حیدرآباد:ٹاسک فورس پولیو کا جائزہ اجلاس کی تیاریاں عروج پر
اشاعت کی تاریخ: 19th, February 2025 GMT
حیدرآباد(اسٹاف رپورٹر)ایڈیشنل کمشنر منظور احمد لغاری کی زیر صدارت کمشنر آفس شہباز بلڈنگ حیدرآباد میں ڈویژنل ٹاسک فورس پولیو کا جائزہ اجلاس منعقد ہوا جس میں 20فروری سے شروع ہونے والے12روزہ بگ کیچ اپ روٹین امیونائیزیشن مہم کے مائیکرون پلان کے تحت ڈویژن کے تمام اضلاع کی تیاریوں اور عوامی آگاہی کے بارے میں جائزہ لیاگیا۔اجلاس میں ڈسٹرکٹ پولیس افسران ، عالمی ادارہ برائے صحت کے نمائندگان نے شرکت کی جبکہ ڈویژن کے ڈپٹی کمشنرز اور محکمہ صحت کے افسران نے بذریعہ وڈیو لنک اجلاس میں شرکت کی -اجلاس سے خطاب کرتے ہوئے ایڈیشنل کمشنر منظور احمد لغاری نے کہا کہ ڈویژن کے تمام اضلاع میں( پولیو)بگ کیچ اپ مہم جو کہ 20فروری سے 5مارچ تک جاری رہے گی کے سلسلے میں فیلڈ ویلیڈیشن ، ڈیسک ویلیڈیشن ، سوشل موبلائیزیشن سمیت دیگرتمام امورپرکام شروع کردیا ہے اورڈپٹی کمشنرز نے مہم کو کامیاب بنانے کی یقین دہانی کرائی ہے کہ گزشتہ مہم کی طرح یہ مہم بھی اپنی بہتر کارکردگی کے ذریعے اہداف حاصل کر لے گی -انہوں نے کہا کہ سندھ بھرمیں ماہ جنوری میں پولیو کاصرف ایک کیس ضلعی بدین سے ظاہر ہوا-انہوں نے کہا کہ ڈویژن میں 32ہزار غیر دستیاب بچے اور600 انکاری کیس رپورٹ ہوئے ہیں جس کی وجہ والدین کا ایک سے دوسرے اضلاع میں عارضی طور منتقل ہوجانے کے باعث غیر موجود بچوں کے کیسز کا سامنا کرنا پڑتا ہے جبکہ سوشل مو بلائیزیشن بہتر ہونے سے انکاری کیس کا خاتمہ کیاجاسکتا ہے ۔انہوں نے کہا کہ تعلقہ اوریوسی سطح پر پولیو وائرس کے خاتمے کے حوالے سے آگاہی مہم کی اشد ضرورت ہے جس کی ذمہ داری متعلقہ اضلاع کے ڈپٹی کمشنرز کو سونپی گئی ہے -انہوں نے حیدرآباد کا حوالہ دیتے ہوئے کہا کہ حیدرآباد کی 50یونین کونسلز میں فیلڈ ویلیڈیشن ، ڈیسک ویلیڈیشن اور سوشل موبلائزیشن کی سرگرمیاں مکمل کرلی گئی ہیں جبکہ باقی یونین کونسلز کی سرگرمیاں خوش اسلوبی سے مکمل کرکے ریڈینیس اجلاس طلب کیا جائے گا۔انہوں نے بین الاقوامی ادارہ برائے صحت ڈبلیو ایچ او کے نمائندوں کو آگاہ کیا کہ گزشتہ انسداد پولیو مہم کی ہماری کارکردگی دیگر صوبوں کے مقابلے بہتررہی ہے ،تمام اضلاع میں ویکسینیشن پہنچ چکی ہے اور امیدہے کہ یہ مہم بھی بھرپور کامیاب ہوگی ۔
محرابپور،ٹریفک حادثے میں نوجوان جاں بحق
محراب پور(جسارت نیوز)ٹریفک حادثہ، ایک نوجوان جاں بحق، ساتھی زخمی ہوگیا، حادثہ نوشہرو فیروز پولیس تھانہ کی حدود میں قومی شاہراہ پر بائی پاس کے مقام پر پیش آیا جہاں تیز رفتار مسافر کوچ کی ٹکر لگنے سے موٹر سائیکل سوار نوجوان حاکم باٹ جاں بحق ہوگیا، حادثے میں جاوید باٹ زخمی ہوگیا جسے سول اسپتال نوشہرو فیروز میں ابتدائی طبی امداد بعد نواب شاہ اسپتال منتقل کر دیا گیا ہے، پولیس کے مطابق کوچ ڈرائیور موقع سے فرار ہوگیا۔
