یوکرین امن مذاکرات کی میزبانی پر پیوٹن کے بعد ڈونلڈ ٹرمپ کا بھی سعودی عرب کا شکریہ
اشاعت کی تاریخ: 20th, February 2025 GMT
امریکی صدر ڈونلڈ ٹرمپ نے واشنگٹن اور ماسکو کے درمیان مذاکرات کی میزبانی کرنے پر بدھ کے روز سعودی عرب کا شکریہ ادا کرتے ہوئے سعودی مملکت کو ’خصوصی رہنماؤں کے ساتھ ایک خاص جگہ‘ قرار دیا۔
فیوچر انویسٹمنٹ انیشیٹو انسٹیٹیوٹ کے افتتاح کے موقع پر خطاب کرتے ہوئے، امریکی صدر نے اس سلسلے میں ولی عہد شہزادہ محمد بن سلمان کو ان کی مذاکراتی کوششوں پر خصوصیت سے سراہا۔
یہ بھی پڑھیں: امریکا روس مذاکرات کی میزبانی پر پیوٹن کا سعودیہ سے اظہار تشکر
صدر ٹرمپ نے کہا کہ لیکن خاص طور پر، ہمیں بہت اچھے طریقے سے منعقدہ ان تاریخی مذاکرات کی میزبانی کرنے کے لیے [ولی عہد] شہزادہ محمد بن سلمان کا شکریہ ادا کرنا ہوگا۔
صدر ٹرمپ نے یوکرین کے صدر ولادیمیر زیلنسکی پر اپنی حالیہ تنقید کا سلسہ جاری رکھتے ہوئے کہا کہ وہ یوکرین سے ’محبت‘ کرتے ہیں، لیکن صدر زیلنسکی کی بہت بری کارکردگی پر انہیں تنقید کا نشانہ بنائے بغیر نہیں رہ سکتے۔
مزید پڑھیں: یوکرین جنگ پر روس امریکا مذاکرات کا پہلا دور ختم، کن معاملات پر گفتگو ہوئی؟
’اس (زیلنسکی) کا ملک بکھر گیا ہے اور لاکھوں اور لاکھ لوگ غیر ضروری طور پر مر چکے ہیں، مجھے امید ہے کہ روس اور یوکرین جنگ کے خاتمے کے لیے جلد ہی جنگ بندی ہوگی۔‘
امریکی صدر نے جس کانفرنس سے خطاب کیا وہ بدھ سے جمعہ تک فلوریڈا کے شہر میامی میں جاری ہے، 2017 میں شروع کیے جانیوالے فیوچر انویسٹمنٹ انیشیٹو انسٹیٹیوٹ دنیا بھر سے سرمایہ کاروں، پالیسی سازوں، سرکاری حکام اور نجی شعبے کے بین الاقوامی ایگزیکٹوز کو اکٹھا کرتا ہے۔
مزید پڑھیں: چینی صدر کی روسی ہم منصب سے ڈیڑھ گھنٹہ میٹنگ، کیا کچھ زیربحث آیا؟
یہ تقریب تبدیلی سازوں کو اکٹھا کر کے اور تیزی سے ترقی پذیر منظر نامے کے لیے شراکت داری اور پالیسیوں پر تبادلہ خیال کر کے اپنی تیل پر منحصر معیشت کو متنوع بنانے کے مملکت کے منصوبوں کی توسیع ہے۔
اس سے قبل روسی صدر ولادیمیر پیوٹن نے امریکا اور روس کے درمیان مذاکرات کی میزبانی پر سعودی قیادت کا شکریہ ادا کیا ہے۔
سعودی گزٹ رپورٹ کے مطابق سعودی عرب نے منگل کو امریکا اور روسی فیڈریشن کے درمیان دارالحکومت ریاض میں اپنی نوعیت کی پہلی بات چیت کی میزبانی کی۔
مزید پڑھیں: یوکرین جنگ پر روس امریکا مذاکرات کا پہلا دور ختم، کن معاملات پر گفتگو ہوئی؟
اس میزبانی کے نتیجے میں ہوئی مثبت پیشرفت پر روسی صدر ولادیمیر پیوٹن نے سعودی فرمانروا شاہ سلمان اورولی عہد اوروزیراعظم محمد بن سلمان کا شکریہ ادا کیا ہے۔
سعودی گزٹ کے مطابق صدر پیوٹن نے صحافیوں سے بات کرتے ہوئے کہا کہ وہ سعودی قیادت کا تہہ دل سے شکریہ ادا کرنا چاہتے ہیں۔
