تزئین و آرائش کے بعد نیشنل اسٹیڈیم کراچی کی تصاویر
اشاعت کی تاریخ: 19th, February 2025 GMT
تزئین و آرائش کے بعد نیشنل اسٹیڈیم کراچی کی تصاویر
نیشنل بینک ایرینا جو پہلے نیشنل اسٹیڈیم کے نام سے جانا جاتا تھا، کا باضابطہ افتتاح 11 فروری کی شام ایک شاندار افتتاحی تقریب کے ساتھ کیا گیا۔
اس تقریب میں معروف گلوکار علی ظفر، شفقت امانت علی اور ساحر علی بگا نے پرفارمنس پیش کی اور سامعین کے دل موہ لیے۔
اس حوالے سے پی سی بی کے سربراہ محسن نقوی نے سوشل میڈیا پر ایک پوسٹ شیئر کرتے ہوئے کہا تھا کہ ایک اور ناقابل فراموش رات کے لیے تیار ہوجائیں، کراچی اسٹیڈیم کا شاندار افتتاح 11 فروری کو علی ظفر، شفقت امانت اور ساحر علی بگا کی شاندار میوزیکل پرفارمنس کے ساتھ ہو رہا ہے، اس کے علاوہ زبردست آتش بازی اور لائٹ شوبھی ہوگا۔
نیشنل اسٹیڈیم کی تعمیر 28 ستمبر کو شروع ہوئی اور 31 جنوری کو اسے مکمل کیا گیا۔
تزئین و آرائش میں پویلین کی عمارت کی تعمیر نو، تمام انکلوژرز میں نئے نشستوں کی تنصیب اور جدید سہولیات جیسے کہ نئی ایل ای ڈی لائٹس، اسکور بورڈز اور گرلز کا اضافہ کیا گیا۔
شائقین کے میچ دیکھنے کے تجربے کو بہتر بنانے کے لیے اسٹیڈیم کے اطراف سے باڑیں ہٹا دی گئیں، پویلینز کی تزئین و آرائش کی گئی اور شائقین کی سہولت کے لیے ایک نیا رنگ روڈ اور پیدل چلنے کے لیے ایک پل بھی بنایا گیا۔
نیشنل بینک ایرینا آئی سی سی چیمپئنز ٹرافی 2025 کی میزبانی کے لیے تیار ہے، محسن نقوی نے تزئین و آرائش کے کام کی مسلسل نگرانی کی، یہ کام مزدوروں کی لگن کی بدولت صرف 120 دنوں میں مکمل ہوا۔
ایک بیان میں محسن نقوی نے نیشنل اسٹیڈیم کراچی کی تزئین و آرائش کا کام کامیابی سے مکمل ہونے پر اللہ تعالیٰ کا شکر ادا کیا۔
انہوں نے تنقید کا سامنا کرنے کے باوجود پوری ٹیم کی محنت اور عزم کا اعتراف کیا اور اس بات پر روشنی ڈالی کہ وہ اپنے مشن پر ڈٹے رہے۔
محسن نقوی نے اسٹیڈیم کی تزئین و آرائش کرنے والے مزدوروں کا بھی خصوصی شکریہ ادا کیا، انہوں نے فرنٹیئر ورکس آرگنائزیشن (ایف ڈبلیو او)، نیسپاک، کنٹریکٹرز جیسی تنظیموں اور پی سی بی ٹیم کی کاوشوں کی تعریف کی جنہوں نے اس منصوبے کو قومی فریضہ سمجھتے ہوئے تندہی سے کام کیا۔
ذریعہ: Express News
کلیدی لفظ: نیشنل اسٹیڈیم محسن نقوی نے کے لیے
پڑھیں:
جموں و کشمیر نیشنل کانفرنس نے وقف قانون کو سپریم کورٹ میں چیلنج کردیا
