وزیراعظم اور چیف جسٹس کی ملاقات:لاپتا افراد سمیت دیگر امور پر گفتگو
اشاعت کی تاریخ: 19th, February 2025 GMT
اسلام آباد:وزیراعظم شہباز شریف اور چیف جسٹس سپریم کورٹ یحییٰ آفریدی کی اہم ملاقات ہائی،جس میں لاپتا افراد، ٹیکس سے متعلق معاملات، عدلیہ میں اصلاحات اور دیگر اہم امور پر تفصیلی بات چیت ہوئی۔
نجی ٹی وی کی رپورٹ کے مطابق وزیراعظم شہباز شریف نے چیف جسٹس سے ملک بھر کی عدالتوں میں طویل عرصے سے زیر التوا ٹیکس کے تنازعات پر توجہ دینے کی درخواست کی۔ انہوں نے زور دے کر کہا کہ ان معاملات میں میرٹ پر جلد فیصلے کرنا ملکی معیشت کے لیے انتہائی اہم ہے۔ چیف جسٹس نے وزیراعظم کی درخواست کو سنجیدگی سے لیتے ہوئے نظام انصاف میں بہتری لانے کے لیے تجاویز طلب کیں۔
اہم ملاقات کے دوران وزیراعظم نے لاپتا افراد کے معاملات پر مؤثر اقدامات کی ضرورت پر زور دیا۔ انہوں نے چیف جسٹس کو یقین دہانی کرائی کہ حکومت اس سلسلے میں تیزی سے کام کر رہی ہے اور اس مسئلے کے حل کے لیے عدلیہ کے ساتھ مکمل تعاون کیا جائے گا۔
چیف جسٹس یحییٰ آفریدی نے وزیراعظم سے نظام انصاف میں بہتری لانے کے لیے تجاویز طلب کرتے ہوئے کہا کہ عدالتی پالیسی سازی کے عمل میں اپوزیشن کو بھی شامل کیا جائے گا تاکہ اصلاحات غیرمتنازع اور پائیدار ہوں۔ چیف جسٹس نے وزیراعظم کو بتایا کہ وہ ملک کے دور دراز علاقوں میں انصاف کی فراہمی کو یقینی بنانے کے لیے تمام اسٹیک ہولڈرز کے ساتھ مشاورت کر رہے ہیں۔
سپریم کورٹ کا اعلامیہ
دوسری جانب سپریم کورٹ آف پاکستان نے وزیراعظم اور چیف جسٹس کی ملاقات کے حوالے سے ایک اعلامیہ جاری کیا ہے، جس کے مطابق یہ ملاقات چیف جسٹس کے ریفارمز ایجنڈے کا حصہ تھی۔ چیف جسٹس نے وزیراعظم سے عدالتی پالیسی سازی کے حوالے سے تجاویز طلب کیں اور کہا کہ وہ اپوزیشن کو بھی اس عمل میں شامل کریں گے۔
اس ملاقات میں وزیر قانون و انصاف اعظم نذیر تارڑ، وزیر اقتصادی امور احد خان چیمہ، اٹارنی جنرل منصور عثمان اعوان، رجسٹرار سپریم کورٹ محمد سلیم خان اور سیکرٹری لا اینڈ جسٹس کمیشن تنزیلہ صباحت بھی موجود تھے۔
ملاقات کے اختتام پر چیف جسٹس یحییٰ آفریدی نے وزیراعظم شہباز شریف کو اعزازی شیلڈ پیش کی جو حکومت اور عدلیہ کے درمیان باہمی تعاون کی علامت تھی۔
وزیراعظم شہباز شریف نے چیف جسٹس کے جنوبی پنجاب، اندرون سندھ، بلوچستان اور خیبر پختونخوا کے دور دراز علاقوں میں انصاف کی فراہمی کے لیے کیے گئے اقدامات کو سراہا۔ انہوں نے کہا کہ حکومت عدلیہ کے ساتھ مل کر ملک میں انصاف کے نظام کو مزید بہتر بنانے کے لیے پرعزم ہے۔
