ملک کے بالائی علاقوں میں تیز ہواؤں اور گر ج چمک کے ساتھ بارش کی پیشگوئی
اشاعت کی تاریخ: 19th, February 2025 GMT
محکمہ موسمیات نے اسلام آباد اورگردونواح میں رات کے اوقات میں تیز ہواوں اور گر ج چمک کے ساتھ بارش کی پیشگوئی کی ہے۔محکمہ موسمیات کا کہنا ہے کہ چترال،دیر،سوات، شانگلہ،کوہستان،مانسہرہ میں گرج چمک کیساتھ سیبارش اورپہاڑوں پر برفباری کا امکان ہے،ایبٹ آباد، ہری پور، بونیر، باجوڑ میں گرج چمک کے ساتھ سے بارش اور پہاڑوں پر برفباری کی توقع ہے،مہمند، خیبر، اورکزئی،کرم، وزیرستان، پشاور میں گرج چمک کیساتھ سے بارش،پہاڑوں پر برفباری کا امکان ہے۔اس کے علاوہ پنجاب کے بیشتر اضلاع میں موسم سرد اورمطلع جزوی ابرآلود رہنیکی توقع ہے،راولپنڈی، جہلم،منگلا،اٹک،سرگودھا میں تیز ہواوں اورگرج چمک کیساتھ بارش کا امکان ہے،میانوالی،بھکر، خوشاب،حافظ آباد،گوجرانوالہ میں تیز ہواوں اورگرج چمک کیساتھ بارش کا امکان ہے،منڈی بہاالدین، گجرات،سیالکوٹ، نارووال، لاہور، شیخوپورہ میں تیز ہواوں،گرج چمک کیساتھ بارش کی توقع ہے،فیصل آباد،جھنگ اور ٹوبہ ٹیک سنگھ میں تیز ہواوں اور گرج چمک کے ساتھ بارش کا امکان ہے۔مری، گلیات میں بارش اور پہاڑوں پر برفباری کی توقع ہے،ملتان، ڈی جی خان، لیہ، مظفرگڑھ سمیت دیگر شہروں میں ہلکی بارش کا امکان ہے،شام اوررات کے دوران بالائی وسطی پنجاب میں چند مقامات پر ژالہ باری کی توقع ہے۔سندھ کیبیشتراضلاع میں موسم خشک اورمطلع جزوی ابرآلود رہنے کا امکان ہے،کوئٹہ،زیارت،قلات، بارکھان،موسی خیل میں بارش اور پہاڑوں پربرفباری کی توقع ہے،ژوب،قلعہ عبداللہ،چمن،سبی، قلات، خضدار،پشین میں میں بارش اور پہاڑوں پر برفباری کا امکان ہے،بلوچستان کے دیگر اضلاع میں موسم سرد اور مطلع جزوی ابر آلود رہنے کا امکان ہے۔
.ذریعہ: Nawaiwaqt
کلیدی لفظ: بارش اور پہاڑوں پر پہاڑوں پر برفباری میں تیز ہواوں اور بارش کا امکان ہے گرج چمک کیساتھ چمک کے ساتھ کی توقع ہے ساتھ بارش
پڑھیں:
19 فروری سے ملک کے کن علاقوں میں بارش متوقع ہے؟
پاکستان میں بارشوں کی کمی کی وجہ سے پانی کی قلت کے خدشات بہت زیادہ بڑھ گئے ہیں۔ صرف یہی نہیں بلکہ رواں برس سردی کی شدت میں کمی بھی ایک تشویشناک امر ہے۔ ملک میں رواں موسم سرما میں درجہ حرارت میں ریکارڈ اضافے کی وجہ سے بارشیں اور برفباری رواں برس معمول سے بھی کم ہوئیں۔ جنوری میں درجہ حرارت معمول سے 4 ڈگری سینٹی گریڈ زیادہ رہا۔
یہ بھی پڑھیں: طویل خشک سالی کا خاتمہ؟ کل سے بارش اور برف باری کی پیش گوئی
درجہ حرارت میں اس اضافے نے پورے ملک کو اپنی لپیٹ میں لیا ہوا ہے لیکن محکمہ موسمیات کی جانب سے یہ خوش خبری سنائی گئی ہے کہ ملک کے مختلف حصوں میں 18 فروری کی رات سے بارشوں کا ایک سلسلہ متوقع ہیں۔
ملک کے کن کن علاقوں میں بارشیں متوقع ہیں؟ڈی جی محکمہ موسمیات مہر صاحبزاد خان نے وی نیوز کو بتایا کہ 19 اور 20 فروری کے دوران چترال، دیر، سوات، پشاور اور چارسدہ میں گرج چمک کے ساتھ بارش اور پہاڑوں پر برفباری کی توقع ہے۔ اسی دوران پنجاب، مری اور گلیات میں بھی بارش اور برفباری کا امکان ظاہر کیا جا رہا ہے۔ علاوہ ازیں 19 اور 20 فروری کو اسلام آباد، گوجرانوالہ، حافظ آباد اور فیصل آباد میں تیز ہواؤں کے ساتھ بارش اور گرج چمک متوقع ہے جبکہ 19 فروری کو ملتان، ڈیرہ غازی خان، مظفرگڑھ اور بہاول نگر میں ہلکی بارش اور تیز ہوائیں چلنے کی توقع ہے۔
