ملک بھر میں تحریک شروع کریں گے، ہم رکنے والے نہیں: سلمان اکرم راجا
اشاعت کی تاریخ: 20th, February 2025 GMT
پی ٹی آئی رہنما جنرل سلمان اکرم راجا کا کہنا ہے کہ ہم عوام کو اکٹھا کرے گے، ملک بھر میں تحریک شروع کریں گے، رمضان اور رمضان کے بعد آپشن دستیاب ہے، ہم رکنے والے نہیں ہے۔
پشاور میں صحافیوں سے غیر رسمی گفتگو کرتے ہوئے پاکستان تحریک انصاف (پی ٹی آئی ) کے سیکرٹری جنرل سلمان اکرم راجا نے کہا کہ بانی پی ٹی آئی عمران خان سمیت جو سیاسی قیدی ہیں ان کے لیے ہم نے آگے بڑھنا ہے، علی امین گنڈاپور کو پارٹی عہدے سے ہٹانا اچھا فیصلہ ہے۔
ان کا کہنا تھا کہ صدر خیبر پختونخوا جنید اکبر اچھے کام کررہے ہیں، علی امین گنڈاپور کے پی کے وزیر اعلی ہے۔
انہوں نے کہا کہ ہم جمہوریت کے لیے تاریخی جہدوجہد کررہے ہیں، آئین کی بالادستی کے لئے ہم اواز اٹھائیں گے۔
سلمان اکرم راجا نے مزید کہا کہ آج ہماری شاہد خاقان عباسی سے ملاقات ہے، سندھ کی جماعتوں سے بھی ملاقاتیں ہوگی۔
.ذریعہ: Jasarat News
کلیدی لفظ: سلمان اکرم راجا
پڑھیں:
اسٹیبلشمنٹ سے ڈیل کا علم نہیں، اعظم سواتی نے اپنے طور پر بات کی، سلمان اکرم راجہ
لاہور میں انسداد دہشت گردی کی خصوصی عدالت کے باہر صحافیوں سے گفتگو میں سیکرٹری جنرل پی ٹی آئی کا کہنا تھا کہ ہم ہمیشہ شفاف انتخابات اور قانون کی بالادستی چاہتے ہیں، ہم چاہتے ہیں لوگ اغواء نہ ہوں، یہ سب ہمارا نصب العین ہے، اگر کوئی بات آگے بڑھتی ہے جس میں شخصی آزادیاں اور بنیادی حقوق کو بحال کیا جاتا ہے تو سو بسم اللہ۔ اسلام ٹائمز۔ پاکستان تحریک انصاف (پی ٹی آئی) کے سیکرٹری جنرل سلمان اکرم راجہ نے کہا ہے کہ اسٹیبلشمنٹ سے ڈیل کا میرے علم میں نہیں، اعظم سواتی نے اپنے طور پر بات کی۔ لاہور میں انسداد دہشت گردی کی خصوصی عدالت کے باہر صحافیوں سے گفتگو میں سلمان اکرم راجہ نے کہا ہے کہ اسٹیبلشمنٹ سے ڈیل کی بات اعظم سواتی اپنے طور پر کہہ رہے ہیں، جب تک بانی پی ٹی آئی عمران خان سے بات نہیں ہوتی تب تک کچھ نہیں کہہ سکتے۔ سلمان اکرم راجہ نے کہا ہے کہ بانی پی ٹی آئی عمران سے ملاقات ہوگی تو صورت حال واضح ہو گی اسی لیے بانی پی ٹی ائی سے ملاقات نہیں کرنے دی جا رہی تاکہ ابہام برقرار رہے، ملاقات کے بعد پتا چلے گا کہ انہوں نے کسی کو مذاکرات کا کہا ہے یا نہیں۔
سیکرٹری جنرل پی ٹی آئی نے کہا ہے کہ ہم ہمیشہ شفاف انتخابات اور قانون کی بالادستی چاہتے ہیں، ہم چاہتے ہیں لوگ اغواء نہ ہوں، یہ سب ہمارا نصب العین ہے، اگر کوئی بات آگے بڑھتی ہے جس میں شخصی آزادیاں اور بنیادی حقوق کو بحال کیا جاتا ہے تو سو بسم اللہ لیکن اگر کوئی یہ سوچ رہا ہے کہ پتلی گلی سے نکلنے کی کوشش کریں تو ایسا نہیں ہو سکتا۔ واضح رہے کہ گزشتہ دنوں پاکستان تحریک انصاف (پی ٹی آئی) کے راہنما اعظم خان سواتی نے دعویٰ کیا تھا کہ عمران خان اب بھی مذاکرات کی میز پر آنے کے لیے تیار ہیں، اگر اسٹیبلشمنٹ مذاکرات کے لیے تیار ہے تو انہیں پی ٹی آئی کے بانی کی آشیرباد حاصل ہے۔
افغانستان سے دراندازی پھر ناکام، 8 خوارج ہلاک، 4 گرفتار