نیوزی لینڈ کے خلاف میچ میں فخر زمان اوپننگ کیوں نہیں کرسکیں گے؟
اشاعت کی تاریخ: 19th, February 2025 GMT
چیمپیئنز ٹرافی 2025 کے پہلے میچ میں نیوزی لینڈ اور پاکستان مدمقابل ہیں، نیوزی لینڈ نے پہلے بیٹنگ کرتے ہوئے مقررہ 50 اوورز میں 5 وکٹوں کے نقصان پر 320 رنز بنائے ہیں اور پاکستان کو جیت کے لیے 321 رنز کا بڑا ہدف دیا ہے۔
یہ بھی پڑھیں: چیمپیئنز ٹرافی میں پاکستانی کھلاڑیوں کی کارکردگی
دوسری جانب پاکستان کے لیے بری خبر ہے کہ جارح مزاج بلے باز فخرزمان اوپننگ نہیں کرسکیں گے کیوں کہ وہ دوران فیلڈ زخمی ہوکر میدان سے باہر چلے گئے تھے۔
رولز کے مطابق اگر میچ کی پہلی اننگز 6 بجے ختم ہوتی ہے تو فخرزمان اوپننگ نہیں کرسکیں گے اور انہیں 5ویں نمبر پر بیٹنگ کے لیے آنا پڑے گا۔
یاد رہے کہ نیشنل اسٹیڈیم کراچی میں نیوزی لینڈ کے خلاف میچ کے ابتدائی اوورز میں ہی فخر زمان زخمی ہوگئے تھے۔
یہ بھی پڑھیں: چیمپیئنز ٹرافی: نیوزی لینڈ کے خلاف فخر زمان انجری کا شکار
فخر زمان نیوزی لینڈ کے اوپنر وِل ینگ کے شاٹ کا پیچھا کرتے ہوئے گرگئے جس کے بعد ان کے جسم کے بائیں حصے میں تکلیف ہوئی۔
زخمی ہونے کے بعد فخر زمان کو گراونڈ سے باہر لے جایا گیا جبکہ ان کی جگہ کامران غلام نے لی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اوپننگ پاکستان چیمپیئنز ٹرافی فخرزمان نیوزی لینڈ.ذریعہ: WE News
کلیدی لفظ: اوپننگ پاکستان چیمپیئنز ٹرافی نیوزی لینڈ چیمپیئنز ٹرافی نیوزی لینڈ کے کے لیے
پڑھیں:
کیا پاکستان اور نیوزی لینڈ کے درمیان میچ میں نیشنل اسٹیڈیم خالی ہے؟
پاکستان کی میزبانی میں آئی سی سی چیمپیئنز ٹرافی 2025 کا آغاز ہوگیا ہے اور اس وقت پاکستان اور نیوزی لینڈ کی ٹیمیں آمنے سامنے ہیں جسے دیکھنے کے لیے شائقین کی ایک بڑی تعداد نے نیشنل اسٹیڈیم کا رُخ کیا ہے۔
ایسے میں انگلینڈ کے سابق کپتان مائیکل وان نے سماجی رابطوں کی سائٹ ایکس پر ٹوئٹ کرتے ہوئے کہا کہ پاکستان میں چیمپیئنز ٹرافی کا انعقاد دیکھ کر بہت خوشی ہوئی۔ 1996 کے بعد یہ پہلا بڑا ایونٹ ہے۔ لیکن کیا مقامی لوگوں کو بتانا بھول گئے ہیں کہ یہاں چیمپیئنز ٹرافی کے میچز ہو رہے ہیں؟ تماشائی کہاں ہیں؟
Great to see the champions trophy being played in Pakistan .. First major event since 1996 .. Have they forgotten to tell the locals it’s on .. Where is the crowd ?? #ChampionsTrophy2025
— Michael Vaughan (@MichaelVaughan) February 19, 2025
مائیکل وان کے ٹوئٹ کرنے کی دیر کی تھی کہ صارفین کی جانب سے اس پر مختلف ردعمل دیا گیا، شائقین کی جانب سے تصاویر اور ویڈیوز بھی شیئر کی گئیں جس میں لوگوں کا ہجوم دیکھا جا سکتا ہے جو اسٹیڈیم میں داخلے کے لیے قطاروں میں کھڑے ہیں۔
