ٹورنٹو جہاز حادثہ: تمام اسٹاف خواتین پر مشتمل، کمپنی پر صنفی کوٹے کو فوقیت دینے کا الزام
اشاعت کی تاریخ: 19th, February 2025 GMT
ڈیلٹا ایئر لائنز کی منی ایپلس سے ٹورنٹو جانے والا جہاز پیر کو ٹورنٹو پیئرسن انٹرنیشنل ایئرپورٹ پر لینڈ کرنے کی کوشش کے دوران تباہ ہوگیا تھا۔ مذکورہ جیٹ طیارہ الٹ جانے کے بعد کریش ہوا تاہم اس میں سوار تمام 80 افراد بچ گئے تھے۔
زخمی ہونے والے سواروں میں سے 21 زخمی ہوگئے تھے جنہیں اسپتال لے جایا گیا تاہم ان میں سے زیادہ تر کو منگل کی صبح تک ڈسچارج کردیا گیا۔
یہ بھی پڑھیں: کینیڈا میں مسافر طیارہ لینڈنگ کے دوران الٹ گیا، متعدد مسافر زخمی
یہ حادثہ ہوا بازی کے حالیہ سانحات کا ایک تسلسل ہے جس میں واشنگٹن ڈی سی کے قریب اور فلاڈیلفیا میں ہوئے حادثات شامل ہیں۔ دونوں حادثات میں بالترتیب 67 اور 6 افراد ہلاک ہوئے تھے۔
فوٹیجز اور عینی شاہدین کے مطابق جب طیارہ لینڈ ہوا تو بظاہر اس کی رن وے سے ٹکر ہوئی اور یہ کچھ فاصلے تک پھسلتا ہوا آگے گیا جس کے بعد یہ الٹ گیا۔ سیٹلائٹ تصویر میں آخری ریکارڈڈ پوزیشن کے مطابق طیارہ پھسلنے کے بعد ٹورنٹو پیئرسن انٹرنیشنل ایئرپورٹ پر الٹا پڑا تھا۔ فوٹیج میں دیکھا جا سکتا ہے کہ لینڈنگ کے ساتھ ہی طیارے میں آگ لگ گئی تھی اور فائر فائٹرز فوراً اسے بجھانے کے لیے مقام پر پہنچ گئے تھے۔
مزید پڑھیے: امریکا میں لاپتہ جہاز کا ملبہ منجمد سمندر سے مل گیا، 10 افراد ہلاک
مذکورہ حادثے کے ایک پہلو پر سوشل میڈیا پر ایک بحث چھڑگئی ہے جس میں الزام عائد کیا گیا ہے کہ کمپنی نسلی یا صنفی کوٹے کو قابلیت پر ترجیح دیتی ہے۔
The left is trying to blame this #planecrash on Trump.
A brilliant Delta Airlines pilot was hit by 70mph winds and yet he saved the lives of everyone on board.
Miraculously, only 8 people were injured in Toronto.pic.twitter.com/kFvfQnJje6
— JackReacher (@DCjusticeseeker) February 18, 2025
ان اطلاعات پر کہ مذکورہ طیارے میں تمام خواتین عملہ شامل تھا ناقدین نے ڈیلٹا پر نسل اور جنسی ترجیحات کو میرٹ پر ترجیح دینے کا الزام لگاتے ہوئے ایئرلائن پر کڑی تنقید کی۔
اگرچہ کسی سرکاری بیان میں پائلٹ کی شناخت نہیں کی گئی ہے لیکن آن لائن بات چیت میں قیاس آرائیاں جاری ہیں۔
مزید پڑھیں: واشنگٹن طیارہ حادثہ: پاکستانی نژاد اسریٰ حسین کی آخری لمحات میں شوہر سے کیا بات ہوئی؟
تاہم ڈیلٹا کا کہنا ہے کہ پائلٹس رکھتے وقت محض تعلیم یا علمی نسب پر توجہ مرکوز نہیں کی جاتی بلکہ امیدوار کی مہارت، پس منظر اور تجربہ بھی مد نظر رکھا جاتا ہے۔
ایئر لائن نے مزید کہا ہے کہ اس کا مقصد نمائندگی کے فرق کو ختم کرنا اور ایک زیادہ مساوی افرادی قوت کو یقینی بنانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹورنٹو جہاز حادثہ خواتین پائلٹس ڈیلٹا ایئرلائن فضائی حادثہذریعہ: WE News
کلیدی لفظ: ٹورنٹو جہاز حادثہ ڈیلٹا ایئرلائن
پڑھیں:
چیئرمین جوائنٹ چیفس آف اسٹاف کمیٹی جنرل ساحر شمشاد مرزا کا نائیجیریا کا سرکاری دورہ
چیئرمین جوائنٹ چیفس آف اسٹاف کمیٹی جنرل ساحر شمشاد مرزا کا نائیجیریا کا سرکاری دورہ نائیجرین وزیر دفاع محمد بدارو ابوبکر، چیف آف ڈیفنس اسٹاف جنرل کرسٹوفر گوابن موسی سمیت مسلح افواج کی قیادت سے ملاقاتیں، فوجی تعاون پر بات چیت کی گئی ۔
پاک فوج کے شعبہ تعلقات عامہ (آئی ایس پی آر) کے مطابق جنرل ساحر شمشاد مرزا کی نائیجرین چیف آف آرمی اسٹاف لیفٹیننٹ جنرل اولوفیمی اولاٹوبوسم اولیوید، چیف آف نیول اسٹاف وائس ایڈمرل ایمانوئل اکیچکو اوگالا اور چیف آف ایئر اسٹاف ایئر مارشل حسن بالا ابوبکر سے بھی ملاقاتیں ہوئیں۔
ملاقاتوں کے دوران دونوں ممالک کو درپیش چیلنجوں پر بات چیت کی گئی، جبکہ انسداد دہشت گردی اور باہمی دلچسپی کے امور بشمول سلامتی، دفاعی تعاون، اور بین الاقوامی، علاقائی صورتحال پر بھی بات چیت کی گئی۔
آئی ایس پی آر کے مزید کہنا تھا کہ دونوں اطراف سے دونوں افواج کے درمیان دفاعی اور فوجی تعاون کو مزید بڑھانے کے عزم کا اعادہ کیا گیا، نائجیریا کی سول اورعسکری قیادت نے پاکستان کی مسلح افواج کی پیشہ وارانہ مہارت کو سراہا، اور دہشت گردی کے خلاف جنگ میں ان کی قربانیوں کا بھی اعتراف کیا ہے۔
واٹس ایپ نے چیٹ پرائیویسی سے متعلق نیا فیچر متعارف کرا دیا