آگے بڑھنے کیلئے ملک کے اندر سازگار حالات ضروری ہیں، شہباز شریف
اشاعت کی تاریخ: 18th, February 2025 GMT
وزیراعظم شہباز شریف نے کہا ہے کہ آگے بڑھنے کےلیے ملک کے اندر سازگار حالات ضروری ہیں۔
وفاقی کابینہ اجلاس سے گفتگو میں وزیراعظم شہباز شریف نے کہا کہ ترکیہ کے ساتھ تجارت کو بڑھا کر 5 ارب ڈالرز تک لے جائیں گے۔
انہوں نے کہا کہ ترک صدر رجب طیب اردوان کے دورے کے دوران کئی ایم او یوز پر دستخط ہوئے، باہمی تجارتی تعلقات بڑھانے کےلیے کام کررہے ہیں۔
وزیراعظم نے مزید کہا کہ ترکیہ نے ہمیشہ پاکستان کا ساتھ دیا ہے، ہم نے رجب طیب اردوان انٹرچینج کا افتتاح کیا ہے، ابھی 3، 4 ماہ میں بجٹ آئے گا۔
اُن کا کہنا تھا کہ دہشت گردی کا مکمل خاتمہ ہمارا مشن ہے، آگے بڑھنے کےلیے ملک کے اندر سازگار حالات ضروری ہیں، 55 فیصد کاروباری افراد نے گیلپ سروے میں اعتماد کا اظہار کیا ہے۔
شہباز شریف نے یہ بھی کہا کہ ورلڈ بینک کے 9 ڈائریکٹرز آئے تھے، جنہوں نے پاکستان کی معاشی ترقی کےلیے اصلاحات پر اطمینان کا اظہار کیا۔
انہوں نے کہا کہ شہداء کی قربانیاں ہمیں ہمیشہ یاد رکھنی چاہئیں، الحمداللہ عالمی بینک کے وفد نے ملاقات کی اور اصلاحاتی ایجنڈے کی ستائش کی، عالمی بینک کے تعریفی کلمات سن کر بیٹھنا نہیں ہے بلکہ آگے جانا ہے۔
.ذریعہ: Jang News
کلیدی لفظ: شہباز شریف نے کہا کہا کہ
پڑھیں:
دہشت گردی کا خاتمہ ہمارا مشن‘ پاکستان کی ترقی اس کیساتھ جڑی ہے‘ وزیراعظم
اسلام آباد (اے پی پی+ مانیٹرنگ ڈیسک) وزیراعظم شہباز شریف نے کہا ہے کہ دہشت گردی کا مکمل خاتمہ ہمارا مشن ہے، پاکستان کی ترقی اور خوشحالی اس کے ساتھ جڑی ہوئی ہے،حکومت ترکیہ کے ساتھ 5 ارب ڈالر کا باہمی تجارتی ہدف حاصل کرنے کے لئے پرعزم ہیں،وزیراعظم نے ایف ایٹ اسلام آباد میں رجب طیب اردوان انٹرچینج کا افتتاح کر دیا۔ تفصیلات کے مطابق اسلام آباد میں وزیراعظم شہباز شریف نے وفاقی کابینہ سے خطاب کرتے ہوئے کہا کہ پاکستان میں بزنس کے ماحول کے حوالے سے 55 فیصد پاکستانیوں نے اعتماد کا اظہار کیا ہے، اور یہ گیلپ کا سروے ہے، جو کافی معتبر ہے۔ ان کا کہنا تھا کہ یہ خوش آئند بات ہے لیکن ہمیں آگے بڑھنا ہے اور مزید محنت کرنی ہے، تین چار ماہ بعد بجٹ آئے گا، اب ہمیں اڑان پاکستان اور ہمارا ’ہوم گرون‘ ایجنڈا ہے، اس پر فی الفور کام شروع کر دینا چاہیے۔ شہباز شریف نے کہا کہ اگر ہم مل کر شبانہ روز محنت کریں گے تو ہماری معاشی ترقی کا پہیہ بڑی تیزی سے گھومنا شروع ہو جائے گا، یقینا اس کے لیے ملک کے اندر سازگار حالات انتہائی ضروری ہیں، ابھی چند دن قبل لاہور میں ایک شہید لیفٹیننٹ حسن اشرف کا نماز جنازہ ادا کیا۔ ان کا کہنا تھا کہ یہ 21 سال کا نوجوان تھا جس نے خارجی دہشت گردوں کے تعاقب میں وطن کے لیے اپنی جان قربان کر دی لیکن شہادت سے پہلے 6 خوارج کو ہلاک کیا۔ وزیراعظم شہباز شریف نے کہا کہ دہشت گردی کا مکمل خاتمہ ہمارا مشن ہے، پاکستان کی ترقی اور خوشحالی اس کے ساتھ جڑی ہوئی ہے، میں سمجھتا ہوں کہ یہ قربانیاں ہمیں ہمیشہ یاد رکھنی چاہئیں، انہی کی بدولت پاکستان میں امن قائم ہوگا اور پاکستان ضرور ترقی کی راستے پر گامزن ہوگا۔ ان کا کہنا تھا کہ گزشتہ روز عالمی بینک کا وفد مجھے ملا، 9 ڈائریکٹرز آئے ہوئے تھے، انہوں نے پاکستانی کی معاشی اشاریوں کے حوالے سے یک زبان ہو کر ستائش کی، اور انہوں نے کہا کہ عالمی بینک پاکستان کے ریفارم ایجنڈے پر نہ صرف مطمئن ہے بلکہ انہوں نے بڑے شاندار انداز میں تعریف کی۔ شہباز شریف نے مزید کہا کہ ہمیں ان تعریفی کلمات کو سن کر بیٹھنا نہیں ہے بلکہ اسے اور آگے لے کر جانا چاہتا ہے، پاکستان ضرور آگے بڑھے گا۔
اسلام آباد: وزیراعظم شہبازشریف رجب طیب اردوان انٹرچینج کے افتتاح کے موقع پر تقریب سے خطاب کررہے ہیں
جنگ بندی معاہدہ: حماس نے چٹھے مرحلے میں مزید 3 اسرائیلی یرغمالیوں کو رہا کردیا