ان کا کہنا تھا کہ میں نہ صرف مذاکرات کی میزبانی پر بلکہ خادم حرمین و شریفین شاہ سلمان بن عبدالعزیز اور ولی عہد محمد بن سلمان کی جانب سے دوستانہ ماحول پیدا کرنے پر بھی ان کا شکریہ ادا کرتا ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ڈونلڈ ٹرمپ ولادیمیر زیلنسکی یوکرین.ذریعہ: WE News
کلیدی لفظ: امریکی صدر ڈونلڈ ٹرمپ ولادیمیر زیلنسکی یوکرین مذاکرات کی میزبانی پر کا شکریہ ادا امریکی صدر کے لیے
پڑھیں:
محمد بن سلمان اہلبیت اطہارؑ کی قبروں کی تعمیر کرا دیں تو حج سے زیادہ مالی فائدہ ہوگا، علامہ ریاض نجفی
جمعہ کے اجتماع سے خطاب میں وفاق المدارس الشیعہ کے صدر کا کہنا تھا کہ آج کا سعودی فرما نروا محمد بن سلمان روشن خیال ہے اور وہ اپنے ملک کی آمدن میں اضافے کا خواہاں بھی ہے، اگر وہ اہلبیت اطہار کی قبروں کو دوبارہ تعمیر کر دیں تو یقینی طور پر انہیں حج سے زیادہ مالی فائدہ ہوگا اور اگر محمد بن سلمان یہ کام کر دیں تو سعودی عرب کی نہ صرف آمدنی میں اضافہ ہوگا بلکہ اسلامی دنیا میں ان کا وقار اور عزت بڑھ جائے گی۔ اسلام ٹائمز۔ وفاق المدارس الشیعہ پاکستان کے صدر علامہ حافظ سید ریاض حسین نجفی نے جامع علی مسجد حوزہ علمیہ جامعتہ المنتظر لاہور میں خطبہ جمعہ دیتے ہوئے کہا ہے کہ حضرت آدم علیہ السلام زمین پر اللہ تعالیٰ کے پہلے نمائندہ اور حجت خدا ہیں، اگر حجت خدا سے زمانہ خالی ہو جائے تو کائنات کا نظام درہم برہم ہو جائے گا، انہوں نے کہا سید الانبیا ءحضرت محمد مصطفی صلی اللہ علیہ وآلہ وسلم ایسے نمائندہ خدا ہیں کہ جن کے بھیجنے پر اللہ نے انسانیت پر اپنا احسان جتلایا کہ میں نے اپنی مخلوق کیلئے ایسا نمائندہ بھیجا ہے۔
انہوں نے سعودی عرب کے فرمانروا محمد بن سلمان سے اپیل کی ہے کہ وہ جنت البقیع کے مزارات کو تعمیر کریں تو ان کی آمدن حج سے بھی زیادہ بڑھ سکتی ہے۔ ان کا کہنا تھا کہ آئمہ معصومین علیہم السلام میں سے خاتون جنت دختر رسول سیدہ فاطمة الزہرا سلام اللہ علیہا سب سے زیادہ مظلوم ہیں کیونکہ آپ کسی بھی ملک میں چلے جائیں سب معصومین کی قبریں محفوظ ہیں لیکن سعودی عرب میں کہ جہاں سے اسلام شروع ہوا یہاں اہل بیت اطہار علیہم السلام کی قبروں کو مسمار کر دیا گیا۔
انہوں نے کہا کہ ٓاج کا سعودی فرما نروا محمد بن سلمان روشن خیال ہے اور وہ اپنے ملک کی آمدن میں اضافے کا خواہاں بھی ہے، اگر وہ اہلبیت اطہار کی قبروں کو دوبارہ تعمیر کر دیں تو یقینی طور پر انہیں حج سے زیادہ مالی فائدہ ہوگا اور اگر محمد بن سلمان یہ کام کر دیں تو سعودی عرب کی نہ صرف آمدنی میں اضافہ ہوگا بلکہ اسلامی دنیا میں ان کا وقار اور عزت بڑھ جائے گی۔
آئی پی یو اسمبلی، چیئرمین سینٹ کا سماجی انصاف کیلئے عالمی پارلیمانی اتحاد کا مطالبہ