چین کے اسنو گاؤں میں جعلی برفباری نے سیاحوں کو ناراض کردیا
اشاعت کی تاریخ: 18th, February 2025 GMT
چین کے ایک سیاحتی گاؤں جو برفیلے مناظر کے لیے جانا جاتا ہے ، نے غیر متوقع گرم موسم کے دوران جعلی برفباری دکھانے پر سیاحوں سے معذرت کرلی ہے۔
چینی صوبے سیچوان کے گاؤں چینگدو میں نئے قمری سال کی تعطیل کے دوران موسم غیر معمولی طور پر گرم رہا، یعنی برفباری نہیں ہوئی، دوسری طرف سیاحوں کو امید تھی کہ وہ جنوری میں اس سیاحتی شہر میں برفباری سے لطف اندوز ہوں گے۔
یہ بھی پڑھیں: کیاہمالیائی گلیشیئرز 2100ء تک 75فیصد پگھل جائیں گے؟
برفباری نہ ہونے پر چینگدو کی انتظامیہ نے کاٹن اور صابن کا استعمال کرتے ہوئے مصنوعی برفباری دکھائی اور اس کی ویڈیو اور تصاویر سوشل میڈیا پر شیئر کی، جس پر سیاحوں نے ناراضی کا اظہار کیا ہے۔
آن لائن تصاویر میں روئی کی اون کی بڑی شیٹ دکھائی گئی ہیں جو زمین اور مکانات کی چھتوں پر پھیلی ہوئی ہیں، لیکن گاؤں نے انکشاف نہیں کیا کہ یہ حقیقی برف نہیں تھی، دوسری طرف سیاحوں کو لگا کہ یہ حقیقی برفباری ہے۔
ایک سوشل میڈیا صارفین نے گاؤں کے اس منظر پر تنقید کرتے ہوئے لکھا کہ برف کے بغیر برفیلا گاؤں۔
یہ بھی پڑھیں: بارشوں اور برف باری میں کمی، کیا بلوچستان میں خشک سالی ہوسکتی ہے؟
چینی سوشل میڈیا ایپ وی چیٹ پر گاؤں کے منتظمین نے لکھا کہ وہ معذرت خواہ ہیں، چینگدو اسنو ولیج پروجیکٹ نے لکھا ’ برفیلا ماحول پیدا کرنے کے لیے سیاحوں کے گاؤں نے برف کے لیے روئی خریدی، لیکن سیاحوں نے متوقع اثر حاصل نہیں کیا اور سیاحوں نے ناراضگی کا اظہار کیا۔‘
دوسری طرف چین کے موسمی بیورو نے خبردار کیا ہے کہ چین کو موسمیاتی تبدیلیوں کے نتیجے میں لمبی گرمی کی لہر کا سامنا کرنا پڑتا ہے اور ملک میں غیر متوقع طور پر تیز بارش بھی ہوسکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسنو گاؤں جعلی برفباری چین چینگدو سیچوان.ذریعہ: WE News
کلیدی لفظ: اسنو گاؤں جعلی برفباری چین چینگدو کے لیے
پڑھیں:
سوناکشی سنہا نے اپنے مسلم شوہر کی تضحیک کرنے والے کا دماغ درست کردیا
سوناکشی سنہا کی اپنے مسلمان شوہر ظہیر اقبال سے محبت کسی سے ڈھکی چھپی نہیں اور وہ سوشل میڈیا پر اپنے شوہر کے بارے میں کوئی منفی کمنٹ برداشت نہیں کرتیں۔
بھارتی فلم انڈسٹری کے سپر اسٹار شتروگھن سنہا کی بیٹی سوناکشی سنہا نے ایک مسلمان لڑکے سے محبت کی شادی کی ہے لیکن یہ انتہاپسند ہندوؤں کو بالکل پسند نہ آیا۔
بھارتی انتہاپسند اپنے نفرت آمیز جذبات کا اظہار سوشل میڈیا پر وقتاً فوقتاً کرتے رہتے ہیں اور شادی کو کافی عرصہ گزرنے جانے کے باوجود یہ سلسلہ اب بھی جاری ہے۔
حال ہی میں سوناکشی سنہا نے اپنے شوہر ظہیر اقبال کے ساتھ تصویر شیئر کی جس پر اپنی فطرت سے مجبور انتہاپسندوں نے منفی کمنٹس کیے۔
ایسے ہی ایک سنی کمار نامی صارف نے پوسٹ پر لکھا کہ امید نہیں تھی اس پاگل شخص سے شادی کرو گی۔
سوناکشی سنہا کو اپنے شوہر ظہیر اقبال کی تضحیک ایک آنکھ نہ بھائی اور انھوں نے اس صارف کو منہ توڑ جواب دیا۔
سوناکشی سنہا نے کہا کہ "ابے تو ہے کون؟ جو تیری امید کے مطابق اپنی زندگی گزاروں؟ بے روزگار، چل بھاگ یہاں سے۔
خیال رہے کہ یہ پہلی بار نہیں جب سوناکشی نے کسی انتہاپسند کو ظہیر اقبال سے متعلق منفی کمنٹ پر کرارا جواب دیا ہو۔
اس سے قبل بھی سوناکشی سنہا نے بارہا یہ بات واضح کرچکی ہیں کہ لوگوں کو اپنے کام سے کام رکھنا چاہیے اور دوسروں کی نجی زندگی میں جھانکنا بند کردینا چاہیے۔
بھارتی وزیر نے سرینگر کے باغ گل ولالہ کی سیر کر کے مسلمانوں کی بے بسی کا جشن منایا، محبوبہ مفتی