واپڈا کی نجکاری کے خلاف احتجاجی مظاہرہ، ریلی اور دھرنا
اشاعت کی تاریخ: 20th, February 2025 GMT
ٹھٹھہ (نمائندہ جسارت )واپڈا کی نجکاری کے خلاف واپڈا ہائیڈرو الیکٹرک ورکرز یونین سی بی اے ٹھٹھہ اور سجاول ضلعوں کی جانب سے ایک احتجاجی ریلی حیسکو آفس مکلی سے مین قومی شاہراھ تک نکالی گئی ریلی کے شرکاء نے ہاتھوں میں بینرز اٹھائے ہوئے تھے شرکاء نے سخت نعرے بازی بھی کی اور مین قومی شاہراھ مکلی پر دھرنا دیا اس موقع پر چیئرمین وحید علی رند نیک محمد کھوسو۔شیر زمان سہتو۔کامران مغل نیاز خواجہ۔نواز تارو عمران مغل منور تارو رحمان خان اور دیگر نے بہت بڑی ریلی سے خطاب کرتے ہوئے کہا کہ واپڈا کی نجکاری مزدوروں کا معاشی قتل ہے جسے کسی بھی حالت میں قبول نہیں کیا جائے گا ہم اپنے لیڈر عبد الطیف نظامانی کے احکامات پر عمل کرکے آج احتجاج کررہے ہمارا احتجاج کئی سالوں سے جاری ہے مگر حکمرانوں کے کانوں پر جوں تک نہیں رینگی ہے ہزاروں ویکینسیز خالی پڑی ہیں مگر حکومت کوئی توجہ نہیں دی رہی یہی خالی ویکینسیز پر ملازمین بھرتی کئے جائیں تو بے روزگاری ختم ہو جائے گی انہوں نے کہا کہ واپڈا ملازمین کی نہ تنخواہوں میں اضافہ کیا جارہا ہے نہ ہی انکی سیفٹی کے لئے گاڑیاں اور سامان بھی مہیا کیا جارہا ہے انہوں نے اسٹیل مل ٹھٹھہ سیمنٹ فیکٹری ٹھٹھہ شوگر مل اور دیگر گورنمنٹ اداروں کو پرائیویٹ سیکٹر میں دیگر لاکھوں مزدوروں کو بے روزگار کردیا گیا ہے یہی حال واپڈا کا کیا جارہا ہے انہوں نے چیف جسٹس آف پاکستان سے مطالبہ کیا ہے کہ گورنمنٹ اداروں کو پرائیویٹ سیکٹر میں دینے والوں کے خلاف سخت کارروائی کریں اور مزدوروں کے خلاف ہونے والی انتقامی کارروائیوں پر نوٹس لیں۔
.ذریعہ: Jasarat News
کلیدی لفظ: کے خلاف
پڑھیں:
آل پاکستان کلرکس ایسوسی ایشن کا واجبات کی ادائیگی کیلیے مظاہرہ
حیدرآباد: آل پاکستان کلرکس ایسوسی ایشن کی جانب سے اپنے مطالبات کے حق میں مظاہرہ کیاجارہاہے
حیدرآباد(اسٹاف رپورٹر)آل پاکستان کلرکس ایسوسی ایشن (چاچڑ گروپ) کی جانب سے سندھ اسمال انڈسٹریز کارپوریشن کے ملازمین نے سات ماہ کی تنخواہیں اور پنشن کی عدم ادائیگی سمیت ریٹائرڈ ملازمین کے واجبات کی ادائیگی اور اپ گریڈیشن سمیت دیگر مسائل کے حل کے لیے حیدرآباد پریس کلب کے سامنے ایسوسی ایشن کے رہنمائوں محمد جمن چنا ،نور محمد کھوسو، سخاوت علی چانڈیو اور دیگر کی قیادت میں احتجاجی مظاہرہ کیا گیا۔ اس موقع پر انہوں نے بتایا کہ سندھ اسمال انڈسٹری کارپوریشن کے ملازمین کی تنخواہیں اور پنشن گذشتہ سات ماہ سے بند ہیں جبکہ سال 2016ء سے تنخواہوں میں کیا گیا اضافہ بھی ادا نہیں کیا جا رہا ہے اور سال 2012ء سے گروپ انشورنس کی رقم بھی ختم کر دی گئی ہے اور تمام ریٹائرڈ ملازمین کو اُن کے بقایا جات بھی ادا نہیں کیے جا رہے ہیں۔ انہوں نے کہا کہ تنخواہیں اور پنشن نہ ملنے کے سبب ملازمین سخت پریشانی کا شکار ہیں اور فاقہ کشی پر مجبور ہیں۔ انہوں نے ارباب اختیار سے اپیل کی کہ ملازمین کی تنخواہیں اور پنشن محکمہ ٹریژری سے آن لائن کر کے جاری کی جائے، 2012ء سے ختم کیے گئے گروپ انشورنس بحال کیا جائے ۔دوسری صورت میں احتجاج کا دائرہ وسیع کیا جائے گا۔
کراچی پولیس مصطفیٰ کی موت کا سبب نہ جان سکی، مقتول کی گھر سے آخری بار نکلنے کی ویڈیو سامنے آگئی