واٹس ایپ نے صارفین کیلئے نیا فیچر متعارف کروا دیا
اشاعت کی تاریخ: 20th, February 2025 GMT
واٹس ایپ کا استعمال دنیا بھر میں دو ارب سے زائد افراد کرتے ہیں اور اس پر اکثر صارفین کو پیغامات کی بھرمار کا سامنا رہتا ہے۔
اکثر افراد کے لیے واٹس ایپ کے تمام پیغامات کو پڑھنا ایک مشکل کام ہوتا ہے کیونکہ ان میں سے زیادہ تر پیغامات ان کے لیے غیر ضروری ہوتے ہیں۔
اس سے قبل واٹس ایپ نے ایک فیچر کی آزمائش کی تھی جس کے ذریعے آپ ان پیغامات کو خودکار طور پر کلیئر کر سکتے تھے جو آپ نے پڑھنے نہ تھے، تاہم اس پر کام عارضی طور پر روک دیا گیا تھا۔ لیکن اب اس فیچر کی آزمائش دوبارہ شروع کی گئی ہے۔
رپورٹس کے مطابق، اس فیچر کو آئی او ایس ڈیوائسز کے بیٹا ورژن میں شامل کیا گیا ہے۔
ذرائع نے بتایا کہ آئی او ایس کے لیے واٹس ایپ کی نوٹیفکیشن سیٹنگز میں “کلیئر بیج” کے نام سے ایک نیا آپشن متعارف کرایا گیا ہے۔
اس آپشن کی خصوصیت یہ ہے کہ اگر اسے فعال کر لیا جائے تو جب بھی آپ ایپ کو کھولیں گے، ہوم اسکرین پر موجود نوٹیفکیشن بیج خود بخود کلیئر ہو جائے گا، یعنی تمام ان ریڈ میسجز حذف ہو جائیں گے۔
اس فیچر کا مقصد صارفین کو ہوم اسکرین پر پیغامات کی بھرمار سے ہونے والی الجھن سے نجات دلانا ہے، تاکہ انہیں یہ فکر نہ ہو کہ انہیں درجنوں پیغامات کو پڑھنا ہے۔
رپورٹ کے مطابق، یہ فیچر چند ہفتوں میں عوامی سطح پر متعارف کرایا جا سکتا ہے۔
یہ فیچر خاص طور پر ان صارفین کے لیے فائدہ مند ثابت ہوگا جو کئی واٹس ایپ گروپس کا حصہ ہیں اور ان کے لیے تمام پیغامات کو پڑھنا ممکن نہیں ہوتا۔ اس طریقے سے نہ صرف وقت کی بچت ہوگی بلکہ واٹس ایپ ان باکس کو منظم رکھنے میں بھی مدد ملے گی۔
.ذریعہ: Jasarat News
کلیدی لفظ: پیغامات کو واٹس ایپ کے لیے
پڑھیں:
’شکر ہے کوئی تو چاہت فتح علی خان کے مقابلے پر اترا‘، راحت علی خان کے بیٹے کی پرفارمنس پر صارفین کی تنقید
دنیا بھر میں مقبول گلوکار راحت فتح علی خان کے بیٹے شاہ زمان نے بھی گائیکی کے میدان میں قدم رکھ دیا ہے۔
راحت فتح علی خان اپنے بیٹے کے ہمراہ اکثر اسٹیج پر ایک ساتھ پرفارم کرتے رہتے ہیں۔ حالیہ دنوں میں شاہ زمان نے برطانیہ میں اپنے والد راحت فتح علی خان کے ہمراہ کنسرٹس میں پرفارم کیا، جہاں اُن کی گائیکی پر صارفین مختلف تبصرے کرتے نظر آئے۔ انہوں نے کنسرٹ میں کِنّا سوہنا تینوں اور یار نہ بچھڑے جیسے لازوال کلام پیش کیے، جس پر سامعین نے ان کی خوب تعریف کی۔
یہ بھی پڑھیں: راحت فتح علی خان کا باکمال بیٹا برطانیہ میں پہلی پرفارمس کے لیے تیار
لیکن حال ہی میں ان کی ایک ویڈیو سوشل میڈیا پر وائرل ہوئی جس میں انہیں راحت فتح علی خان اور دیگر سامعین کے سامنے گائیکی کرتے دیکھا جا سکتا ہے، راحت فتح علی خان اپنے بیٹے کی گلوکاری پر خوب خوش ہو رہے تھے اور انہیں تالیاں بجا کر داد دے رہے تھے لیکن مداحوں کو ان کی آواز اور انداز ایک آنکھ نہ بھائی۔ اور انہوں ںے شاہ زمان کو کی گائیکی کو شدید تنقید کا نشانہ بنایا۔
ایک صارف نے شاہ زمان کی آواز سن کر لکھا کہ توبہ توبہ اتنی بے سُری آواز اور اتنا برا انداز ہے۔ انہوں نے کہا کہ یہ لڑکا فتح علی خان گھرانے کا نام بدنام کرے گا۔ صارف نے راحت فتح علی خان کو مشورہ دیا کہ اپنے صاحبزادے سے کسی ٹرک کے اڈے پر لوڈنگ اور ان لوڈنگ کا کام کرائیں۔
توبہ توبہ اتنی بے سُری آواز اور اتنا گھٹیا انداز۔ اے منڈا فتح علی خان گھرانے دا ناں بدنام کرے گا۔ راحت صاب ڈرامے بازی کرن دی بجائے اینوں کسے ٹرک اڈے تے لوڈنگ ان لوڈنگ دا کم کرواؤ
pic.twitter.com/syXSs1et5t
— Fayyaz (@FayyazCanada) April 13, 2025
اجمل نامی صارف لکھتے ہیں کہ شکر ہے کوئی تو چاہت فتح علی خان کے مقابلے پر اترا۔
شکر ہے کوئی تو چاحت فتح علی خاں کے مقابلے پر اترا ????????????
— Ajmal (@abuahmed353) April 13, 2025
عباس بٹ نے لکھا کہ پتہ کریں یہ چاہت فتح علی خان کا بیٹا تو نہیں۔
پتا کرو
یہ چاہت فتح علی کا بیٹا تو نہیں ????
— ABBAS Butt (@ABBASButt231073) April 13, 2025
ایک ایکس صارف نے لکھا کہ چاہت فتح علی خان اور راحت فتح علی خان کے بیٹے میں کانٹے دار مقابلہ ہے، دیکھیں اونٹ کس کروٹ بیٹھتا ہے۔
چاہت فتح علی خان اور راحت فتح علی خان کے بیٹے میں کانٹے دار مقابلہ۔۔۔۔۔۔۔۔۔۔۔۔۔۔۔۔۔ دیکھیں اونٹ کس کروٹ بیٹھتا ہے
— JadOOn (@kazimkh71768220) April 13, 2025
محمد کبیر نے راحت فتح علی خان کے بیٹے کی گائیکی سننے کے بعد لکھا کہ ’اب کوئی چاہت فتح علی خان کا مذاق نہیں اڑائے گا‘۔
اب کوئی چاہت فتح علی خاں کا مزاق نہیں اڑائے گا _ https://t.co/Rl55r3TOUq
— Muhammad Kabir (@MKabir1983) April 13, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چاہت فتح علی خان راحت فتح علی خان شاہ زمان علی خان
کاشتکار بھائیوں کے لئےوزیراعلی مریم نواز کی جانب سےگندم کی نقل و حمل کی اجازت