پی ڈی پی کے جنرل سکریٹری محمد خورشید عالم نے بی جے پی اور نیشنل کانفرنس دونوں پر مسلمانوں کے اعتماد اور حقوق کیساتھ "منظم خیانت" کا الزام عائد کیا۔ اسلام ٹائمز۔ جموں و کشمیر میں برسر اقتدار جماعت نیشنل کانفرنس نے نئے وقف ایکٹ کے خلاف سپریم کورٹ میں عرضی دائر کی ہے۔ یہ اقدام پارٹی صدر ڈاکٹر فاروق عبداللہ کی ہدایت پر اُٹھایا گیا ہے۔ پارٹی کی ترجمان افراء جان نے بتایا کہ نیشنل کانفرنس کے تین ارکان اسمبلی ارجن سنگھ راجو، ریاض احمد خان اور ہلال اکبر لون نے عدالت عظمیٰ میں رِٹ پٹیشن دائر کی ہے۔ اس طرح نیشنل کانفرنس جموں و کشمیر کی دوسری سیاسی جماعت بن گئی ہے جس نے متنازع قانون کو عدالت میں چیلنج کیا ہے۔ اس سے قبل الطاف احمد بخاری کی قیادت والی جموں کشمیر اپنی پارٹی نے بھی عرضی دائر کی تھی۔
ادھر اپوزیشن جماعت پیپلز ڈیموکریٹک پارٹی (پی ڈی پی) نے بھی وقف قانون کے خلاف سپریم کورٹ جانے کا اعلان کیا ہے۔ پارٹی نے ہفتے کو سرینگر میں اپنے دفتر کے باہر احتجاجی مظاہرہ بھی کیا، جس میں کارکنان نے بھارتیہ جنتا پارٹی (بی جے پی) حکومت کے خلاف نعرے بازی کی۔ پی ڈی پی کے جنرل سکریٹری محمد خورشید عالم نے بی جے پی اور نیشنل کانفرنس دونوں پر مسلمانوں کے اعتماد اور حقوق کے ساتھ "منظم خیانت" کا الزام عائد کیا۔ ان کے بقول وقف (ترمیمی) قانون مسلمانوں کے کسی بھی طبقے کو قابل قبول نہیں اور اس کا پارلیمان میں خفیہ طریقے سے پاس ہونا ناقابل قبول ہے۔ انہوں نے کہا کہ یہ صرف غیر جمہوری عمل نہیں بلکہ اقلیتوں کو منظم طریقے سے کمزور کرنے کی ایک دانستہ کوشش بھی ہے، جسے ہم یکسر مسترد کرتے ہیں۔
دریں اثناء پیپلز کانفرنس کے صدر اور ہندوارہ سے رکن اسمبلی سجاد غنی لون نے نیشنل کانفرنس پر تنقید کرتے ہوئے کہا کہ اسمبلی میں وقف قانون پر سنجیدہ بحث سے بچنے کے لئے بدنظمی پیدا کی گئی۔ انہوں نے دعویٰ کیا کہ اسپیکر نے زیر سماعت ہونے کی بنیاد پر وقف بل پر بحث کی اجازت نہیں دی، حالانکہ ایوان میں تحریک التوا پیش کی گئی تھی۔ سجاد غنی لون کے مطابق جب مذہبی معاملات کے دفاع کی بات آئی تو نیشنل کانفرنس نے خاموشی اختیار کی۔ انہوں نے کہا کہ اگر اسپیکر رکاوٹ تھے، تو انہیں تبدیل کیا جا سکتا تھا۔ لیکن انہوں نے عملی اقدام کے بجائے تماشہ چُنا۔ یاد رہے کہ حالیہ بجٹ اجلاس کے دوران جموں و کشمیر اسمبلی میں وقف قانون پر شدید ہنگامہ آرائی دیکھی گئی، جہاں حکومت اور اپوزیشن دونوں بحث کا مطالبہ کرتے رہے، جو اسپیکر نے مسترد کر دیا۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار