راولپنڈی: 12 سالہ سگی بھانجی کے ساتھ زیادتی کرنے والے ملزم کو عمر قید کی سزا
اشاعت کی تاریخ: 19th, February 2025 GMT
راولپنڈی کی سیشن عدالت نے 12 سال کی سگی بھانجی کے ساتھ زیادتی کرنے والے ملزم کو عمر قید کی سزا سنادی۔
ایڈیشنل ڈسٹرکٹ اینڈ سیشن جج باسط علیم نے 12 سال کی سگی بھانجی کے ساتھ زیادتی کیس کا فیصلہ سنایا۔
رپورٹ کے مطابق عدالت نے مجرم محمد شعیب کو عمر قید اور 5 لاکھ جرمانے کی سزا سناتے ہوئے کہا کہ ایسے سفاک مجرم کسی رعایت یا نرمی کے مستحق نہیں۔
واضح رہے کہ پولیس نے واقعہ کا مقدمہ نومبر 2023 میں تھانہ صدر واہ میں درج کیا تھا۔
.ذریعہ: Jasarat News
پڑھیں:
ماتلی،خاتون کوقتل کرنے کی کوشش کرنے والا ملزم گرفتار
ماتلی (نمائندہ جسارت )ایس ایچ او تھانہ کڑیو گھنور اور انچارج ڈی آئی سی کی بروقت کارروائی ۔ جنسی تعلقات نہ رکھنے پر 35 سالہ خاتون کو جان سے مارنے کی کوشش کرنے والا ملزم گرفتار۔ تفصیلات کے مطابق 17 فروری 2025ء کو کڑیو گھنور کے قریب 35 سالہ خاتون زخمی حالت میں پائی گئی تھی ایسی اطلاع ملتے ہی ایس ایچ او تھانہ کڑیو گھنور سب انسپکٹر عِلاول خاصخیلی جائے وقوعہ پر پہنچے تھے اور زخمی خاتون کو علاج کیلیے لیٹر جاری کرکے اسپتال روانہ کردیا تھا۔ زخمی خاتون کی شناخت چمپا گواریو سکنہ کڑیو گھنور کے طور پر ہوئی تھی۔ ایس ایس پی بدین ڈاکٹر عبدالخالق پیرزادہ نے معاملے کا فوری نوٹس لیتے ہوئے ایس ایچ او تھانہ کڑیو گھنور کو ملزم کی گرفتاری کیلئے احکامات جاری کردیے تھے۔کڑیو گھنور پولیس نے زخمی خاتون کے شوہر بھورو گواریو کی مدعیت میں ملزم راجو کولھی کے خلاف اقدام قتل کے تحت مقدمہ درج کرلیا۔زخمی خاتون نے پولیس کو بتایا کہ ملزم نے جنسی تعلقات نہ رکھنے پر اس پر قاتلانہ حملہ کیا تھا۔ایس ایچ او تھانہ کڑیو گھنور سب انسپکٹر عِلاول خاصخیلی اور انچارج ڈی آئی سی سب انسپکٹر محمد عارف جروار نے جدید ٹیکنالوجی کی مدد سے کارروائی کرکے 35 سالہ خاتون چمپا پر قاتلانہ حملہ کرنے والے ملزم راجو کولھی کو گرفتار کرکے مزید تفتیش شروع کردی ہے۔
پاک سعودی مشق نسیم البحر کے دوران شمالی بحیرہ عرب میں فائر پاور کا مظاہرہ