خودانحصاری کا شہکار، ایران کی سائنسی پیش رفت کی ایک جھلک
اشاعت کی تاریخ: 20th, February 2025 GMT
اسلام ٹائمز: اسلامی جمہوریہ ایران نے آزادی، استقلال، خود انحصاری کا راستہ اپنا کر ترقی کی وہ منزلیں طے کی ہیں جن سے پوری دنیا کے لئے یہ ثابت ہو گیا کہ اقوام اپنے زور بازو سے نہ صرف وقار کو برقرار رکھتی ہیں بلکہ علمی تحقیقات اور صنعتی پیش رفت سے پوری دنیا اور انسانیت کی خدمت کر سکتی ہیں۔ ترتیب و تنظیم: علی احمدی
مشرق وسطیٰ اور ترقی پذیر دنیا میں امریکہ، یورپ اور صیہونی پروپیگنڈا مشینری دنیا کو باور کرواتی ہے کہ دھرتی کے فرعون اور عالمی استعمار امریکہ کی غلامی قبول نہ کرنیوالے ممالک آگے نہیں بڑھ سکتے۔ لیکن اس حوالے اسلامی جمہوریہ ایران نے آزادی، استقلال، خود انحصاری کا راستہ اپنا کر ترقی کی وہ منزلیں طے کی ہیں جن سے پوری دنیا کے لئے یہ ثابت ہو گیا کہ اقوام اپنے زور بازو سے نہ صرف وقار کو برقرار رکھتی ہیں بلکہ علمی تحقیقات اور صنعتی پیش رفت سے پوری دنیا اور انسانیت کی خدمت کر سکتی ہیں۔ ایران کی سائنسی ترقی کے متعلق درج ذیل نکات اس کی دلیل ہیں:
1- بین الاقوامی خبر رساں ایجنسی ایران انٹرنیشنل انگلینڈ کی دستاویز کے مطابق ایران دنیا کا سب سے محفوظ ملک ہے۔
2- ایران دنیا کی 4 طاقتور ترین بحری افواج میں سے ایک ہے۔
3- ایران ان چند ممالک میں سے ایک ہے جو دنیا میں تباہ کن سمندری جہاز تیار کرتے ہیں۔
4- ایران دنیا کے طاقتور ترین اسنائپر ہتھیار (بھار) کا مینوفیکچرر اور ڈیزائنر ہے۔
5- ایران ان چند ممالک میں سے ایک ہے جو دنیا میں لڑاکا طیارے (کوثر جیٹ) تیار کرتے ہیں۔
6- ایران امریکہ کے بعد بلند پرواز اسٹریٹجک شمسی طیارے بنانے والا دنیا کا دوسرا ملک ہے۔
7- ایران خلاء میں جانداروں کو بھیجنے والا چھٹا ملک ہے۔
8- ایران دنیا میں انتہائی جدید جاسوس ڈرون کا سب سے بڑا شکاری ہے۔
9- ایران مشرق وسطیٰ کا طبی مرکز ہے۔
10- ایران نینو سائنس کے میدان میں دنیا کا چوتھا ملک ہے۔
11- ایران سٹیم سیل کے میدان میں دنیا کا تیسرا ملک ہے۔
12- ایران میں اعضاء کی پیوند کاری کا دنیا کا تیسرا سب سے بڑا مرکز ہے، جس کی ایک مثال شیراز کا نامازی ہسپتال ہے۔
13- ایران واحد ملک ہے جو دنیا میں ذیابیطس کے السر کے لیے دوائی (این جی پارس) اور ایڈز کو کنٹرول کرنے کے لیے (ایمود) تیار کرتا ہے۔
14- ایران جدت کے لحاظ سے دنیا میں سب سے تیزی سے ترقی کرنے والا ملک ہے۔
15- اکانومسٹ میگزین کے مطابق ایران کے پاس دنیا کی دوسری طاقتور سائبر آرمی ہے۔
16- ایران دنیا میں میتھانول پیدا کرنے والا سب سے بڑا ملک ہے۔
17- ایران دنیا میں پتھر سے کاغذ تیار کرنے والا پانچواں بڑا ملک ہے۔
18- ایران دنیا کا واحد ملک ہے جو ہائی فریکیونسی الیکٹرو سرجیکل آلات تیار کرتا ہے۔
19- ورلڈ اکنامک پالیسی آرگنائزیشن کے اکنامک ڈویژن کی رپورٹ کے مطابق 227 ممالک میں ایران دنیا کے 37 سب سے اوپر والے برآمد کنندگان میں شامل ہے۔
20- ایران دنیا میں لینیر ایکسلریٹر بنانے والا دوسرا بڑا ملک ہے۔
21- آبی زراعت میں ایران مشرق وسطیٰ میں پہلے اور دنیا میں 18ویں نمبر پر ہے۔
22- ایران 21ویں صدی کی جدید ٹیکنالوجی یعنی لیزر کے میدان میں دنیا کے ٹاپ 5 ممالک میں شامل ہے۔
