ثانیہ مرزا کا بیٹا اذہان مرزا بالی ووڈ میں انٹری کے لیے تیار؟
اشاعت کی تاریخ: 19th, February 2025 GMT
بالی ووڈ انڈسٹری کی معروف ہدایتکارہ و یوٹیوبر فرح خان کا کہنا ہے کہ انہوں نے ثانیہ مرزا اور شعیب ملک کے بیٹے اذہان مرزا ملک کو اس کی پیدائش پر ہی اپنی فلم میں سائن کرنے کا معاوضہ دے دیا تھا۔
فرح خان نے حال ہی میں اپنے یوٹیوب چینل پر نیا وی لاگ شیئر کیا ہے جس میں فرح خان کو ٹینس اسٹار ثانیہ مرزا اور ان کے بیٹے اذہان ملک کی میزبانی کرتے دیکھا جا سکتا ہے۔
وی لاگ میں ثانیہ مرزا نے بتایا کہ فرح خان نے ان کے بیٹے کی پیدائش کے دن ہی فلم کے لیے سائن کر لیا تھا اور اسے 10 روپے کی سائننگ اماؤنٹ دی تھی۔
فرح خان نے ہنستے ہوئے کہا کہ’100 روپے تو بول دو‘۔ تو ثانیہ نے جواباً کہا کہ آپ نے 10 روپے دیے تھے۔ میں جھوٹ نہیں بولنا چاہتی۔ ساتھ ہی فرح کا کہنا تھا کہ ’مجھے کم از کم 100 روپے دینے چاہیے تھے‘۔
فرح خان نے کہا کہ میں نے اذہان مرزا کو جو اس کی پیدائش پرنوٹ دیا تھا وہ ضائع نہیں ہوا ہے، وہ نوٹ اذہان کو اپنی فلم میں سائن کرنے کا معاوضہ تھا۔ اذہان مرزا کی جانب سے شرارتیں کرنے پر ٹینس اسٹار ثانیہ مرزا نے فرح خان کو مخاطب کرتے ہوئے کہا کہ اذہان آپ کو آڈیشن دے رہا ہے۔ اس کے علاوہ فرح خان نے اپنے وی لاگ میں ثانیہ مرزا سے کھانا بھی پکوایا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اذہان مرزا بالی ووڈ ثانیہ مرزا شعیب ملک فرح خان.ذریعہ: WE News
کلیدی لفظ: اذہان مرزا بالی ووڈ ثانیہ مرزا شعیب ملک ثانیہ مرزا اذہان مرزا کہا کہ
پڑھیں:
سلمان خان اور سنجے دت کس ہالی ووڈ فلم میں کام کرنے والے ہیں؟
بالی ووڈ کے اداکار سلمان خان اور سنجے دت ایک نئی آنے والی ہالی ووڈ تھرلر میں ایک ساتھ کام کرنے والے ہیں، جس کے لیے دونوں ستارے سعودی عرب کے الولا اسٹوڈیوز پہنچ چکے ہیں تاکہ اپنے اپنے رولز کی شوٹنگ کر سکیں۔
سعودی عرب کا الولا اسٹوڈیوز بین الاقوامی پروڈکشنز کے لیے ایک مقبول فلمی مقام بن چکا ہے۔ ہالی ووڈ کی فلم کینڈہار جو 2023 میں ریلیز ہوئی تھی، جس میں جیرارڈ بٹلر نے کام کیا تھا، پہلے ہی وہاں شوٹ ہو چکی ہے۔
یہ بھی پڑھیں: جب سلمان خان دوران پرواز موت سے بال بال بچے، اداکار نے سنسنی خیز واقعہ سنا دیا
سلمان خان اور سنجے دت کی فلم کی شوٹننگ بھی اسی اسٹوڈیو میں ہو رہی ہے اور اس کی شوٹنگ 19 فروری تک مکمل ہونے کی توقع ہے۔ بھارتی میڈیا رپورٹس کے مطابق سلمان خان اور سنجے دت امریکی تھرلر میں جلوہ افروز ہوں گے۔ اگرچہ فلم کی تفصیلات کو راز میں رکھا گیا ہےلیکن ذرائع کا کہنا ہے کہ یہ فلم عالمی سطح کے ناظرین کے لیے بنائی جا رہی ہے۔
رپورٹس کے مطابق بالی ووڈ اداکاروں سلمان خان اور سنجے دت کو دنیا بھر میں اور خاص طور پر مشرق وسطیٰ میں بڑے پیمانے پر پہچانا جاتا ہے اس لیے انہیں بھی اس فلم میں شامل کیا گیا ہے۔
یہ بھی پڑھیں: بالی وڈ اداکار سنجے دت نے جیل میں کیا سیکھا؟
واضح رہے کہ سلمان خان اور سنجے دت نے کئی بالی ووڈ فلموں میں ایک ساتھ کام کیا ہے، جن میں فلم ساجن جو (1991) میں ریلیز کی گئی، چل میرے بھائی جو (2000) میں آئی، اور یہ ہے جلوہ شامل ہیں جو (2002) میں ریلیز کی گئی تھی۔
سلمان خان اور سنجے دت کی اسکرین کیمسٹری ہمیشہ مداحوں میں پسند کی جاتی ہے۔ گزشتہ برس دونوں نے معروف کینیڈین ریپر اے پی ڈھلون کی میوزک ویڈیو ’اولڈ منی‘ کے لیے مل کر کام کیا تھا، جس کو مداحوں کی جانب سے خوب پسند کیا گیا تھا۔
یہ بھی پڑھیں: ’سب ڈر جاتے تھے یار‘، سنجے دت نے وسیم اکرم کے بارے میں کیا کچھ کہا؟
سلمان خان اب اپنی نئی فلم ’سکندر‘ میں نظر آئیں گے۔ یہ فلم ساجد ناڈیاڈ والا کی پروڈکشن ہے اور اسے ہدایت کار اے آر موروگادوس نے ڈائریکٹ کیا ہے۔ سلمان خان کے ساتھ فلم میں اداکارہ راشمیکا مندنا بھی مرکزی کردار میں نظر آئیں گی۔ فلم عید 2025 پر ریلیز کی جائے گی۔
اس طرح بالی ووڈ اداکار سنجے دت کے پاس ہاؤس فل 5، باغی 4، اور ‘سن آف سردار‘ کے سیکوئل سمیت کئی پروجیکٹس ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ سعودیہ عربیہ سلمان خان سنجے دت ہالی ووڈ
ڈونلڈ ٹرمپ کا ٹک ٹاک پر پابندی کی مدت میں دوسری بار توسیع دینے کا عندیہ