لوڈنگ گاڑیوں اور پتھاروں کیخلاف سخت کارروائی کی ہدایت
اشاعت کی تاریخ: 21st, February 2025 GMT
کراچی ( اسٹاف رپورٹر ) کرائم سے متعلق میٹنگ کا انعقاد ایس ایس پی سٹی آفس بغدادی کمپلیکس میں کیا گیا،میٹنگ کی قیادت ایس ایس پی سٹی عارف عزیز نے کی, میٹنگ میں ایس پی لیاری لعل بخش سولنگی, ایس ڈی پی اوز اور ایس ایچ اوز شریک تھے، تمام ایس ایچ اوز ٹریفک پولیس کے ساتھ ملکر ہیوی وہیکل والوں کے خلاف ایکشن لیں اور اس بات کو یقینی بنائیں کے کوئی بھی گاڑی 10 بجے سے پہلے شہر کے اندر داخل نہیں ہوگی، Tinted گلاسز کا استعمال کرنے والے افراد کے خلاف بھی ایکشن لیں، اپنی اپنی نفری کو بذریعہ رول کال بریف کیا جائے کہ اسنیپ چیکنگ کے دوران کسی بھی شہری سے بدتمیزی نہ کی جائے، روڈ بلاک کرنے والے رکشہ/تھیلے پتھارے لگانے والے افراد کے خلاف ایکشن لیا جائے، رمضان المبارک کی آمد کو مدنظر رکھتے ہوئے عادی/پیشہ ور بھکاریوں کے خلاف کاروائیاں کرتے ہوئے ان کو گرفتار کیا جائے، سنگین نوعیت کے مقدمات میں نامزد PO’s/Abs کو رمضان المبارک سے قبل گرفتار کیا جائے،کامبنگ آپریشن کی سپر ویڑن ایس ڈی پی اوز خود کریں اور تمام ایس ایچ اوز کامبنگ آپریشن کو لیڈ کرتے ہوئے کومبنگ آپریشن کو مؤثر بنائیں, اور گرفتاریاں عمل میں لائی جائیں، کسی بھی قسم کا تھریٹ لیٹر موصول ہوتا ہے تو اس کو بذریعہ رول کال تمام نفری کو بتایا جائے تاکہ نفری اس کے لئے ذہنی طور پر تیار ہوں، غیر قانونی طور پر مقیم افغان باشندوں کی Remapping کرکے ڈیٹا اکتھا کریں اور ان کو تاکید کریں کے وہ اپنے ملک واپس چلے جائیں، بلٹ پروف جیکٹ و Name پلیٹ کے پہننے کو یقینی بنایا جائے۔
سٹی کونسل اجلاس کی کوریج کیلیے پاسز کا اجراہ
کراچی (اسٹاف رپورٹر)کراچی میٹرو پولیٹن کارپوریشن کی تاریخ میں پہلی مرتبہ سٹی کونسل کے اجلاس کی کوریج کے لیے میڈیا کو خصوصی داخلہ پاس جاری کیا گیا ہے، پاس کے بغیر صحافیوںکو رپورٹنگ کرنے کی اجازت نہیں دی گئی تھی۔ اس حوالے سے بلدیہ عظمی کراچی کے اطلاعات و طباعت ومیڈیا مینجمنٹ کے سینئر ڈائریکٹر علی حسن ساجد کا کہنا تھا کہ کراچی میٹرو پولیٹن کارپوریشن (کے ایم سی) نے سٹی کونسل کے اجلاس کی کوریج کے لیے نئے قواعد وضع کیے ہیں۔
ذریعہ: Jasarat News
کلیدی لفظ: کے خلاف
پڑھیں:
پیکا ایکٹ کے تحت کارروائیاں جاری، ایک اور صحافی کو گرفتار کرلیا گیا
کراچی ( اُردو پوائنٹ اخبارتازہ ترین۔ 12 اپریل 2025ء ) ملک بھر میں پیکا ایکٹ کے تحت کارروائیاں جاری ہیں اسی دوران ایک اور صحافی کو گرفتار کرلیا گیا۔ تفصیلات کے مطابق کراچی پولیس نے سوشل میڈیا پر اشتعال انگیزی اور جھوٹی خبریں پھیلانے کے الزام میں ایک اور صحافی کو گرفتار کیا ہے، اجمیر نگری تھانے کی حدود میں کارروائی کرتے ہوئے شیخ جنید ساگر قریشی کو گرفتار کیا گیا، جو سوشل میڈیا اور ایک اخبار سے منسلک ہیں۔ پولیس حکام نے بتایا کہ یہ کارروائی پیکا ایکٹ کے تحت کی گئی اور مقدمہ اے ایس آئی طارق ممتاز کی مدعیت میں درج کیا گیا، جس میں مدعی نے بیان کیا کہ واٹس ایپ پر مختلف لوگوں کے میسجز دیکھتے ہوئے ایک ویڈیو نظر سے گزری، جس میں کے ایف سی ریسٹورینٹ کے واقعے کا ذکر کیا گیا، ویڈیو میں جنید ساگر نے دعویٰ کیا کہ عوام نے مشتعل ہو کر پولیس پر حملہ اور پتھراؤ بھی کیا، جس کے نتیجے میں ایس ایچ او سمیت دو اہلکار زخمی ہوئے۔(جاری ہے)
مدعی کا کہنا ہے کہ ’مذکورہ ویڈیو میں یہ بھی کہا گیا کہ سرسید تھانے کی حدود میں ایک ڈمپر نے خاتون کو کچل دیا، ان ویڈیوز اور بیانات کے ذریعے عوام میں اشتعال پیدا کرنے کی کوشش کی گئی، جو قانون کی خلاف ورزی ہے‘، اس مقدمے کے نتیجے میں پولیس کی جانب سے کارروائی کی گئی اور شیخ جنید ساگر قریشی کو گرفتار کرلیا گیا، واقعے کی مزید تفتیش جاری ہے، جنید ساگر کو عدالت میں پیش کیا جائے گا۔ بتایا جارہا ہے کہ فیڈرل انوسٹیگیشن ایجنسی (ایف آئی اے) نے پیکا ایکٹ 2025ء کے تحت سوشل میڈیا پروٹیکشن اتھارٹی قائم کردی، ذرائع کا کہنا ہے کہ اس حوالے سے محکمہ داخلہ میں سیل قائم کیا گیا ہے جو سوشل میڈیا پر غیر قانونی اور جھوٹے مواد پھیلانے والوں کے خلاف کارروائی کرے گا، جس کے ذریعے سوشل میڈیا پر غلط معلومات پھیلانے اور جھوٹا پروپیگنڈہ کرنے والوں کے خلاف ایکشن ہو سکے گا، اس کے علاوہ ایف آئی اے سائبر ونگ اور پی ٹی اے کی محکمہ داخلہ کے ساتھ رابطہ کاری بڑھائی جائے گی، سوشل میڈیا کے غلط استعمال کے خلاف محکمہ داخلہ سندھ وفاقی اداروں کے ساتھ مل کر کارروائی کرے گا۔
اسٹیک ہولڈرز کی شمولیت سے ہی بہتر عدالتی اصلاحات ممکن ہے، چیف جسٹس