ذریعہ: Jasarat News
کلیدی لفظ: نے کہا کہ
پڑھیں:
شہباز حکومت کی پنشنرز پر بھی ٹیکس لگانے کی تیاریاں
اسلام آباد (اُردو پوائنٹ اخبارتازہ ترین۔ 12 اپریل2025ء) شہباز حکومت کی پنشنرز پر بھی ٹیکس لگانے کی تیاریاں، آئندہ مالی سال کے دوران پیٹرول اور ڈیزل پر بھی نیا ٹیکس لگنے کا امکان، ریٹیلرز، ہول سیلرز اور مختلف شعبوں کو بھی ٹیکس نیٹ میں لانے کا فیصلہ۔ تفصیلات کے مطابق پاکستان اور آئی ایم ایف کے درمیان آئندہ مالی سال کے بجٹ پر مذاکرات آئندہ ہفتے شروع ہونے کا امکان ہے تاہم بجٹ میں ریٹیلرز، ہول سیلرز اور مختلف شعبوں کو ٹیکس نیٹ میں لانے کا فیصلہ کیا گیا ہے، زیادہ پنشن لینے والوں کیلئے ٹیکس استثنیٰ ختم کرنے کی تجویز بھی زیر غور ہے۔ ذرائع کے مطابق ان مذاکرات میں بجٹ میں ٹیکس اصلاحات کے حوالے سے آئی ایم ایف کو اعتماد میں لیا جائے گا جس کے تحت اقتصادی زونز کو ٹیکس چھوٹ نہ دینے، پیٹرول و ڈیزل پر کاربن لیوی عائد کرنے اور الیکٹرک گاڑیوں کو مراعات دینے کی تجاویز زیر غور ہیں۔(جاری ہے)
ذرائع کے مطابق آئندہ مالی سال 2025-26 کے بجٹ کیلئے ٹیکس تجاویز پر کام تیزی سے جاری ہے، آئی ایم ایف کے تکنیکی وفد سے مذاکرات آئندہ ہفتے شروع ہونے کا امکان ظاہر کیا جا رہا ہے۔
ذرائع کے مطابق ان مذاکرات میں وزارت خزانہ اور ایف بی آر کے اعلی حکام شریک ہوں گے۔ ذرائع کے مطابق فیصلہ کیا گیا ہے کہ نئے اقتصادی اور ایکسپورٹ پراسسنگ زونز کو ٹیکس مراعات نہیں دی جائیں گی جب کہ موجودہ خصوصی اقتصادی زونز کو حاصل مراعات 2035تک ختم کردی جائیں گی۔ذرائع کے مطابق کلائمیٹ فنانسنگ پروگرام کے تحت پیٹرول اور ڈیزل پر فی لیٹر پانچ روپے کاربن لیوی عائد کرنے کی تجویز دی گئی ہے۔ذرائع نے بتایاہے کہ آئی ایم ایف کے ساتھ کاربن لیوی کی حد اور اس کے نفاذ کے طریقہ کار پر مشاورت کی جائے گی، کاربن لیوی کو اگلے مالی سال کے فنانس ایکٹ کا حصہ بنایا جائے گا۔ذرائع کے مطابق نئے بجٹ میں الیکٹرک گاڑیوں کے استعمال کو فروغ دینے کی تجویز بھی زیر غور ہے، اس حوالے سے ای وی گاڑیوں پر سبسڈی جبکہ دھواں چھوڑنے والی گاڑیوں پر اضافی ٹیکس لگانے کی تجویز دی گئی ہے۔ذرائع نے بتایاہے کہ پانچ سالہ نئی قومی الیکٹرک وہیکل پالیسی متعارف کرانے کی بھی تیاری ہورہی ہے جس کے تحت ملک بھر میں ای وی چارجنگ اسٹیشنز قائم کیے جائیں گے۔ریٹیلرز، ہول سیلرز اور مختلف شعبوں کو ٹیکس نیٹ میں لانے کا فیصلہ کیا گیا ہے جبکہ زیادہ پنشن لینے والوں کیلئے ٹیکس استثنی ختم کرنے کی تجویز بھی زیر غور ہے۔
جڑانوالہ، بس اور رکشہ میں تصادم، ایک ہی خاندان کے 8 افراد سمیت 11 جاں بحق