وزیرِ داخلہ محسن نقوی کی قطری سفیر علی مبارک علی عیسیٰ الخطیر سے ملاقات
اشاعت کی تاریخ: 20th, February 2025 GMT
سوشل میڈیا
پاکستان اور قطر نے انسدادِ منشیات سے متعلق باہمی تعاون بڑھانے پر اتفاق کیا ہے۔
وفاقی وزیر داخلہ محسن نقوی نے قطر کے سفیر علی مبارک علی عیسیٰ الخطیر سے ملاقات کی۔
ملاقات میں باہمی دلچسپی کے امور، دو طرفہ تعلقات پر تبادلۂ خیال کیا گیا، مختلف شعبوں میں تعاون بڑھانے پر گفتگو کی گئی، قطر میں قید پاکستانی شہریوں کی رہائی سے متعلق بھی بات چیت کی گئی۔
وفاقی وزیر داخلہ سینیٹر محسن نقوی نے دارالحکومت اسلام آباد میں جرائم کی صورتحال پر تحریری جواب دیدیا۔
قطر کے سفیر نے وزیرِ داخلہ محسن نقوی کو قطر کے دورے کی دعوت دی۔
محسن نقوی نے دعوت قبول کرتے ہوئے کہا کہ قطر سے انتہائی قریبی تعلقات ہیں، جلد قطر کا دورہ کر کے ہم منصب سے ملاقات کروں گا۔
وزیرِ داخلہ نے کہا کہ انسدادِ منشیات سے متعلق خلیجی ممالک کی کانفرنس اپریل میں اسلام آباد میں ہو گی، کانفرنس میں قطر کے انسدادِ منشیات کے ادارے کے سربراہ کو شرکت کی دعوت دی ہے، انسدادِ منشیات پر دوست ممالک کے ساتھ قریبی اشتراک چاہتے ہیں۔
قطر کے سفیر نے کہا کہ پاکستان برادر اسلامی ملک ہے، پاک قطر تعلقات کو انتہائی اہمیت دیتے ہیں۔
.ذریعہ: Jang News
پڑھیں:
پاکستان دہشتگردی اور دنیا کے درمیان دیوار ہے، عالمی برادری بھرپور تعاون کرے، محسن نقوی
وفاقی وزیر داخلہ محسن نقوی سے امریکی کانگریس کے وفد نے ملاقات کی، کانگریس مینز جیک برگمین، ٹام سوزی اور جوناتھن جیکسن شامل تھے، اس موقع پر امن و امان، انسداد دہشتگردی اور بارڈر سیکیورٹی سے متعلق تبادلہ خیال کیا گیا۔
نجی ٹی وی کے مطابق محسن نقوی نے واضح کیا کہ دہشتگردی عالمی چیلنج ہے، جس سے نمٹنے کے لیے عالمی برادری کو پاکستان کے ساتھ بھرپور تعاون کرنا ہوگا، امریکی وفد نے دہشتگردی کیخلاف پاکستان کے کردار کو خوب سراہا۔
ملاقات میں وزیرمملکت برائے داخلہ طلال چوہدری، قائم مقام امریکی سفیر اور وفاقی سیکریٹری داخلہ بھی موجود تھے۔
وفاقی وزیر داخلہ محسن نقوی نے واضح کیا ہے کہ امریکا سے پائیدار تعلقات پاکستان کی خارجہ پالیسی میں کلیدی حیثیت رکھتے ہیں، پاکستان دہشتگردی اور دنیا کے درمیان دیوار کی حیثیت رکھتا ہے، دہشتگردی عالمی چیلنج ہے، عالمی برادری کوپاکستان کےساتھ بھرپور تعاون کی اشد ضرورت ہے۔
محسن نقوی نے کہا کہ انسداد دہشت گردی کےشعبے میں انٹیلی جنس اور ٹیکنالوجی شیئرنگ انتہائی اہم ہے، دہشت گردی کےخلاف پاکستان کی بے پایاں قربانیوں کی اقوام عالم میں نظیر نہیں ملتی۔
انہوں نے امید ظاہر کی کہ کانگریس مینز کا دورہ دہشتگردی کےخلاف پاکستان کے بے مثال کردار کو اجاگر کرنے میں اہم ثابت ہوگا۔
کانگریس مینز کا کہنا تھا کہ دہشتگردی کے خلاف جنگ میں پاکستان کےکردار کو بھرپور اجاگرکرنے کی ضرورت ہے، امریکا میں مقیم پاکستانی کمیونٹی باصلاحیت اور قابل ہے۔
محسن نقوی نے کہا کہ امریکا سے پائیدار تعلقات پاکستان کی خارجہ پالیسی میں کلیدی حیثیت رکھتے ہیں۔
ملاقات میں دوطرفہ تعلقات اور باہمی دلچسپی کے امور پر بھی تفصیلی تبادلہ خیال کیا گیا، معیشت، تجارت، سرمایہ کاری کے شعبوں میں تعاون آگے بڑھانے پر بھی گفتگو کی گئی، اس دوران سیکیورٹی، انسداد دہشت گردی اور بارڈر سیکیورٹی کے شعبوں پر بات چیت ہوئی۔
محسن نقوی نے کہا کہ امریکا میں 30 اپریل کو پاکستان کاکس کا انعقاد خوش آئند ہے، کانگریس مینز کا دورہ دہشتگردی کے خلاف پاکستان کے بے مثال کردار کو اجاگر کرنے کے لیے اہم ثابت ہوگا۔
انہوں نے کہا کہ امریکی وفد کی حالیہ منرلز انویسٹمنٹ فورم 2025 میں شرکت خوش آئند ہے، حکومت کی جانب سےسرمایہ کاروں کو ہرممکن سہولت، سرمایہ کاری کو مکمل تحفظ فراہم کیا جائے گا۔
وزیر مملکت برائے داخلہ طلال چوہدری نے کہا کہ اسلام آباد میں جون میں ہونے والا مشترکہ کاؤنٹر ٹیررازم ڈائیلاگ، انسدادِ دہشتگردی کے حوالے سے باہمی تعاون کو مزید فروغ دینے میں کلیدی کردار ادا کرے گا۔
Post Views: 1
ملک میں معاشی استحکام کیساتھ روزگار کے نئے مواقع پیدا ہو رہے ہیں؛ وزیر قانون اعظم نذیر تارڑ