محرابپور،جی ڈی اے کے رہنماء غلام مرتضیٰ جتوئی کی ضمانت مسترد
اشاعت کی تاریخ: 19th, February 2025 GMT
محراب پور(جسارت نیوز) غلام مرتضیٰ خان جتوئی کی ضمانت کا فیصلہ،گرینڈ ڈیموکرٹیکس الائنس (جی ڈی اے)کے مرکزی رہنما غلام مرتضیٰ خان جتوئی کو ضمانت مسترد ہونے کے بعد سخت میں ڈسٹرکٹ جیل نوشہروفیروز منتقل کر دیا گیا، فیصلہ کے مطابق غلام مرتضیٰ خان جتوئی پہلے جیل اور بعد میں اسپتال میں داخل ہوں گے، متعلقہ کیس کی آئندہ شنوائی 20 فروری مقرر کی گئی ہے، جی ڈی اے رہنما غلام مرتضیٰ خان جتوئی پر لاڑکانہ ضلع کے دو پولیس تھانوں ڈوکری اور باڈھ میں مزید مقدمات سامنے آگئے، ان کے وکیل عبد اللہ کورائی کے مطابق دونوں مقدمات جھوٹے اور بے بنیاد ہیں جن کا ہم قانونی طرح سے مقابلہ کریں گے۔ذرائع کے مطابق انسداد دہشت گردی نوشہرو فیروز کی عدالت کے جج نے پولیس کو غلام مرتضیٰ خان جتوئی کو بغیر ہتھکڑی کے پیش کرنے کا حکم دیا تھا تاہم انہیں سخت میں ہتھکڑیاں لگا کربکتر بند گاڑی میں نوشہروفیروز کی عدالت میں لایا گیا۔ اس موقع پر ہزاروں افراد عدالت کے باہر پہنچ گئے تھے۔ گرینڈ ڈیموکریٹک الائنس (جی ڈی اے) رہنماؤں صفدر عباسی، معظم عباسی، سید زین شاہ اور ریاض چانڈیو کا نیوجتوئی میں مشترکہ پریس کانفرنس میں کہنا تھاکہ غلام مرتضیٰ خان جتوئی کی گرفتاری پیپلز پارٹی کی آمرانہ ذہنیت کا منہ بولتا ثبوت ہے، اس طرح کی حکمت عملی سے جے ڈی اے عوام کے جائز حقوق، مطالبات اور اپنے مؤقف سے دستبردار نہیں ہوگی،سندھ حکومت اپنی زیادتیاں چھپانے کیلئے اپوزیشن کو نشانہ بنا رہی ہے، سیاسی مخالفین کی آوازوں کو دبانے کی مسلسل کوششیں ناقابل قبول ہے،پیپلز پارٹی کی آمریت اور فاشزم کی ہر حکمت عملی کا بہادری سے مقابلہ کریں گے،سندھ میں ڈاکوؤں کو گرفتار کرنے کی بجائے سیاسی مخالفین کو نشانہ بنایا جا رہا ہے ہم غلام مرتضیٰ خان جتوئی کی فوری رہائی کا مطالبہ کرتے ہیں۔جمعیت علمائے اسلام(ف) سندھ کے جنرل سیکرٹری علامہ راشد محمود سومرو کے احکامات پرجے یو آئی ضلع نوشہروفیروز کے امیر مولانا عبدالرحمن ڈانگراج وفد کے ہمراہ جتوئی ہاؤس پہنچے جہاں انہوں نے شاہنواز جتوئی اورراضی خان جتوئی سے ملاقات کی۔ اس موقع پر ان کا کہنا تھا کہ پی پی پی سیاسی انتقام کی آڑ میں پورے سندھ بالخصوص ضلع نوشہروفیروز کی موجودہ صورتحال کو خراب کیا جا رہا ہے، دوسری طرف مرتضیٰ خان جتوئی کی گرفتاری بعد نیو جتوئی شہر میں مکمل شٹر بند ہڑتال رہی، ہزاروں افراد نے ریلی نکالی جس میں سندھ حکومت، پولیس کیخلاف نعرے بازی کی گئی اور این پی پی سربراہ کی رہائی کا مطالبہ کیا گیا۔
.
ذریعہ: Al Qamar Online
کلیدی لفظ: خان جتوئی کی غلام مرتضی جی ڈی اے
پڑھیں:
پی ٹی آئی کے 86 ورکرز کی درخواست ضمانت خارج
انسداددہشت گردی عدالت اسلام آباد نے پاکستان تحریک انصاف ( پی ٹی آئی) کے 86 ورکرز کی درخواست ضمانت خارج کردی۔
اسلام آباد کی انسداد دہشتگردی عدالت کے جج ابوالحسنات محمد ذوالقرنین نے محفوظ فیصلہ سنا دیا۔ عدالت کی جانب سے فریقین کے دلائل مکمل ہونے پر فیصلہ محفوظ کیا تھا۔ عدالت نے ناجائز اسلحہ کیس میں 6 ملزمان کی ضمانت کی درخواستیں منظور کرلیں۔ عدالت نے 5 ہزار کے مچلکوں کی عوض ضماتیں منظور کیں۔
مزید پڑھیں: 26نومبر احتجاج؛ 2پی ٹی آئی رہنماؤں کی ضمانت خارج، 86ورکرز جوڈیشل ریمانڈ پر جیل منتقل
پی ٹی آئی ورکرز پر 26 نومبر احتجاج کے باعث تھانہ ترنول اور کوہسار میں مقدمات درج ہیں۔
سندھ بلڈنگ ،اسحاق کھوڑو کے بلند بانگ دعوے جھوٹ کا پلندہ نکلے