ڈی آئی جی سکھر کی ہدایت پر پولیس اور رینجرزکا کچے میں مشترکہ آپریشن
اشاعت کی تاریخ: 20th, February 2025 GMT
سکھر(نمائندہ جسارت)ڈی آئی جی سکھر کیپٹن ریٹائرڈ فیصل عبداللہ چاچڑ کے احکامات پر پچھلے 3/4 ہفتوں سے ضلع گھوٹکی کے کچہ میں ایس ایس پی گھوٹکی ڈاکٹر سمیع اللہ سومرو اور رینجرز کے ونگ کمانڈر کی کمانڈ میں شر گینگز کے اغواء کاروں ڈاکوؤں کے خلاف پولیس اور رینجرز کی جانب سے مشترکہ آپریشن کیا جا رہا ہے۔آج بھی سب ڈویڑن رونتی کے تھانہ شھید دین محمد لغاری کی حدود میں موریو سونانی شر، چاندی سونانی شر گینگز کے خلاف پولیس اور رینجرز کا مشترکہ آپریشن کیا جا رہا ہے۔پولیس رینجرز اور اغواء کاروں کے مابین شدید فائرنگ کا سلسلہ جاری پولیس اور رینجرز کی جانب سے سونانی شر گینگز کا گھیرا تنگ کر کے جدید ٹیکنالوجی کا استعمال کر کے چاندی شر،موریو شر،حفیظ شر،گلی شر،سائینداد شر،شبو شر،قائم شر اور احمدو شر کے 15 سے زائد ٹھکانوں کو آگ لگا کر مسمار کر دیا گیا ہے۔تقریباً 02 ہفتے قبل موٹر وے پہ حملہ کر کے ان ہی سونانی گینگز کے اغواء کاروں نے ٹرک ڈرائیوروں کو اغواء کرنے کی کوشش کی تھی جو کہ پولیس اور رینجرز نے بروقت پہنچ کر ناکام بنا دی تھی، اس کے بعد پولیس اور رینجرز کی جانب سے ان کے خلاف کامیابی کے ساتھ مسلسل آپریشن جاری ہے۔اس کامیاب آپریشن میں متعدد اغواء کار/ڈاکو شدید زخمی ہو چکے ہیں پولیس و رینجرز کی جانب سے کچہ ایریا کے تمام خارجی و داخلی راستوں کو سیل کر کے مشکوک افراد کی سخت چیکنگ کی جا رہی ہے متعدد اغواء کار/ڈاکو پولیس کے خوف سے خود کو پولیس کے پاس پیش ہو رہے ہیں۔
.ذریعہ: Jasarat News
کلیدی لفظ: رینجرز کی جانب سے پولیس اور رینجرز
پڑھیں:
گزشتہ رات اغوا کیے گئے 3 مزدور واردات کے چند گھنٹوں میں بازیاب
پنجاب پولیس راجن پور نے گزشتہ رات اغوا ہونے والے 03 مزدور واردات کے چند گھنٹوں میں بازیاب کروا لیے۔
ترجمان پنجاب پولیس کی جانب سے جاری بیان کے مطابق راجن پور پولیس نے انٹیلی جنس بیسڈ آپریشنز کے دوران کچہ کریمنلز کا تعاقب کیا، مغویوں کو کل رات تھانہ بنگلہ اچھا کی حدود سے اغوا کیا گیا تھا۔
ترجمان پنجاب پولیس نے کہا کہ اغواکار مغویان کو اندرون کچہ کی طرف لے کر جا رہے تھے ، اطلاع پر پولیس نے موثر پلاننگ سے آپریشن کیا، آپریشن کے دوران پولیس اور ڈاکوؤں کے مابین شدید فائرنگ کا تبادلہ ہوا، پولیس کی پیش قدمی اور بھر پور جوابی کاروائی کی بدولت اغوا کار مغویان کو چھوڑ کرفرار ہوگئے۔
ترجمان پنجاب پولیس کے مطابق راجن پور پولیس نے بکتر بند گاڑیوں، ایلیٹ کمانڈوز، بھاری اسلحہ سمیت آپریشن کیا، مغویوں کی بازیابی پر ورثاء نے پولیس سے اظہار تشکر کیا جب کہ آئی جی پنجاب ڈاکٹر عثمان انور نے مغوی مزدور بازیاب کروانے پر راجن پور پولیس کو شاباش دی۔
واٹس ایپ نے چیٹ پرائیویسی سے متعلق نیا فیچر متعارف کرا دیا