اعلیٰ عہدیداران کو انکی ماتحت ریاستوں میں مستقبل کے انتخابی نتائج کیلئے جوابدہ بنایا جائے، کانگریس
اشاعت کی تاریخ: 19th, February 2025 GMT
ملکارجن کھڑگے نے کہا کہ بی جے پی کی طرف سے نئے انتخاب کے ٹھیک پہلے یہ نام جوڑے جاتے ہیں، اس بدعنوانی کو ہر حال میں روکنا ہوگا۔ اسلام ٹائمز۔ انڈین نیشنل کانگریس میں اس وقت کئی سطح پر تبدیلیوں کا دور چل رہا ہے۔ ہریانہ، مہاراشٹر اور دہلی اسمبلی انتخاب میں ملی شکست کے بعد پارٹی میں تنظیمی سطح پر کچھ رد و بدل دیکھنے کو ملے ہیں اور آج کانگریس کے صدر ملکارجن کھڑگے کی صدارت میں ایک اہم میٹنگ بھی ہوئی۔ اس میٹنگ میں ملکارجن کھڑگے نے پارٹی عہدیداروں کو کچھ قابل ذکر نصیحتیں دی ہیں۔ انہوں نے کہا ہے کہ اعلیٰ عہدیداران کو ان کی ماتحت ریاستوں میں مستقبل کے انتخابی نتائج کے لئے جوابدہ ٹھہرایا جائے گا۔ ساتھ ہی کھڑگے نے یہ بھی کہا ہے کہ پارٹی لیڈران نظریاتی طور سے کمزور "دَل بدلوؤں" (پارٹی بدلنے والے لیڈران) سے محتاط رہیں۔
کانگریس کے صدر نے پارٹی ہیڈکوارٹر میں گزشتہ ہفتہ تقرر کئے گئے جنرل سکریٹریز اور انچارج کے ساتھ یہ اہم میٹنگ کی۔ اس میٹنگ میں کانگریس رکن پارلیمنٹ راہل گاندھی، پرینکا گاندھی، کے سی وینوگوپال، جئے رام رمیش سمیت کئی اہم لیڈران بھی موجود تھے۔ میٹنگ کے دوران ملکارجن کھڑگے نے کہا کہ ہمیں ایسے لوگوں کو آگے بڑھانا چاہیئے جو کانگریس کے نظریات کے تئیں پُرعزم ہیں۔ ساتھ ہی برعکس حالات میں بھی ہمارے ساتھ چٹان کی طرح کھڑے رہنے کی ہمت رکھتے ہیں۔ انہوں نے یہ بھی جانکاری دی کہ پارٹی میں تنظیمی سطح پر کچھ تبدیلیاں ہو چکی ہیں اور مزید کچھ ہونے والی ہیں۔ اس میٹنگ میں ملکارجن کھڑگے نے کچھ اہم نکات سامنے رکھے۔ انہوں نے کہا کہ سب سے ضروری بات جوابدہی کی ہے، آپ سبھی اپنی ماتحت ریاستوں کی تنظیم اور مستقبل کے انتخابی نتائج کے لئے جوابدہ ہوں گے۔ انہوں نے کہا کہ ہماری "آئین بچاؤ مہم" چل رہی ہے جو آئندہ ایک سال تک چلے گی۔
انہوں نے کہا کہ ہمارے سامنے ایک نیا چیلنج کھڑا ہوگیا ہے، ان دنوں انتخاب میں ووٹر لسٹ میں ہیرا پھیری کا کام بڑے پیمانے پر ہو رہا ہے۔ اس کے بارے میں پارلیمنٹ میں راہل گاندھی نے بھی سوال اٹھایا۔ آج کل ہمارے حامیوں کے نام ووٹر لسٹ سے کاٹ دیے جاتے ہیں یا نام ہٹا کر بغل کے بوتھ میں جوڑ دیے جاتے ہیں۔ انہوں نے کہا کہ بی جے پی کی طرف سے نئے انتخاب کے ٹھیک پہلے یہ نام جوڑے جاتے ہیں، اس بدعنوانی کو ہر حال میں روکنا ہوگا۔ انہوں نے کہا کہ سپریم کورٹ کے حکم سے سی ای سی کی سلیکشن کمیٹی میں چیف جسٹس کو بھی جوڑا گیا تھا، نریندر مودی نے انہیں بھی باہر کر دیا۔ انہوں نے کہا کہ مودی حکومت کو ملک کے چیف جسٹس کی غیر جانبداری پر بھی بھروسہ نہیں ہے، سپریم کورٹ میں آج اس معاملے کی سماعت ہونے والی تھی، حکومت نے اس کے پہلے نئے سی ای سی کا اعلان کر دیا۔
