وی ایل سی سائٹ ڈویژن کا مبینہ پولیس مقابلہ، بدنام زمانہ ڈکیت ہلاک
تمام زخمیوں کو فوری طور پر عباسی شہید اسپتال منتقل کردیا گیا۔ پولیس کا کہنا ہے کہ ایک ملزم موقع سے فرار ہونے میں کامیاب ہو گیا، جس کی تلاش جاری ہے۔
ادھر شاہ لطیف ٹاؤن کے علاقے رزاق آباد کے قریب پولیس اور اسٹریٹ کرمنلز کے درمیان فائرنگ کے تبادلے میں انتہائی مطلوب اسٹریٹ کرمنل محمد اساما ولد محمد رشید کو زخمی حالت میں گرفتار کرلیا گیا۔
ایس ایس پی ملیر کاشف عباسی کے مطابق ملزم کے قبضے سے اسلحہ اور چھینے گئے موبائل فونز برآمد کیے گئے ہیں۔ گرفتار ملزم نے دوران تفتیش ضلع ملیر اور کورنگی میں اسٹریٹ کرائم کی متعدد وارداتوں کا اعتراف کیا ہے۔
مزید پڑھیں: کراچی، داؤد چورنگی کے قریب مبینہ پولیس مقابلہ، ایک ڈاکو ہلاک، دوسرا زخمی گرفتار
پولیس کے مطابق محمد اساما متعدد بار گرفتار ہوکر جیل جا چکا ہے جبکہ اس کے خلاف تھانہ شاہ لطیف، اسٹیل ٹاؤن، شاہ فیصل، سعود آباد اور عوامی کالونی میں مقدمات درج ہیں۔ ملزم نے دوران تفتیش 100 سے زائد وارداتوں میں ملوث ہونے کا اعتراف بھی کیا۔
اس کا قریبی ساتھی عبید چند روز قبل قائد آباد مرغی خانہ میں ڈکیتی کے دوران مارا گیا تھا، جبکہ ایک اور ساتھی زاہد سندھی موقع سے فرار ہونے میں کامیاب ہوگیا، جس کی گرفتاری کے لیے کوششیں جاری ہیں۔
ملک میں معاشی استحکام کیساتھ روزگار کے نئے مواقع پیدا ہو رہے ہیں؛ وزیر قانون اعظم نذیر تارڑ