انگلینڈ کے سابق کپتان کی ٹوئٹ پر ردعمل دیتے ہوئے پاکستانی گلوکار عاصم اظہر نے لکھا کہ لوگ یقیناً جانتے ہیں کہ چیمپیئنز ٹرافی کے میچز کھیلے جا رہے ہیں، مگر یہ مقامی لوگوں کے کام کرنے کا وقت ہوتا ہے چند گھنٹوں میں آپ کو اسٹیڈیم بھرے ہوئے نظر آئیں گے، آپ پریشان نہ ہوں۔
um Vaughan bhai, the locals definitely know, but the locals also have jobs. It is working hours in Karachi right now. You’re going to see a packed stadium in a few hours, don’t worry ????????#PAKvNZ #ChampionsTrophy https://t.co/J9dTEQhcJ1
— Asim Azhar (@AsimAzharr) February 19, 2025
ایک صارف نے ویڈیو شیئر کی جس میں کراچی کے لوگ اسٹیڈیم کے باہر کھڑے ہیں اور اندر جانے کا انتظار کر رہے ہیں، ساتھ ہی انہوں نے لکھا کہ ’کراچی والے آ گئے‘۔
Karachi walay AA GAYEE ❤️????????????????????????#PAKISTANCRICKET #ChampionsTrophy2025 jui pic.twitter.com/glj7d19igm
— Qadir Khawaja (@iamqadirkhawaja) February 19, 2025
عمران صدیقی لکھتے ہیں کہ ابھی بھی نیشنل اسٹیڈیم کے باہر عوام کی طویل قطاریں ہیں۔
Still long Queues Outside National Stadium pic.twitter.com/ecYKE45yvM
— ٰImran Siddique (@imransiddique89) February 19, 2025
واضح رہے کہ آئی سی سی چیمپیئنز ٹرافی 2025 میں 8 ٹیمیں شریک ہیں جن میں میزبان پاکستان، نیوزی لینڈ، انڈیا اور بنگلہ دیش گروپ اے میں شامل ہیں جبکہ گروپ بی آسٹریلیا، انگلینڈ، افغانستان اور جنوبی افریقہ پر مشتمل ہے۔
ٹورنامنٹ کا افتتاحی ڈے نائٹ میچ بدھ 19 فروری کو پاکستان اور نیوزی لینڈ کے درمیان نیشنل بینک اسٹیڈیم کراچی میں کھیلا جائےگا۔
پاکستان اپنے اگلے 2 گروپ میچز 23 فروری کو انڈیا کے خلاف دبئی میں اور 27 فروری کو بنگلہ دیش کے خلاف راولپنڈی میں کھیلے گا۔
یہ بھی پڑھیں: ’مِس یو انڈیا‘، چیمپیئنز ٹرافی کے پہلے میچ سے قبل پاکستانی شائقین کے نعرے
گروپ مرحلے کے 3 میچز کراچی میں، 3 میچز لاہور میں اور 3 میچز راولپنڈی میں کھیلے جائیں گے۔ انڈیا کی ٹیم اپنے تینوں گروپ میچز دبئی میں کھیلے گی۔
پہلا سیمی فائنل 4 مارچ کو دبئی میں کھیلا جائےگا، جبکہ لاہور 5 مارچ کو دوسرے سیمی فائنل کی میزبانی کرے گا۔
اگر انڈیا کی ٹیم فائنل میں پہنچنے میں کامیاب نہ ہو پائی تو پھر9 مارچ کو فائنل لاہور میں کھیلا جائے گا بصورت دیگر یہ فائنل دبئی میں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپیئنز ٹرافی 20225 پاکستان بمقابلہ نیوزی لینڈ چیمپیئنز ٹرافی مائیکل وان
میرے کھلے خطوط وہ حقائق ہیں ،جن پر اسٹیبلشمنٹ کو غور کرنا چاہیے،عمران خان