23- اقوام متحدہ کے انسانی ترقی کے اشاریوں کے لحاظ سے ایران دنیا کا سب سے تیزی سے ترقی کرنے والا ملک ہے۔
24- ایران بانجھ پن کے علاج کے حوالے سے دنیا کے ترقی یافتہ ممالک میں سے ایک ہے۔
25- اسٹم سیل سائنس کے میدان میں ایران دنیا کے 15 ممالک میں شامل ہے۔
26- یونیسکو کی رپورٹ کے مطابق ایران میں غیر ملکی طلباء کی قبولیت کی شرح دنیا میں سب سے زیادہ ہے۔
27- ایرانی جوہری سائنس دانوں نے طحالب کی ایک قسم کاشت کی ہے، جسے بیرونی ممالک 390 ڈالر فی گرام میں فروخت کرتے ہیں، یعنی ایک کلو کی قیمت تقریباً 390,000 ڈالر ہے۔ ڈالروں میں اس کا حساب لگائیں اور دیکھیں کہ ایک کلو کی قیمت کتنے ارب ہے۔
28- اقوام متحدہ کی ایک رپورٹ کے مطابق ایران اپنی سرزمین پر منشیات کے خلاف کامیاب جنگ کا حامل پہلا ملک ہے۔
29- ایران دنیا کا سب سے زیادہ مدافعت رکھنے والا اور سب سے زیادہ مزاحمت کرنے والا، سب سے ترقی یافتہ ملک ہے، جو دنیا کی سب سے بھاری اور سب سے زیادہ پابندیوں کے باوجود ترقی کی منزلیں طے کر رہا ہے۔
30- ایران ریلیوں میں عوامی شرکت اور اربعین کے عالمی اجتماع میں شرکت کرنیوالا سب سے بڑھا ملک ہے۔
31- ایران دنیا کا واحد ملک ہے جس کے طرز حکومت کا تعین انتخابات کے ذریعے ہوتا ہے۔ 98% عوام نے اسلامی جمہوریہ کے حق میں ووٹ دیا، بہت سے ممالک کے پاس یہ ماڈل تھا نہ اب تک ہے۔
32- ایران دندان سازی کے میدان میں دنیا کے 12 ممالک میں شامل ہے، اس حوالے سے امریکہ اور ایران کا کوئی موازنہ نہیں ہے، امریکہ کو بغیر دانتوں والا ملک کہا جاتا ہے۔
33- ایران ان ممالک میں شامل ہے جو 95 فیصد سے زیادہ ادویات خود بناتے اور خود استعمال کرتے ہیں۔ دوائیوں کی کمی کے لحاظ سے ایران دنیا کے 5% ممالک میں سے ہے۔
34- انگلینڈ کے انڈیپنڈنٹ اخبار کی ایک رپورٹ کے مطابق ایران سیاسی، عسکری اور اقتصادی طاقت کے لحاظ سے دنیا کا تیرھواں ملک ہے۔
35- اقوام متحدہ کے مطابق متوقع عمر کے لحاظ سے ایران دنیا کا سب سے تیزی سے ترقی کرنے والا ملک ہے۔
اسلامی جمہوریہ ایران کے خلاف عالمی استعمار کی پابندیوں کو مدنظر رکھتے ہوئے، یہ اعداد و شمار آزاد دنیا کے لئے ایک عملی مثال ہیں۔ اس سے یہ بھی پتہ چلتا ہے کہ ترقی نامی چیز خودانحصاری اور خود کفالت کے بغیر حاصل نہیں کی جا سکتی۔
ذریعہ: Islam Times
کلیدی لفظ: ایران دنیا کا سب سے ممالک میں شامل ہے کے میدان میں دنیا اسلامی جمہوریہ ایران دنیا میں رپورٹ کے مطابق کے مطابق ایران ایران دنیا کے میں سے ایک ہے ممالک میں سے سے پوری دنیا سب سے زیادہ کے لحاظ سے کرنے والا کرتے ہیں والا ملک جو دنیا کی ایک ملک ہے
پڑھیں:
امیر جماعت کا اسلامی ممالک کے سربراہان کے نام خط، غزہ سے اظہار یکجہتی کے لیے 20اپریل کو عالمی یوم احتجاج منانے کی تجویز
حافظ نعیم الرحمن نے خط میں کہا کہ آج ہم غزہ میں جو کچھ دیکھ رہے ہیں، وہ نسل کشی سے کم نہیں۔ معصوم شہری، بشمول خواتین اور بچے، بلاتمیز قتل کیے جا رہے ہیں۔ اسپتال، صحافی، اسکول، اور پناہ گاہیں جو بین الاقوامی قوانین کے تحت محفوظ تصور کی جاتی ہیں کو جان بوجھ کر نشانہ بنایا جا رہا ہے۔ اس ظلم کے سامنے عالمی برادری کی خاموشی یا بے عملی انتہائی تشویشناک ہے۔ اسلام ٹائمز۔ امیر جماعت اسلامی حافظ نعیم الرحمن نے اسلامی ممالک کے سربراہان کے نام خط لکھ کر ان کی توجہ غزہ میں جاری صہیونی سفاکیت کی طرف دلائی ہے اور اہل فلسطین کی مدد کے لیے عملی اقدامات کی اپیل کی ہے۔ انھوں نے اہل غزہ سے اظہار یکجہتی کے لیے 20اپریل جمعہ کو عالمی سطح پر یوم احتجاج منانے کی بھی تجویز دی ہے۔ مسلم سربراہان کے نام جاری خطوط میں انھوں نے کہا کہ وہ آپ کو غزہ میں جاری ہولناک انسانی بحران پر گہرے دکھ اور تشویش کے ساتھ یہ خط لکھ رہے ہیں۔ تباہی اور انسانی تکالیف کی شدت عالمی برادری کی فوری اور مشترکہ کارروائی کا تقاضا کرتی ہے۔ تاریخ ہمیں یہ سبق دیتی ہے کہ جب ہولوکاسٹ، بوسنیا کی نسل کشی، یا کوسوو کے تنازعے جیسے شدید انسانی بحران پیش آئے، تو دنیا نے اہم موڑ پر انسانی وقار اور انصاف کے تحفظ کے لیے متحد ہو کر قدم اٹھایا۔
انھوں نے خط میں کہا کہ آج ہم غزہ میں جو کچھ دیکھ رہے ہیں، وہ نسل کشی سے کم نہیں۔ معصوم شہری، بشمول خواتین اور بچے، بلا تمیز قتل کیے جا رہے ہیں۔ اسپتال، صحافی، اسکول، اور پناہ گاہیں جو بین الاقوامی قوانین کے تحت محفوظ تصور کی جاتی ہیں کو جان بوجھ کر نشانہ بنایا جا رہا ہے۔ اس ظلم کے سامنے عالمی برادری کی خاموشی یا بے عملی انتہائی تشویشناک ہے۔ مسلم اکثریتی ممالک کی حکومتوں سے پرزور اپیل کرتے ہیں کہ وہ روزانہ کی بنیاد پر جاری قتل عام کو روکنے کے لیے فوری اور فیصلہ کن اقدامات کریں۔ جدید ہتھیاروں کی تباہ کن صلاحیت جو اسرائیل کو آزادی سے اور غیرمتناسب طور پر میسر ہے، سوشل میڈیا اور براہِ راست نشریات کے ذریعے آج دنیا ان مظالم کو لمحہ بہ لمحہ دیکھ رہی ہے۔ عالمی سطح پر شعور بے مثال ہے اور دنیا بھر کے مسلمان اور امن پسند لوگ غزہ کے عوام کے ساتھ یکجہتی اور درد کا اظہار کر رہے ہیں۔ ہمیں یقین ہے کہ آپ کے ملک کے عوام بھی ہمارے درد اور غم میں برابر کے شریک ہیں، جیسا کہ دنیا کے بے شمار دوسرے لوگ بھی۔
انھوں نے مسلم سربراہان کو مخاطب کرتے ہوئے کہا کہ یہ وہ لمحہ ہے جو جرات مندانہ اور اخلاقی قیادت کا تقاضا کرتا ہے۔ ہم آپ سے مودبانہ گزارش کرتے ہیں کہ فوری طور پر مسلم ممالک کے رہنماوں کا اجلاس بلایا جائے تاکہ ایک واضح اور اجتماعی حکمتِ عملی ترتیب دی جا سکے۔ اگر دنیا خاموش رہی، تو ہم ایک اور انسانی ناکامی کے باب پر افسوس کرتے رہ جائیں گے بالکل جیسے روانڈا میں ہوا۔ فرق صرف یہ ہے کہ اس بار پوری دنیا یہ سب براہِ راست دیکھ رہی ہے۔ ہم یہ بھی اپیل کرتے ہیں کہ تمام ریاستی سربراہان کا ایک خصوصی اجلاس بلایا جائے جس کا واحد ایجنڈا غزہ میں جاری نسل کشی کو روکنا ہو۔ تعمیر نو اور بحالی کے اقدامات بعد میں کیے جا سکتے ہیں، لیکن سب سے پہلے اس خونریزی کا خاتمہ ضروری ہے۔
اُنہوں نے کہا کہ ہم سمجھتے ہیں کہ تمام مسلم ممالک کسی نہ کسی سطح پر بین الاقوامی اثر و رسوخ رکھتے ہیں، اور اب وقت آ گیا ہے کہ اسے مثر طریقے سے استعمال کیا جائے۔ مزید برآں ہم یہ تجویز پیش کرتے ہیں کہ جمعہ، 20 اپریل کو سرکاری طور پر یوم عالمی احتجاج قرار دیا جائے۔ اس دن کو ریلیوں، جلوسوں، خصوصی دعاوں، اور فلسطینی عوام کے ساتھ یکجہتی کے عالمی مظاہروں سے منایا جانا چاہیے۔ ہم بین الاقوامی انسانی حقوق کی تنظیموں سے بھی رابطہ کر رہے ہیں تاکہ وہ اس اتحاد اور ظلم کے خلاف مزاحمت کے دن کی توثیق کریں۔
نائب تحصیل دار کی گاڑی پر بارودی مواد کا دھماکہ