سیزن 3 میں کون شرکت کا خواہش مند ہے؟ کپل شرما نے اندر کی بات بتادی
اشاعت کی تاریخ: 19th, February 2025 GMT
نیٹ فلیکس پر کپل شرما کے شو کے تیسرے سیزن کا آغاز ہونے ہی والا ہے جس کا مداحوں کو بے چینی سے انتظار ہے۔
شو کے میزبان اور معروف کامیڈین ہوسٹ کپ شرما نے بتایا کہ بہت سے فنکار اور گروپس اس شو کا حصہ ہوں گے جن میں بین الاقوامی بینڈز بھی شامل ہیں۔
کپل شرما نے انکشاف کیا کہ معروف برطانوی بینڈ کولڈپلے نے بھی ان کے شو میں شرکت کی خواہش ظاہر کی تھی لیکن میں نے کہا کہ اس وقت تو ہمارا شو چل نہیں رہا۔
خیال رہے کہ کولڈ پلے بینڈ نے حال ہی میں بھارتی شہروں میں کئی کنسرٹس کیے ہیں۔
کپل شرما نے مزاحیہ انداز میں بتایا کہ کولڈپلے نے ان کے شو میں شرکت کے لیے ای میل کیی تھی۔ ہم نے کہا کہ پورا سال سیٹ لگا کے رکھو۔ آپ یقین نہیں کریں گے، لوگ کولڈپلے کے لیے ٹکٹ خرید رہے تھے جب کہ کولڈ پلے ہمیں ای میل کر رہے ہیں کہ ہمیں آپ کے شو میں آنا ہے۔
جب کپل شرما سے ان کے ساتھی اداکار سنیل گروور کے ساتھ اختلافات کے بارے میں سوال کیا گیا تو انہوں نے جواب دیا، "سیزن 3 تو ان کے لیے ہے، ہمارے لیے تو یہ ایک اور قسط ہے۔ ہمیں تو 200 قسطوں والے سیریل کی عادت ہوگئی ہے، ہم تب تک شو بند نہیں کرتے جب تک خود آپس میں لڑائی نہ ہو جائے۔
کپل شرما کے شو میں سنیل گروور، کرشنا ابھیشیک، کیکو شرما، راجیو ٹھاکر اور ارچنا پورن سنگھ جیسے فنکار شامل ہیں۔
"دی گریٹ انڈین کپل شو" کا فارمیٹ پچھلے شو "دی کپل شرما شو" اور "کامیڈی نائٹس ود کپل" کے فارمیٹ سے کافی ملتا جلتا ہے۔
یاد رہے کہ سیزن 2 میں کئی مشہور شخصیات جیسے عالیہ بھٹ، کرن جوہر، کرینہ اور کرشمہ کپور، ریکھا، سوناکشی سنہا، ظہیر اقبال، شتروگھن سنہا اور پونم سنہا نے بھی شرکت کی تھی۔
.
ذریعہ: Express News
پڑھیں:
پاکستانی سفارتخانے ابوظہبی میں کتاب "Home#itscomplicated" کی تقریبِ رونمائی
ابوظہبی(اُردو پوائنٹ اخبارتازہ ترین۔ 28 اپریل 2025ء) متحدہ عرب امارات میں قائم پاکستانی سفارتخانے نے 27 اپریل 2025 کو اپنی عمارت میں معروف کتاب "Home#itscomplicated" کی رونمائی کی تقریب کا انعقاد کیا۔ تقریب میں متعدد ادبی شخصیات، سفارتکاروں اور پاکستانی کمیونٹی کے ممتاز اراکین نے شرکت کی۔ پاکستان کے سفیر فیصل نیاز ترمذی بھی اس موقع پر موجود تھے۔ تقریب میں زین سعید، امبر ظفر خان اور صباح کریم خان نے بطور پینلسٹ شرکت کی، جبکہ خرّم قریشی نے گفتگو کی میزبانی کے فرائض انجام دیے۔ یہ کتاب مشہور پاکستانی مصنفین، مفکرین، ڈاکٹروں، فلم سازوں، صحافیوں اور دیگر کامیاب شخصیات کی تحریروں کا مجموعہ ہے، جن میں خالد انعم، عمر شاہد حمید، اویس خان، علی خان، محمد علی بندیا ل اور دیگر شامل ہیں۔(جاری ہے)
کتاب کی تدوین صباح کریم خان نے کی ہے۔ پینل گفتگو میں کتاب کے مختلف پہلوؤں پر روشنی ڈالی گئی۔ مقررین نے اس بات پر زور دیا کہ بیرونِ ملک مقیم پاکستانی مصنفین اپنے وطن پاکستان سے گہری محبت اور وابستگی رکھتے ہیں۔
کتاب میں یہ پیغام دیا گیا ہے کہ پاکستان، جو 240 ملین سے زائد آبادی، 70 سے 80 زبانوں اور حیرت انگیز قدرتی تنوع کا حامل ملک ہے، کو محض ایک خبر یا سرخی تک محدود نہیں کیا جا سکتا۔ سفیر فیصل نیاز ترمذی نے تقریب میں شرکت کرنے والے مہمانوں کا شکریہ ادا کیا اور پینلسٹس کی کاوشوں کو خراج تحسین پیش کیا۔ انہوں نے کہا کہ یہ کتاب پاکستان سے محبت، وابستگی اور حوصلے کی کہانیوں کی جھلک دکھاتی ہے۔ انہوں نے پاکستانی مصنفین کی تخلیقی صلاحیتوں کو سراہتے ہوئے کمیونٹی اراکین کو پاکستان کے ساتھ اپنی محبت اور تعلق کو مزید مضبوط بنانے کی ترغیب دی۔ سفیر نے پاکستانی مصنفین اور پبلشرز کو متحدہ عرب امارات میں منعقدہ مختلف کتب میلوں بشمول جاری ابوظہبی بک فیسٹیول میں بھرپور شرکت کی دعوت دی، تاکہ پاکستان کا مثبت تاثر دنیا کے سامنے پیش کیا جا سکے۔
غزہ میں ایک ماہ سے کوئی امدادی ٹرک داخل نہیں ہوا، لوگ بھوکے مر رہے ہیں، اقوام متحدہ