بولیویا: بس کھائی میں گرنے سے 30 افراد ہلاک
اشاعت کی تاریخ: 18th, February 2025 GMT
بولیویا کے جنوبی شہر یوکلا میں مسافر بس کھائی میں جاگری جس کے نیتجے میں 30 افراد جاں بحق ہوگئے۔
بین الاقوامی میڈیا کے مطابق حادثہ جنوبی شہر یوکلا میں پیش آیا، بس ڈرائیور سفر کے دوران کنٹرول کھو بیٹھا، جس کے باعث بس ایک چٹان سے تقریباً 800 میٹر نیچے گر گئی جس کے نیتجے میں حادثے میں 30 افراد جاں بحق ہوگئے جبکہ درجنوں زخمی ہوگئے۔
پولیس کے مطابق لاشوں اور زخمیوں کو اسپتال منتقل کردیا گیا ہے جبکہ زخمیوں میں سے 4 کی حالت نازک ہونے کے باعث ہلاکتوں میں اضافے کا خدشہ ظاہر کیا جا رہا ہے۔
پولیس حکام کا کہنا ہے کہ ممکن ہے مسافر بس کی رفتار بہت تیز تھی جس کی وجہ سے یہ افسوس ناک حادثہ پیش آیا۔
دوسری جانب رپورٹ کے مطابق جس جگہ بس حادثہ پیش آیا وہاں کی سڑک انتہائی خراب اور خستہ حالت تھی۔
.
ذریعہ: Al Qamar Online
پڑھیں:
گردن پر 270 کلو وزنی راڈ گرنے سے بھارتی گولڈ میڈلسٹ ایتھلیٹ ہلاک
بھارت(نیوز ڈیسک)بھارت میں پاور لفٹنگ کے دوران گردن پر 270 کلو وزنی راڈ گرنے سے بھارتی گولڈ میڈلسٹ ایتھلیٹ ہلاک ہوگئیں۔بھارتی میڈیا کی رپورٹس کے مطابق ریاست راجستھان کے بیکانیر میں ایک 17 سالہ پاور لفٹر یشتیکا اچاریہ کی جم میں لفٹنگ کے دوران حادثے میں موت واقعع ہو گئی۔ وہ جونیئر نیشنل گیمز میں گولڈ میڈل جیتنے والی خاتون ایتھلیٹ تھیں۔
پریکٹس کے دوران 270 کلو گرام وزنی راڈ ان کی گردن پر گری جو ان کے لیے جان لیوا ثابت ہوئی۔رپورٹ کے مطابق حادثے کے فوراً بعد اچاریہ کو اسپتال لے جایا گیا، جہاں ڈاکٹروں نے انہیں مردہ قرار دے دیا۔ خاتون ایتھلیٹ کے مینیجر تیواری نے بتایا کہ حادثہ اس وقت پیش آیا جب ٹرینر جم میں یشتیکا اچاریہ کو وزنی راