چینی سفیر کی احسن اقبال سے ملاقات: معاشی ترقی کیلئے حمایت کی یقین دہانی
اشاعت کی تاریخ: 19th, February 2025 GMT
اسلام آباد (نمائندہ خصوصی) وفاقی وزیر منصوبہ بندی احسن اقبال سے پاکستان میں تعینات چین کے سفیر نے ملاقات کی۔ اعلامیہ کے مطابق اقتصادی راہداری کے تحت مشترکہ ترقیاتی منصوبوں پر تبادلہ خیال کیا گیا۔ دونوں ملکوں کے درمیان اقتصادی اور بنیادی ڈھانچے کی ترقی پر بھی گفتگو کی گئی۔ احسن اقبال نے سی پیک منصوبوں کو مزید آگے بڑھانے کے عزم کا اظہار کیا۔ چینی سفیر نے پاکستان کی معاشی ترقی کیلئے غیر متزلزل حمایت کی یقین دہانی کرائی۔ احسن اقبال نے چین کے نئے سال پر چینی عوام کیلئے نیک خواہشات کا اظہار کیا اور عوامی سطح پر تعلقات مزید مضبوط بنانے پر زور دیا۔
.ذریعہ: Nawaiwaqt
کلیدی لفظ: احسن اقبال
پڑھیں:
وزیر خزانہ نے عالمی بینک کے وفد کو حکومتی اصلاحاتی ایجنڈے سے آگاہ کر دیا
وزیر خزانہ نے عالمی بینک کے وفد کو حکومتی اصلاحاتی ایجنڈے سے آگاہ کر دیا WhatsAppFacebookTwitter 0 19 February, 2025 سب نیوز
اسلام آباد (سب نیوز )وزیر خزانہ محمد اورنگزیب سیعالمی بینک کے ایگزیکٹو ڈائریکٹرز پر مشتمل وفد نے ملاقات کی، حکومت کے معاشی استحکام کیلئے اقدامات سے پاکستان کی اقتصادی صورتحال میں بہتری آرہی ہے، عالمی بینک نے پاکستان کے اقتصادی اصلاحاتی ایجنڈے کی تعریف کی، وزیر خزانہ نے پاکستان کی اقتصادی صورتحال جاری اصلاحات پر بریفنگ دی۔
ملاقات میں معاشی صورتحال اور اصلاحاتی ایجنڈے پر تبادلہ خیال ہوا، وزیر خزانہ محمد اورنگزیب نے وفد کا پاکستان کی آمد پر خیر مقدم کیا اور عالمی بینک کے پاکستان کے ساتھ اقتصادی تعاون کو سراہا۔وزیر خزانہ نے معاشی و ترقیاتی ایجنڈے کے لئے عالمی بینک کی مسلسل حمایت کی تعریف کی۔
وزارت خزانہ کے مطابق ملاقات میں کنٹری پارٹنرشپ فریم ورک 2026-35 پر تفصیلی تبادلہ خیال کیا گیا، جبکہ وزیر خزانہ نے وفد کو العلا کانفرنس میں حالیہ شرکت اور کانفرنس میں اقتصادی استحکام بارے ہونے والی سرگرمیوں پر روشنی ڈالی۔وزیر خزانہ نے وفد کو پاکستان کی معاشی صورتحال پر بریفنگ اور وفاقی حکومت کے ڈھانچہ جاتی اصلاحات کا خاکہ پیش کرتے ہوئے بتایا کہ معاشی بہتری حکومت کی جاری اصلاحات کی کامیابی کی عکاسی کرتی ہے۔
محمد اورنگزیب نے وفد کو بتایا کہ حکومت کی آمدن بڑھانے، توانائی کے شعبے کی اصلاحات پر توجہ مرکوز ہے، سرکاری اداروں کی تنظیم نو، اور نجکاری بارے اقدامات جاری ہیں ایجنڈے میں اخراجات کو کنٹرول اور ٹیکس بیس کو وسیع کرنا شامل ہے۔
انہوں نے کہاکہ حکومت کا کاروبار میں کوئی کام نہیں ہے، ایک کاروبار دوست ماحول کو یقینی بنانے کے لئے پرعزم ہیں اور ایسا ماحول فراہم کریں گے کہ پرائیویٹ سیکٹر معاشی ترقی کی قیادت کرے۔وزارت خزانہ کے مطابق عالمی بینک کے ایگزیکٹو ڈائریکٹرز نے پاکستان کے اصلاحاتی ایجنڈے کی تعریف کرتے ہوئے کہا کہ اہم معاشی اقدامات سے پاکستان کے اقتصادی ترقی میں نتائج سامنے آرہے ہیں۔انہوں نے کہا کہ پاکستانی حکومت معیشت کے ہر اہم شعبے پر کامیابی کی جانب گامزن ہے، اصلاحاتی عمل کو جاری رکھا گیا تو اقتصادی صورتحال مزیر بہتر ہوگی۔
خیبرپختونخوا کی قیادت کا افغانستان سے فوری مذاکرات پر اتفاق،قومی سطح پر گرینڈ جرگہ بلایا جائے جو بااثر سیاسی و مذہبی شخصیات پر مشتمل ہو،مطالبہ