ہم ٹرانسپورٹرز ٹیکس دیتے ہیں مافیا نہیں ہیں، لیاقت محسود
اشاعت کی تاریخ: 18th, February 2025 GMT
ٹرانسپورٹرر رہنما لیاقت محسود نے کہا ہے کہ ہم ٹرانسپورٹرز ٹیکس دیتے ہیں مافیا نہیں ہیں۔
لیاقت محسود نے ان خیالات کا اظہار شرجیل میمن، صوبائی وزیر داخلہ ضیاء الحسن لنجار، فاروق ستار اور شاہی سید کے ہمراہ پریس کانفرنس میں کیا۔
انہوں نے کہا کہ حکومت اور تمام سیاسی جماعتوں کا شکریہ ادا کرتا ہوں، ہم ٹرانسپورٹرز ٹیکس دیتے ہیں مافیا نہیں ہیں، ہم ملک چلانے والے ہیں ملک کھانے والے نہیں ہیں۔
شاہی سید نے کہا کہ یہ ایک انتظامی وانسانی مسئلہ ہے، غلطیوں کی نشاندہی کی گئی ہے، حادثات میں تمام طبقات اور زبانوں کے لوگ جاں بحق ہوئے۔
اس سے قبل دوران اجلاس وزیر داخلہ سندھ ضیاء الحسن لنجار نے کہا کہ اجلاس کا مقصد تمام اسٹیک ہولڈرز کو اعتماد میں لے کر فیصلے کرنا ہے۔
ذرائع کے مطابق وزیر داخلہ سندھ نے مزید کہا کہ حادثات کی آڑ میں کسی کو قانون کے ساتھ کھلواڑ کرنے نہیں دیں گے،حکومت شرپسند عناصر کے خلاف زیرو ٹالرنس پالیسی پر عمل پیرا ہے۔
.ذریعہ: Jang News
کلیدی لفظ: نہیں ہیں
پڑھیں:
ٹیکس نظام کو انتہائی سادہ بنانے جا رہے ہیں: محمد اورنگزیب
وفاقی وزیرِ خزانہ محمد اورنگزیب—فائل فوٹووفاقی وزیرِ خزانہ محمد اورنگزیب کا کہنا ہے کہ نتخواہ دار طبقے پر ٹیکس کو بخوبی سمجھتا ہوں، ٹیکس نظام کو انتہائی سادہ بنانے جا رہے ہیں۔
لاہور میں میڈیا سے گفتگو کرتے ہوئے انہوں نے کہا کہ ایسا طبقہ جس کی جائیداد یہاں ہے نہ وہاں اس کو بھی پیچیدہ ٹیکس نظام میں الجھایا ہوا ہے۔
محمد اورنگزیب کا کہنا ہے کہ اگر ہم رشوت لے رہے ہیں تو کوئی ہمیں رشوت دے رہا ہے، آپ سے درخواست ہے کہ آپ رشوت دینا بند کر دیں، وزیرِ اعظم اس ہم مسئلے پر سنجیدہ ہیں۔
وفاقی وزیرِ خزانہ محمد اورنگزیب کا کہنا ہے کہ ہم صحیح سمت میں جا رہے ہیں، طویل سفر باقی ہے۔
وفاقی وزیر نے کہا کہ حوصلہ کریں اور رشوت خوروں کی باتوں میں نہ آئیں، کسٹمز میں فیس لیس ٹیکنالوجی متعارف کرائی گئی، مقصدہے چوری یا رشوت بازاری نہ ہو سکے۔
ان کا کہنا ہے کہ تاجروں کے جائز مسائل کو ترجیحی بنیادوں پر حل کریں گے، صنعت کی ترقی ملکی ترقی کا باعث ہے، معاشی استحکام کے لیے اپنی درست سمت کا تعین کرنا ضروری ہوتا ہے، ہمیں صنعتی ترقی کے لیے مل کر کام کرنا ہو گا۔
محمد اورنگزیب نے کہا کہ ملک میں معاشی استحکام کے لیے کام کر رہے ہیں، سرمایہ کاروں کو سہولتوں کی فراہمی یقینی بنا رہے ہیں، مہنگائی کی شرح میں کمی ہو رہی ہے، پالیسی ریٹ میں کمی سے کاروبار میں استحکام آ رہا ہے۔
انہوں نے کہا کہ انڈسٹری کی ترقی کے لیے مل کر کام کرنا ہو گا، ہمارا اصل مقصد عام آدمی کو فائدہ پہنچانا ہے، ہم عوام کے خدمت گزار ہیں، معاشی استحکام کے لیے مہنگائی کا کم ہونا لازمی تھا، عام آدمی کی آسانی کے لیے کام کر رہے ہیں۔
وزیرِ خزانہ کا کہنا ہے کہ ہر ہفتے اشیائے خورونوش کی قیمتوں کا جائزہ لیا جارہا ہے، اسٹاک مارکیٹ اوپر نیچے ہوتی رہے گی، اسٹاک مارکیٹ اوپر نیچے ہونے میں کچھ وجوہات بیرونی ہیں، ہمیں دیکھنا ہے کہ ہم صحیح سمت میں چل رہے ہیں یا نہیں؟2028ء کے بعد ہماری ایکسپورٹ میں اضافہ ہو گا۔
وفاقی وزیر نے مزید کہا کہ پالیسی ریٹ میں کمی سے کاروبار میں استحکام آرہا ہے، مہنگائی کی شرح کم ہوئی ہے، ہر سیکٹر کو برآمدات کرنا ہوں گی، ہم درست سمت کی جانب گامزن ہیں۔
ان کا یہ بھی کہنا ہے کہ ریکوڈک کا ایک پروجیکٹ بہت اہم ہے، بلوچستان میں ریکوڈک پروجیکٹ ہمارا خواب ہے۔
ماہر پائلٹ کی برازیل میں مصروف ہائی وے پر لینڈنگ، ویڈیو دیکھیں