چاہت فتح علی خان کا شاہ رُخ خان کےگانے کا نیا ورژن وائرل
اشاعت کی تاریخ: 19th, February 2025 GMT
کامیڈی موسیقی اور گائیکی سے شہرت پانے والے سوشل میڈیا انفلوئنسر اور گلوکارچاہت فتح علی خان نے حال ہی میں ایک نیا گانا ریلیز کیا ہے جس نے صارفین کی توجہ اپنی طرف مرکوز کرلی ہے۔
چاہت فتح علی خان نے اس باربالی ووڈ کے کنگ شاہ رخ خان کے مشہور گانے ”چھیاں چھیاں“ گا کرسوشل میڈیا پر ہلچل مچانے کی کوشش کی ہے۔چاہت فتح علی خان نے ’چل چھیاں چھیاں‘ کی کاپی کا گانا اسی نام سے ہی جاری کیا ہے، ویڈیو میں ان کے ساتھ خاتون ماڈل بھی پرفارم کرتی دکھائی دیتی ہیں۔
چاہت فتح علی خان نے ’چل چھیاں چھیاں‘ کویو ٹیوب کی بجائے انسٹاگرام اور فیس بک پر جاری کیا گیا ہے۔چاہت کا یہ گانا دیکھتے ہی دیکھتے وائرل ہو گیا اور صارفین کی جانب سے اس پر مزاحیہ اور دلچسپ ردعمل آ رہے ہیں۔
ایک صارف نے مذاق کرتے ہوئے لکھا، ”کاش رمضان میں چاہت فتح علی خان بھی شیطان کی طرح کہیں بند ہو جائیں!“ جبکہ ایک اور نے اس گانے کے رائٹر کو چاہت فتح علی خان کے خلاف قانونی کارروائی کرنے کا مشورہ دیا کیونکہ گانے کے بول چوری کیے گئے ہیں۔
پیپلز پارٹی کے رہنما نواب یوسف تالپور کی نمازِ جنازہ ادا، وزیر اعلیٰ سندھ اور صوبائی وزراء کی شرکت
ایک اور سوشل میڈیا صارف نے اس گانے کے بارے میں لکھا، ”مجھے افسوس ہے کہ میں یہ سن سکتی ہوں، کاش میں بہری ہوتی!“
واضح رہے کہ چاہت فتح علی خان اس سے قبل اپنے گانے ”بدو بدی“ کی وجہ سے بھی سوشل میڈیا پر چھائے تھے، جہاں انہیں سخت تنقید کا سامنا بھی کرنا پڑا تھا۔ بعد میں اس گانے کو کاپی رائٹ کے ایشو کی وجہ سے یو ٹیوب سے ڈیلیٹ کردیا گیا تھا۔چاہت فتح علی خان کی یہ تازہ کوشش شاید ان کے پرستاروں میں دلچسپی پیدا کرے، لیکن سوشل میڈیا پر ان کے گانے پر ردعمل کی شدت کو دیکھتے ہوئے یہ کہا جا سکتا ہے کہ ان کا سفر اتنا آسان نہیں رہا۔
.ذریعہ: Daily Ausaf
کلیدی لفظ: چاہت فتح علی خان نے سوشل میڈیا
پڑھیں:
ٹام اینڈ جیری کا اے آئی ورژن: اس نئی ٹیکنالوجی سے آپ بھی چند منٹوں میں کارٹون بناسکتے ہیں
حال ہی میں ٹام اینڈ جیری کا مصنوعی ذہانت (اے آئی) کے ذریعے بنایا گیا نیا ورژن سامنے آیا ہے جو دیکھنے والوں کو حیرت میں ڈال رہا ہے۔
اسٹین فورڈ اور NVIDIA کے مشترکہ پروجیکٹ TTT-MLP نے صرف ٹیکسٹ پرامپٹ کی بنیاد پر بنائی گئی اس مختصر ویڈیو میں کارٹون کی اصل روح کو زندہ کرنے کی کامیاب کوشش کی ہے۔
ویڈیو میں ٹام کو نیویارک کے ایک دفتر میں جیری کے ساتھ اسی پرانی چھیڑ چھاڑ کرتے دکھایا گیا ہے۔ اگرچہ کچھ مناظر بے ربط ضرور ہیں، لیکن اینی میشن کا معیار اور بیک گراؤنڈ میوزک اتنا شاندار ہے کہ یہ اصل سیریز کا ہی حصہ محسوس ہوتا ہے۔
سوال یہ پیدا ہوتا ہے کہ کیا واقعی مصنوعی ذہانت روایتی اینی میشن کی جگہ لے سکتی ہے؟
سوشل میڈیا پر اس ویڈیو کو لے کر کئی دلچسپ تبصرے سامنے آئے ہیں۔ کچھ صارفین نے اے آئی کی اس کامیابی کو سراہا ہے، جبکہ بہت سے لوگ اب بھی اصل کارٹون بنانے والوں کی محنت کو فوقیت دے رہے ہیں۔ ایک صارف نے لکھا ’’اصل ورژن کی بات ہی کچھ اور تھی، اس میں وہ جادو تھا جو اے آئی نہیں لا سکتی۔‘‘
یہ ترقی اینی میٹرز اور فنکاروں کے لیے بھی تشویش کا باعث بنی ہوئی ہے۔ کیا آنے والے وقت میں اے آئی روایتی اینی میشن فنکاروں کی جگہ لے لے گی؟ یا پھر یہ محض ایک نیا ٹول ثابت ہوگی جو فنکاروں کے لیے کام کو آسان بنائے گی؟ فی الحال تو یہ بحث جاری ہے، لیکن ایک بات واضح ہے کہ ٹیکنالوجی کی یہ دوڑ ابھی جاری رہے گی۔
اب دیکھنا یہ ہے کہ کیا ہم جلد ہی ٹام اینڈ جیری کی مکمل سیزن اے آئی کے ذریعے بنے ہوئے دیکھ پائیں گے؟ یا پھر شائقین اصل فنکاروں کی محنت کو ہی ترجیح دیں گے؟ وقت ہی بتائے گا کہ یہ نئی ٹیکنالوجی اینی میشن کی دنیا میں کس طرح کے انقلاب لے کر آئے گی۔
ڈی جی خان: رشتے سے انکار پر لڑکی قتل