بھارتی بولر محمد سیراج کا مشہور گلوکارہ کی پوتی سے تعلق کی افواہیں؟ ردعمل بھی آگیا
اشاعت کی تاریخ: 19th, February 2025 GMT
MUMBAI:
بھارت کی کرکٹ ٹیم کے فاسٹ بولر محمد سیراج چمپیئنز ٹرافی کے لیے ٹیم میں جگہ نہ بناسکے تاہم اس دوران ان کے مشہور گلوکارہ کی پوتی سے تعلقات کی افواہیں گردش کر رہی ہیں تاہم دونوں نے سوشل میڈیا پر وضاحت بھی کر دی ہے۔
بھارتی میڈیا کی رپورٹ کے مطابق افواہیں گردش کر رہی ہیں کہ مشہور گلوکارہ آشا بھوسلے کی پوتی زینی بھوسلے اور محمد سیراج کے تعلقات ہیں اور وہ چند ایک مقامات پر ایک ساتھ نظر بھی آئے ہیں۔
رپورٹ میں بتایا گیا کہ زینی بھوسلے اور محمد سیراج کو ایک ساتھ گاتے ہوئے بھی دیکھا گیا اور دونوں نے مذکورہ ویڈیو سوشل میڈیا پر بھی جاری کردی ہے، دونوں زینی کے نئے البم کے ایک گانے کو مل کر گا رہے ہیں۔
View this post on InstagramA post shared by Zanai Bhosle???? (@zanaibhosle)
افواہوں کو اس وقت مزید تقویت ملی جب انسٹاگرام پر زینی نے ویڈیو کے ساتھ لکھا کہ اس شخصیت کے لیے جو ہم میں سے اکثر لوگوں کو اپنے خوابوں کی پیروی کرنے کا سبب بنا، آپ بہترین ہیں۔
محمد سیراج اس دوران عمرے کی ادائیگی کے لیے سعودی عرب میں موجود ہیں اور انسٹاگرام پر خانہ کعبہ سے اپنی تصویر جاری کی اور اللہ کا شکر ادا کیا، اس پر زینی بھوسلے نے دل کے ایموجی بھیجے، جس پر میڈیا میں بھی بڑھا چڑھا کر کہا گیا کہ دل کے تین ایموجیز بھیجے ہیں۔
View this post on InstagramA post shared by Mohammed Siraj (@mohammedsirajofficial)
زینی اور سیراج کے تعلقات میں ہونے کی افواہوں کے دوران ہی وضاحت سامنے آگئی اور دونوں نے مزید مشکل سے بچنے کے لیے ایک دوسرے کے لیے جذبات کے اظہار کی وجوہات بھی بتائیں۔
زینی بھوسلے نے انسٹاگرام اسٹوری پر سیراج کو مینشن کرکے رومن میں لکھا ‘میرے پیارے بھائی’، جس پر فاسٹ بولر نے بھی انہیں ‘بہنا’ کہہ کر پکارا۔
واضح رہے کہ محمد سیراج کو بھارتی ٹیم کے بولنگ اٹیک کا مضبوط حصہ تصور کیا جاتا ہے لیکن حیران کن طور پر سلیکٹرز نے انہیں چیمپیئنز ٹرافی کے لیے نظرانداز کیا، جس پر سابق بھارتی کرکٹرز نے بھی تنقید کی ہے۔
عرفان پٹھان نے کہا کہ جب جسپریت بمراہ فٹنس مسائل سے دوچار ہوں تو ایسے میں سیراج کو چمپیئنز ٹرافی میں ٹیم میں شامل ہونا چاہیے تھا۔
.ذریعہ: Express News
کلیدی لفظ: زینی بھوسلے سیراج کو کے لیے
پڑھیں:
سابق بھارتی کرکٹر کی بابر اعظم پر تنقید،بابر اعظم 1980 کی کرکٹ کھیل رہے ہیں۔
سابق بھارتی کرکٹر محمد کیف نے بابر اعظم کی سست بیٹنگ پر کڑی تنقید کردی۔چیمپئنز ٹرافی کے پہلے میچ میں پاکستان کی نیوزی لینڈ کے ہاتھوں 60 رنز سے شکست پر بھارتی میڈیا سے گفتگو کرتے ہوئے سابق کرکٹر محمد کیف نے کہا کہ بابر اعظم 1980 کی کرکٹ کھیل رہے ہیں۔321 رنز کے تعاقب میں بابر اعظم نے 71.11 کے اسٹرائیک کے ساتھ 90 گیندوں پر 64 رنز بنائے۔محمد کیف کو بابر اعظم کا کراچی کے بیٹنگ ٹریک پر کھیلنے کا انداز پسند نہیں آیا اور انہوں نے بابر پر تنقید کی ہے۔سماجی رابطے کی ویب سائٹ ایکس پر محمد کیف نے لکھا کہ ’بابر اب بھی 1980 کی دہائی کی کرکٹ کھیل رہے ہیں، پارٹ ٹائم اسپنرز کے خلاف صرف دو باؤنڈری لگائی، یہ جدید کرکٹ میں کام نہیں آتا۔واضح رہے کہ میچ میں تام لیتھم کو سنچری اسکور کرنے پر بہترین کھلاڑی قرار دیا گیا جبکہ میچ میں ول ینگ نے سنچری اسکور کی اور گلین فلپس نے بھی برق رفتار نصف سنچری بنائی۔
حکومت نے عوام کو پیٹرولیم مصنوعات کی قیمتوں میں مکمل ریلیف سے محروم کردیا