ملتان میں ترک ثقافت کے رنگ بکھیرتا منفرد ریسٹورنٹ
اشاعت کی تاریخ: 19th, February 2025 GMT
جنوبی پنجاب کا سب سے بڑا اور تاریخی شہر ملتان اپنی ثقافت، مہمان نوازی اور منفرد روایات کے لیے جانا جاتا ہے۔ اس شہر میں ایک ایسا ریسٹورنٹ قائم کیا گیا ہے جو ترک ثقافت اور سلطنت عثمانیہ کی عظمت کو نمایاں کرتا ہے۔ یہ ریسٹورنٹ اپنی خوبصورت تعمیرات، منفرد ماحول اور روایتی ترک کھانوں کی وجہ سے بے حد مقبول ہو رہا ہے۔
آپ جیسے ہی اس ریسٹورنٹ میں داخل ہوتے ہیں تو آپ کو ایسا محسوس ہوتا ہے گویا وقت کا پہیہ الٹا گھوم گیا ہو اور آپ سلطنت عثمانیہ کے عہد میں جا پہنچے ہوں۔
یہ بھی پڑھیں: کرغیز خانہ بدوش جنہیں تُرک صدر کی ہدایت پر چترال سے ترکی لے جاکر آباد کیا گیا
ریسٹورنٹ کے داخلی راستے پر عثمانی دور کے روایتی لباس میں ملبوس ایک میزبان ہاتھ میں تلوار اور نیزا تھامے مہمانوں کا پرتپاک استقبال کرتا ہے۔ اس کی مہمان نوازی اور رویہ ایسا ہوتا ہے جیسے وہ کسی سلطنت کے دربار کا حصہ ہو۔
ریسٹورنٹ کے مالک،علی ہاشمی ترک ثقافت سے بے حد متاثر ہیں اور اسی محبت کے تحت انہوں نے یہ جگہ تعمیر کی۔ ان کے مطابق یہ ریسٹورنٹ کائی قبیلے کی طرز پر ڈیزائن کیا گیا ہے جو ترک ڈرامہ ’ارطغرل غازی‘ کی بدولت پاکستان میں مقبول ہوا۔
علی ہاشمی کا کہنا ہے کہ کائی قبیلے کی روایات اور اسلامی طرز زندگی ہمارے لیے ایک سبق ہیں اور اسی سوچ کے ساتھ انہوں نے اس منفرد ریسٹورنٹ کی بنیاد رکھی۔
مزید پڑھیے: پاکستان اور ترکیہ کے تعلقات کی کہانی
ریسٹورنٹ میں 2 خاص ڈومز موجود ہیں جن میں سے ایک کو ’کائی ڈوم‘ کہا جاتا ہے جو ترک ثقافت کی بھرپور عکاسی کرتا ہے۔ دوسرا ڈوم مشرقی اور مغربی طرز کا حسین امتزاج پیش کرتا ہے تاکہ نئی نسل کے شوق اور دلچسپی کو بھی مدنظر رکھا جائے۔
ان ڈیزائنز کو حقیقت کا روپ دینے کے لیے علی ہاشمی نے ترکیہ کا دورہ کیا تھا جہاں انہوں نے ترک طرز تعمیر اور روایات کو قریب سے دیکھا اور انہیں اپنے ریسٹورنٹ میں شامل کیا۔
مزید پڑھیں: پاکستان اور ترکیہ کا مشترکہ ٹی وی نشریات اور اسلاموفوبیا کے خلاف مل کر جدوجہد کرنے پر اتفاق
وہ بتاتے ہیں کہ ریسٹورنٹ کی تعمیر میں استعمال ہونے والا تمام میٹریل ترکی سے درآمد کیا گیا ہے اور ایک سال کی محنت کے بعد یہ ریسٹورنٹ مکمل ہوا جو اب ملتان کے مشہور تفریحی مقامات میں شامل ہو چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارطغرل غازی ترک ثقافت ترک ریسٹورنٹ ملتان ملتان کا قدیم طرز کا ریسٹورنٹ.ذریعہ: WE News
کلیدی لفظ: ترک ثقافت ترک ریسٹورنٹ ملتان ترک ثقافت کیا گیا کرتا ہے
پڑھیں:
پاکستانی طلبہ کا بڑا کارنامہ،ایسا منفرد ہیلمٹ تیار کر لیا جو حادثے کی صورت میں ایمبولینس اور پولیس کو اطلاع دے گا
پاکستان کے نجی یونیورسٹی کے دو طلبہ نے ایسا منفرد ہیلمٹ تیار کیا ہے جو حادثے کی صورت میں ایمبولینس اور پولیس کو اطلاع دے گا۔
ٹریفک حادثات میں آئے دن بالخصوص موٹر سائیکل سوار زندگی کھو دیتے ہیں۔ رواں سال کے ابتدائی ڈیڑھ ماہ میں تو روڈ حادثات میں ریکارڈ 100 سے زائد اموات ہوچکی ہیں۔ انمیں زیادہ تعداد موٹر سائیکل سواروں کی ہے جو بروقت اسپتال پہنچ ن پانے پر بھی موت کے منہ میں چلے جاتے ہیں۔
موٹر سائیکل سوار کے لیے ہیلمٹ حادثات کی صورت میں شدید انجری سے بچنے کے لیے ایک موثر ذریعہ ہے۔ تاہم اب دو باصلاحیت پاکستانیوں نے منفرد ہیملٹ تیار کیا ہے،
پاکستان کی نجی یونیورسٹی کے دو طلبہ طلحٰہ الیاس اور ثاقب اکرام نے منفرد اور کارآمد خصوصیات والا ایسا ہیلمٹ تیار کیا ہے جو حادثے کی صورت میں فوری طور پر ایمبولینس کو طلب اور پولیس کو اطلاع کر سکتا ہے۔
اگر بائیک سوار حادثے کے بعد غنودگی کا شکار ہوگا تو ہیلمٹ میں نصب الارم خود بخود بجنا شروع ہو جائے گا۔
اس سیفٹی ہیلمٹ کے خالق طلبہ کا کہنا ہے کہ اس سیفٹی ہیلمٹ کے ذریعے لوکیشن کی تلاش بھی ممکن ہو گی جب کہ اس میں ایسی ٹیکنالوجی کا استعمال کیا گیا ہے کہ ہیلمٹ پہنے بغیر بائیک ہی اسٹارٹ نہیں ہوگی۔
سستی اشیاء کی فراہمی، لاہور میں 10 ماڈل بازار قائم کرنے کا فیصلہ