.ذریعہ: Jasarat News
کلیدی لفظ: وزیراعظم شہباز شریف سپریم کورٹ چیف جسٹس کے لیے کہا کہ
پڑھیں:
پاکستان کا آئین سب کیلئے بلا امتیاز سماجی انصاف اور مساوات کی ضمانت دیتا ہے، وزیراعظم
ویب ڈیسک:وزیراعظم شہباز شریف نے کہا ہے کہ پاکستان کا آئین، اسلامی اصولوں کے مطابق بلا امتیاز سب کے لیے سماجی انصاف اور مساوات کی ضمانت دیتا ہے۔
سماجی انصاف کے عالمی دن کے موقع پر اپنے پیغام میں انہوں نے کہا کہ 20 فروری کو ہم سماجی انصاف کا عالمی دن مناتے ہیں تاکہ دنیا بھر کے تمام لوگوں کے لیے مساوات، انصاف اور وقار کو فروغ دیا جا سکے، یہ دن حکومتوں، تنظیموں اور افراد کی سماجی انصاف اور مساوات کو آگے بڑھانے میں اہم کردار کی یاد دہانی کراتا ہے، یہ غربت اور صنفی امتیاز جیسے مسائل کو حل کرنے کے لیے اقدامات کا مطالبہ کرتا ہے، جہاں تمام افراد مساوی حقوق اور مواقع حاصل کرسکیں۔انہوں نے کہا کہ اسلامی جمہوریہ پاکستان کا آئین اسلامی اصولوں کے مطابق بلا امتیاز سب کے لیے سماجی انصاف اور مساوات کی ضمانت دیتا ہے۔
ریڈ کراس آج شیری بیباس اور اس کے دو بچوں کی میتیں اسرائیل لائے گی
وزیراعظم نے کہا کہ ہم نے اپنے شہریوں کے حقوق کا تحفظ اور فروغ دینے کے لیے وسیع پیمانے پر پروگرام متعارف کرائے ہیں، ہم ان تعصبات کو ختم کرنے کے لیے کوشاں ہیں جوانسانی ترقی کی راہ میں رکاوٹ ہیں، اس میں صنفی بنیاد پر تشدد کی اصلاحات، جیلوں میں اصلاحات اور بچوں کے تحفظ کی پالیسیاں اور دیگر اقدامات شامل ہیں۔
شہباز شریف نے کہا کہ ایک ڈیجیٹل پلیٹ فارم بھی شروع کیا ہے جس میں ایک مربوط سماجی بہبود کا نظام شامل ہے تاکہ معذور افراد اور سماجی طور پر کمزور طبقات کو فوری طور پر موزوں امدادی خدمات تک رسائی فراہم کی جا سکے۔
چیمپئینز ٹرافی ، ہوم گراؤنڈ میں شکست پر شائقین کرکٹ نے بابر اعظم پر تنقید کے نشتر چلا دیے
انہوں نے کہا کہ اس سلسلے میں حکومت پاکستان نے ‘ اڑان پاکستان’ پروگرام کے تحت سماجی انصاف کے بین الاقوامی دن کے مقاصد کے ساتھ ہم آہنگ، مساوات، اخلاقیات اور لوگوں کو بااختیار بنانے پر زور دینے کے لیے متعدد موثر اقدامات کا آغاز کیا ہے۔
شہبازشریف نے کہا کہ عدم مساوات کی رکاوٹوں ختم کرنے کے لئے اس بات کو یقینی بنانا چاہیے کہ ہر شہری کو بنیادی انسانی حقوق، معیاری تعلیم، صحت اور اقتصادی مواقع تک رسائی حاصل ہو۔ آج ہم ایک منصفانہ اور جامع دنیا کی تعمیر کے لیے اپنے عزم کی تجدید کرتے ہیں۔
دنیا میں سب سے سخی گاؤں کی سادہ سی کہانی
بلاول بھٹو سال دو سال میں وزیراعظم بن جائیں گے، گورنر پنجاب