پاکستان اور سعودیہ کا مشترکہ پروڈکشن کیلئے کمیٹی تشکیل دینے پر اتفاق
اشاعت کی تاریخ: 20th, February 2025 GMT
(ویب ڈیسک)پاکستان اور سعودی عرب کے درمیان مشترکہ پروڈکشن کے تحت گانے، فلم اور ڈاکیومنٹریز کی تیاری کے لیے جوائنٹ کمیٹی تشکیل دینے پر اتفاق ہوگیا۔
وفاقی وزیراطلاعات عطا تارڑ نے سعودی وزیربرائے میڈیا سلمان بن یوسف الدوسیری سے ریاض میں ملاقات کی،ملاقات کے دوران عطا تارڑ نے سعودی ہم منصب کو سعودی میڈیا فورم کے چوتھے ایڈیشن کے انعقاد پر مبارکباد دی۔
اس موقع پرپاکستان اور سعودی عرب کے درمیان پروڈکشن، گانے، فلم اورڈاکیومنٹریز کی تیاری کیلئے مشترکہ کمیٹی بنانے پر اتفاق کیا گیا،ملاقات میں صحافیوں کے تبادلے اور تربیتی پروگراموں سمیت مختلف شعبوں میں تعاون بڑھانے پر بھی اتفاق کیا گیا۔
ریڈ کراس آج شیری بیباس اور اس کے دو بچوں کی میتیں اسرائیل لائے گی
دونوں رہنماؤں نے غلط معلومات اور پروپیگنڈے سے نمٹنے کیلئے مل کر کام کرنے کی اہمیت پربھی زور دیا، وفاقی وزیراطلاعات کا اس موقع پر کہنا تھاکہ دونوں ممالک کے درمیان قریبی تعاون سے خطے میں امن واستحکام کو فروغ دینے میں مدد ملے گی، سعودی وژن 2030 کی حمایت سمیت مختلف شعبوں میں تعلقات کومضبوط بنانےکیلئے پرعزم ہیں۔
عطا تارڑ کا کہنا تھاکہ پاکستان اور سعودی عرب کے درمیان ڈیجیٹل سرمایہ کاری اور تکنیکی تعاون کیلئے سنہری مواقع ہیں، پاکستان سعودی عرب برادرانہ تعلقات اقتصادی شراکت داری میں تبدیل ہو رہے ہیں۔
چیمپئینز ٹرافی ، ہوم گراؤنڈ میں شکست پر شائقین کرکٹ نے بابر اعظم پر تنقید کے نشتر چلا دیے
سعودی وزیر کااس موقع پر کہنا تھاکہ سعودی پاکستان سپریم کوآرڈینیشن کونسل کی آئندہ میٹنگ پاکستان میں ہوگی، پاکستانیوں کی بڑی تعداد سعودی عرب کی ترقی میں اہم کردار ادا کررہی ہے اور پاکستان کےساتھ اطلاعات سمیت تمام شعبوں میں تعاون کا فروغ ہماری ترجیح ہے۔
.ذریعہ: City 42
کلیدی لفظ: پاکستان اور سعودی کے درمیان
پڑھیں:
پاکستان دہشتگردی اور دنیا کے درمیان دیوار ہے، عالمی برادری بھرپور تعاون کرے، محسن نقوی
وفاقی وزیر داخلہ محسن نقوی سے امریکی کانگریس کے وفد نے ملاقات کی، کانگریس مینز جیک برگمین، ٹام سوزی اور جوناتھن جیکسن شامل تھے، اس موقع پر امن و امان، انسداد دہشتگردی اور بارڈر سیکیورٹی سے متعلق تبادلہ خیال کیا گیا۔
نجی ٹی وی کے مطابق محسن نقوی نے واضح کیا کہ دہشتگردی عالمی چیلنج ہے، جس سے نمٹنے کے لیے عالمی برادری کو پاکستان کے ساتھ بھرپور تعاون کرنا ہوگا، امریکی وفد نے دہشتگردی کیخلاف پاکستان کے کردار کو خوب سراہا۔
ملاقات میں وزیرمملکت برائے داخلہ طلال چوہدری، قائم مقام امریکی سفیر اور وفاقی سیکریٹری داخلہ بھی موجود تھے۔
وفاقی وزیر داخلہ محسن نقوی نے واضح کیا ہے کہ امریکا سے پائیدار تعلقات پاکستان کی خارجہ پالیسی میں کلیدی حیثیت رکھتے ہیں، پاکستان دہشتگردی اور دنیا کے درمیان دیوار کی حیثیت رکھتا ہے، دہشتگردی عالمی چیلنج ہے، عالمی برادری کوپاکستان کےساتھ بھرپور تعاون کی اشد ضرورت ہے۔
محسن نقوی نے کہا کہ انسداد دہشت گردی کےشعبے میں انٹیلی جنس اور ٹیکنالوجی شیئرنگ انتہائی اہم ہے، دہشت گردی کےخلاف پاکستان کی بے پایاں قربانیوں کی اقوام عالم میں نظیر نہیں ملتی۔
انہوں نے امید ظاہر کی کہ کانگریس مینز کا دورہ دہشتگردی کےخلاف پاکستان کے بے مثال کردار کو اجاگر کرنے میں اہم ثابت ہوگا۔
کانگریس مینز کا کہنا تھا کہ دہشتگردی کے خلاف جنگ میں پاکستان کےکردار کو بھرپور اجاگرکرنے کی ضرورت ہے، امریکا میں مقیم پاکستانی کمیونٹی باصلاحیت اور قابل ہے۔
محسن نقوی نے کہا کہ امریکا سے پائیدار تعلقات پاکستان کی خارجہ پالیسی میں کلیدی حیثیت رکھتے ہیں۔
ملاقات میں دوطرفہ تعلقات اور باہمی دلچسپی کے امور پر بھی تفصیلی تبادلہ خیال کیا گیا، معیشت، تجارت، سرمایہ کاری کے شعبوں میں تعاون آگے بڑھانے پر بھی گفتگو کی گئی، اس دوران سیکیورٹی، انسداد دہشت گردی اور بارڈر سیکیورٹی کے شعبوں پر بات چیت ہوئی۔
محسن نقوی نے کہا کہ امریکا میں 30 اپریل کو پاکستان کاکس کا انعقاد خوش آئند ہے، کانگریس مینز کا دورہ دہشتگردی کے خلاف پاکستان کے بے مثال کردار کو اجاگر کرنے کے لیے اہم ثابت ہوگا۔
انہوں نے کہا کہ امریکی وفد کی حالیہ منرلز انویسٹمنٹ فورم 2025 میں شرکت خوش آئند ہے، حکومت کی جانب سےسرمایہ کاروں کو ہرممکن سہولت، سرمایہ کاری کو مکمل تحفظ فراہم کیا جائے گا۔
وزیر مملکت برائے داخلہ طلال چوہدری نے کہا کہ اسلام آباد میں جون میں ہونے والا مشترکہ کاؤنٹر ٹیررازم ڈائیلاگ، انسدادِ دہشتگردی کے حوالے سے باہمی تعاون کو مزید فروغ دینے میں کلیدی کردار ادا کرے گا۔
Post Views: 1
گھر سے بے دخل خاتون ٹک ٹاکر نے نہر میں چھلانگ لگا دی