ذریعہ: Islam Times
کلیدی لفظ: انہوں نے کہا کہ جاتے ہیں
پڑھیں:
ربیکا خان کی سسرال سے آخری عیدی، شادی کب ہوگی؟
کراچی(شوبز ڈیسک)پاکستان کی معروف ٹک ٹاکر جوڑی ربیکا خان اور حسین ترین کی شادی کی تاریخ قریب آنے کا اعلان کرتے ہوئے اپنی آخری عیدی کی ویڈیو شیئر کردی۔
گیم شو میں ملاقات کے بعد دوستی کے بندھن میں بندھنے والے جوڑے ربیکا خان اور حسین ترین چند سالوں سے ایک ساتھ تھے لیکن اپنے رشتے کو آفیشل کرنے کیلئے بھی تیار نہیں تھے۔
اپنے رشتے کو طویل عرصہ دوستی کا نام دینے کے بعد گزشتہ سال دونوں کی بات پکّی کی رسم ہوئی جس کے بعد دونوں کے فینز انکی شادی کی تقریبات کے منتظر نظر آئے۔
اگرچہ دونوں کو سوشل میڈیا پر شدید ٹرولنگ کا سامنا رہتا ہے، جہاں ربیکا آئے دن کسی نہ کسی بات پر سیلیبریشن کرنے کے سبب تنقید کی زد میں آتی ہیں وہیں حسین ترین کا کانٹینٹ بھی کِرنج قرار دیا جاتا ہے۔
سوشل میڈیا صارفین دونوں سے یہ مطالبہ کرتے بھی دکھتے ہیں کہ وہ جلد از جلد شادی کرلیں کیونکہ وہ طویل عرصے سے بغیر شادی ایک ساتھ گھومتے پھرتے رہتے ہیں۔
اب بالآخر دونوں نے اس بات کا انکشاف کردیا ہے کہ وہ آئندہ دو ماہ کے اندر شادی کرنے والے ہیں۔
دراصل ربیکا خان نے ایک ویڈیو شیئر کی جو انکی سسرال سے آئی عیدی اور اس دن کی خاص یادوں کو خود میں سمیٹے ہوئے تھی۔
View this post on InstagramA post shared by Rabeeca Khan (@rabeecakhan)
اس ویڈیو پر انہوں نے بطور کیپشن لکھا کہ ‘سسرال سے آئی ہماری آخری عیدی’ اور یہی جملہ اس بعد کا انکشاف کرگیا کہ دونوں کی شادی اب زیادہ دور نہیں کیونکہ جون میں عید الضحیٰ ہے اور اگر اسٹار جوڑی کی یہ آخری عیدی ہے تو اس کا مطلب انکی شادی رواں ماہ اپریل یا آئندہ ماہ مئی میں ہوگی۔
ربیکا کی جانب سے شیئر کی گئی عیدی کی ویڈیو میں انکے سسرال کی جانب سے خوب سجا سنوار کر سامان لایا گیا جس میں انکے کپڑے، چوڑیاں، زیور، سینڈلز، پرفیوم، کیک، چاکلیٹ باسکٹ و دیگر چیزیں شامل تھیں۔
ربیکا اور حسین ترین کی فیملیز نے اس دن کو ایک ساتھ کھانا کھاتے ہوئے منایا جس کا اہتمام ربیکا خان کے گھر کیا گیا۔
View this post on InstagramA post shared by Rabeeca Khan (@rabeecakhan)
ربیکا خان نے اس موقع پر ہلکا جامنی لباس پہنا اور انکی عیدی کی سجاوٹ میں بھی اسی رنگ کو نمایاں رکھا گیا تھا۔
ربیکا خان کی اس قدر خوبصورت عیدی کو دیکھ کر فینز رشک کرتے دکھ رہے ہیں جبکہ متعدد اسے پیسے کا ضایع قرار دیا جارہا ہے۔
مزیدپڑھیں:مچھر مار کر نام، وقت اور جگہ کا ریکارڈ رکھنے کی شوقین انوکھی لڑکی
جڑانوالہ میں بس کی رکشہ کو ٹکر، 8 افراد جاں بحق