ڈی جی محکمہ موسمیات کا کہنا تھا کہ 18 اور 19 فروری کے دوران کوئٹہ اور زیارت میں تیز ہوائیں، گرج چمک اور پہاڑوں پر برفباری متوقع ہے۔ انہوں نے مزید کہا کہ سندھ کے بیشتر حصوں میں موسم خشک رہے گا تاہم ساحلی علاقوں میں تیز ہوائیں چلنے کی توقع ہے۔
مزید پڑھیے: موسمیاتی تبدیلیوں سے نمٹنے کے لیے ترقی یافتہ ممالک اپنا وعدہ پورا کریں، وزیراعظم
انہوں نے بتایا کہ شدید برفباری کی وجہ سے مری، گلیات اور ناران کاغان کی سڑکوں پر بندش اور پھسلن کی صورت میں ٹریفک کی روانی میں خلل پڑ سکتا ہے۔ 19 اور 20 فروری کے دوران بالائی خیبر پختونخوا، پنجاب اور کشمیر کے بعض علاقوں میں ژالہ باری بھی ہو سکتی ہے۔
بارشیں کم ہونے کی وجہ کیا ہے؟ڈی جی موسمیات نے بتایا کہ بارشوں کا کم ہونا یا نہ ہونا، یا پھر معمول سے زیادہ ہونا گلوبل انڈیکیٹرز کی وجہ سے ہوتا ہے۔ انہوں نے کہا کہ لا نینا، ایل نینو، انڈین اوشن بائی پول وغیرہ اس وقت پازیٹیو فیز میں ہیں جس کی وجہ سے نمی کا تناسب کم ہو گیا ہے اور امید ہے کہ جب اگلے چند 2 سے 3 مہینوں کے درمیان جب ایل نینا نارمل فیز میں جائے گا توبارش کا کوئی نہ کوئی سلسلہ لازمی طور پر بنے گا لیکن فی الوقت بھی بارشوں کا امکان ہے اور اسلام آباد سمیت کچھ علاقوں بشمول پہاڑی ایریاز میں بارشیں متوقع ہیں۔
انہوں نے کہا کہ یہ بارش کا سلسلہ بھی نارمل ہی ہوگا اور برفباری بھی ہلکی پھلکی ہوگی لیکن اگر برفباری اچھی ہو گرمیوں کے موسم میں پانی کے ذخائر میں کافی حد تک فائدہ ہوجاتا ہے۔ انہوں نے مزید کہ اکہ سنہ 2024 گرم ترین سال رہا ہے حتیٰ کہ رواں برس کے آغاز کا پہلا مہینہ جنوری بھی گرم مہینہ رہا کیونکہ بارشوں کی مقدار بہت کم رہی ہے اور اس کے علاوہ برفباری اب تک 75 فیصد کم ہوئی ہے۔
ان کا کہنا تھا کہ تقریباً سردیوں میں 49 انچ تک برفباری ہوتی ہے جبکہ رواں موسم سرما میں صرف 13 انچ تک برفباری ہوئی ہے جو کہ بہت زیادہ کم ہے جس کی وجہ سے پانی کی قلت کا خدشہ کافی زیادہ ہے۔
ایک سوال پر ان کا کہنا تھا کہ امید ہے کہ جو 18 کی رات کو بارش کی توقع کی جا رہی ہے اس سسلسلے سے کچھ علاقوں میں پانی کی قلت کو سپورٹ ملے گی۔ انہوں نے کہا کہ نمی کا تناسب بارش کے لیے بہت زیادہ مددگار ثابت ہوتا ہے لیکن وہ تناسب بہت زیادہ کم ہو گیا جو بارشوں کے نہ ہونے کا سبب بن رہا۔
انہوں نے کہا کہ اسلام آباد میں صرف 2 دن منفی ایک درجہ حرارت ریکارڈ کیا گیا ہے ورنہ اسلام آباد میں عام طور پر تو منفی 3 تک درجہ حرارت چلا جاتا تھا۔
مزید پڑھیں: بارشوں اور برف باری میں کمی، کیا بلوچستان میں خشک سالی ہوسکتی ہے؟
ان کا کہنا تھا کہ مٹھی میں موسم سرما کے دوران اس بار سب سے زیادہ درجہ حرارت 32 ڈگری تک ریکارڈ کیا گیا ہے جو اس سے قبل 28.7 ڈگری تک تھا۔ ان کا مزید کہنا تھا کہ اگر ایک ریکارڈ اسٹیشن کا درجہ حرارت اوپر گیا ہے تو باقی جگہوں پر بھی درجہ حرارت یقیناً بڑھا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارشوں میں کمی برفباری کا امکان برفباری میں کمی سردی کی شدت میں کمی کم سردی کی وجوہات ملک میں بارشیں
پاک سعودی مشق نسیم البحر کے دوران شمالی بحیرہ عرب میں فائر پاور کا مظاہرہ