نیوزی لینڈ کے کئی پلیئرز اچھی فارم میں ہیں: نسیم شاہ
اشاعت کی تاریخ: 19th, February 2025 GMT
پاکستان کرکٹ ٹیم کے فاسٹ بولر نسیم شاہ نے چیمپئنز ٹرافی کے پہلے میچ میں نیوزی لینڈ سے مقابلے کے بارے میں ردِعمل کا اظہار کیا ہے۔
اس حوالے سے نسیم شاہ نے کہا ہے کہ نیوزی لینڈ کی ٹیم مضبوط ہے، صرف ایک پلیئر کو ہدف نہیں بنا سکتے، نیوزی لینڈ کے کئی پلیئرز اس وقت اچھی فارم میں ہیں۔
نسیم شاہ نے کہا ہے کہ کین ولیمسن، ڈیرل مچل اور گلین فلپس اچھا کھیل رہے ہیں ان کی وکٹ اہم ہو گی، اگر ہم اہم موقع پر وکٹ لیں تو ٹیم کو فائدہ مل سکتا ہے۔
انہوں نے کہا کہ جو اس وقت اچھا کھیلے گا وہ جیتے گا۔
دوسری جانب نیوزی لینڈ کرکٹ ٹیم کے اہم بیٹر کین ولیمسن نے کہا ہے کہ گزشتہ دنوں میں پاکستان سے 2 میچز کھیلے، پاکستان ٹیم میں بھرپور ٹیلنٹ موجود ہے۔
کین ولیمسن نے کہا کہ جو بھی کرکٹر پاکستان کی طرف سے فیلڈ پر آتا ہے وہ ورلڈ کلاس ہوتا ہے، پاکستان کے پاس تجربے کار کھلاڑی ہیں جو کچھ وقت سے کھیل رہے ہیں۔
انہوں نے کہا کہ پاکستان کے کپتان محمد رضوان، شاہین آفریدی اور بابر اعظم اچھے پلیئر ہیں جبکہ سلمان علی آغا اچھی فارم میں ہیں۔
کین ولیمسن نے مزید کہا کہ سلمان آغا پلیئر آف دی سیریز بھی ہوئے ہیں، ہمارے لیے اہم ہے کہ ہم اپنی صلاحیتوں کو بیک کریں۔
واضح رہے کہ چیمپئنز ٹرافی کا افتتاحی میچ آج پاکستان اور نیوزی لینڈ کے درمیان کھیلا جائے گا۔
.ذریعہ: Daily Mumtaz
کلیدی لفظ: نیوزی لینڈ کین ولیمسن نسیم شاہ کہا کہ نے کہا
پڑھیں:
چیمپئنز ٹرافی:نیوزی لینڈ کیخلاف پاکستان کا کون سا بالر ٹیم کو بہت مہنگا پڑا؟
کراچی:آئی سی سی چیمپئنز ٹرافی کے افتتاحی میچ میں پاکستان کے بالرز کی کارکردگی ملی جلی رہی۔ میچ میں مہمان ٹیم نیوزی لینڈ نے پاکستانی شاہینز کو 320 سے زائد رنز کا ہدف دیا، اس دوران نیشنل اسٹیڈیم میں کھیلے گئے اس میچ میں پاکستانی بالرز نے کچھ شاندار پرفارمنس بھی دکھائی جب کہ کچھ ٹیم کے لیے بہت مہنگے ثابت ہوئے۔
نیوزی لینڈ کے خلاف میچ میں حارث رؤف پاکستانی ٹیم کے لیے سب سے مہنگے بالر ثابت ہوئے۔ انہوں نے اپنے 10 اوورز میں83 رنز دیے اور 2وکٹیں حاصل کیں۔ ان کا اکانومی ریٹ8.30 رہا جو کہ ٹیم کے لیے مہنگا ثابت ہوا۔
اسی طرح شاہین آفریدی بھی ٹیم کے لیے کچھ زیادہ اچھے ثابت نہیں ہوئے، انہوں نے اپنے نے 10 اوورز میں68 رنز دیے اور کوئی وکٹ بھی حاصل نہیں کر سکے۔ ان کا اکانومی ریٹ 6.80 رہا۔جو کہ ان کے لیے معیار سے کم تھا۔
قومی ٹیم کے فاسٹ بالر نسیم شاہ نے بھی 10 اوورز میں63 رنز دے کر 2وکٹیں حاصل کیں۔ ان کا اکانومی ریٹ6.30 رہا،جو ان کے لیے نسبتاً بہتر رہا مگر وہ نیوزی لینڈ کے بلے بازوں کو روکنے میں مکمل طور پر کامیاب نہیں ہو سکے۔
افتتاحی میچ میں ابرار احمد پاکستان کے بہترین بالر ثابت ہوئے۔ انہوں نے اپنے 10 اوورز میں صرف 47 رنز دیے اور ایک وکٹ حاصل کی۔ ان کا اکانومی ریٹ 4.70 تھا، جو ان کی شاندار گیند بازی کا عکاس ثابت ہوا۔ ابرار نے اپنی گھومتی گیندوں سے نیوزی لینڈ کے بلے بازوں کو پریشان کیے رکھا۔
خوش دل شاہ نے بھی 7 اوورز میں 70 رنز دیے، جس کا اکانومی ریٹ 5.71 رہا، تاہم وہ کوئی وکٹ حاصل نہیں کر سکے۔ دوسری طرف سلمان علی آغا نے صرف 3اوورز کروائے، جس میں انہوں نے 15 رنز دیے لیکن وہ بھی وکٹوں سے محروم رہے۔
واضح رہے کہ نیوزی لینڈ نے ٹام لاتھم، ول یانگ اور گلین فلپس کی شاندار بیٹنگ کی بدولت پاکستان کو 321 سے زائد رنز کا ہدف دیا ہے۔ ول یانگ نے 107 رنز کی شاندار سنچری بنائی جب کہ ٹام لاتھم اور گلین فلپس نے آخری اوورز میں جارحانہ بیٹنگ کرتے ہوئے 125 رنز کا اضافہ کیا۔
میچ کے دوران پاکستانی بالرز کی کارکردگی میں کچھ خامیاں نظر آئیں، خاص طور پر حارث رؤف اور شاہین آفریدی کی مہنگی پڑنے والی بالنگ نے نیوزی لینڈ کو بڑا اسکور بنانے میں مدد دی،تاہم، ابرار احمد کی شاندار پرفارمنس ایک مثبت پہلو تھا۔ پاکستانی ٹیم کو اگلے میچز میں بالنگ یونٹ کو زیادہ موثر بنانے کی ضرورت ہوگی تاکہ وہ ٹورنامنٹ میں کامیابی کے لیے مضبوط ثابت ہو سکیں۔
پی ٹی آئی مذاکرات کے لیے بنی ہی نہیں، ان کے خمیر اور ڈی این اے میں منفی سیاست رچی بسی ہے، عرفان صدیقی