روہت شرما کی کپتانی خطرے میں پڑگئی، نیا کپتان کون ہوگا؟
اشاعت کی تاریخ: 18th, February 2025 GMT
دبئی(سپورٹس ڈیسک)بھارتی کرکٹ ٹیم کا طویل عرصے تک ٹیسٹ فارمیٹ میں سربراہی کرنے والے روہت شرما کا بطور ٹیسٹ کپتان کیرئر ختم ہونے کے قریب ہے اور حال ہی میں ٹیسٹ میچز میں بھارت کی مایوس کن کارکردگی کے بعد روہت کی آئندہ بطور کپتان شمولیت پر خطرے میں پڑ گئی ہے۔
بھارتی کرکٹ ٹیم کی جانب سے روہت شرما کے بعد جسپریت بمراہ کو بطور ٹیسٹ کپتان ذمہ داریاں سونپنے کی تیاریاں ہورہی ہیں۔
بھارتی میڈیا کی رپورٹس کے مطابق پاکستان کی میزبانی میں ہونے والی چیمپیئنز ٹرافی میں جسپریت بمراہ کی عدم شرکت کی وجہ بھی انہیں جون میں انگلینڈ کے ساتھ ٹیسٹ سیریز کی سربراہی کی ذمہ داریوں کے لیے تیار رکھنا ہے۔
بھارتی میڈیا کے مطابق جسپریت بمراہ حال ہی میں ایک انجری کا شکار ہوگئے تھے تاہم اب ریکوری کے بعد بھی انہیں احتیاطاً چیمیئنز ٹرافی کے لیے ترتیب دیے گئے اسکواڈ میں شامل نہیں کیا گیا تاکہ وہ آئندہ ٹیسٹ میچز کے لیے مکمل طور پر تیار رہے۔
روہت شرما کی سال 2024 میں بطور کھلاڑی اور ٹیسٹ کپتان کارکردگی مایوس کن رہی اور ان کی سربراہی میں بھارتی ٹیم کو 6 ٹیسٹ میچز میں شکست کا سامنا کرنا پڑا جن میں ہوم گراونڈ پر نیوزی لینڈ کے خلاف وائٹ واش بھی شامل تھا۔
قبل ازیں بھارت کے موجودہ کپتان روہت شرما کو آئندہ ٹیسٹ اسکواڈ میں شامل کرنے پر غور نہیں کیا جائے گا، اس بات کا انکشاف بی سی سی آئی آفیشل نے کیا۔
خبر رساں ایجنسی کی رپورٹ میں بتایا گیا ہے کہ موجودہ بھارتی کپتان روہت شرما کو ٹیسٹ میچز میں مزید شامل کیے جانے کا امکان نہیں ہے، اس وقت جسپریت بمراہ جو نامزد ٹیسٹ نائب کپتان ہیں اس سال جون جولائی میں دورہ انگلینڈ میں قیادت کے فرائض سنبھالیں گے۔
مزیدپڑھیں:ہیکرز کی جانب سے مختلف براؤزر ایکسٹینشنز پر سائبر حملوں کا انکشاف
ذریعہ: Daily Ausaf
کلیدی لفظ: جسپریت بمراہ ٹیسٹ میچز روہت شرما
پڑھیں:
کراچی چیمبرمیں تاجروں اور عوام الناس کیلئے مفت میڈیکل کیمپ
کراچی(کامرس رپورٹر)کراچی چیمبر آف کامرس اینڈ انڈسٹری (کے سی سی آئی) نے اپنے ممبران اورکمیونٹی کی وسیع تر خدمت کے لیے ڈاکٹر عیسیٰ لیبارٹری اینڈ ڈائیگنوسٹک سینٹر، المصطفیٰ ویلفیئر ٹرسٹ، خادم انسانیت اور پاکستان آئی بینک سوسائٹی کے اشتراک سے کے سی سی آئی میں مفت طبی کیمپ کا انعقاد کیا۔اس ایونٹ میں کے سی سی آئی کے ممبران اور مختلف شعبہ ہائے زندگی سے تعلق رکھنے والے افراد کی کثیر تعداد نے شرکت کی جو اس اقدام کے مثبت اثرات کی عکاسی کرتی ہے۔کیمپ میں بلڈ شوگر، کولیسٹرول، ہڈیوں سے متعلق ٹیسٹ اور سی بی سی ٹیسٹ سمیت بنیادی صحت کی خدمات فراہم کی گئیں نیز ماہر جنرل فزیشنز اورڈرمیٹالوجسٹ نے مفت مشاورت بھی فراہم کی۔کے سی سی آئی کے صدر محمد جاوید بلوانی، سینئر نائب صدر ضیاء العارفین ، نائب صدر فیصل خلیل احمد، ایجوکیشن اینڈ ویلفیئر سب کمیٹی کے چیئرمین فرحان اشرفی اور منیجنگ کمیٹی کے اراکین نے بھی کیمپ کا دورہ کیا۔ صدر کے سی سی آئی محمد جاوید بلوانی نے ڈاکٹر عیسیٰ لیبارٹری اینڈ ڈائیگنوسٹک سینٹر، المصطفیٰ ویلفیئر ٹرسٹ، خادم انسانیت اور پاکستان آئی بینک سوسائٹی کے ساتھ اشتراک کو سراہا جس کی بدولت کامیابی کے ساتھ مفت میڈیکل کیمپ کا انعقاد ممکن ہوا۔
جشن بہاراں فیسٹیول،ڈپٹی کمشنر کی زیر صدارت اجلاس،انتظامات کا جائزہ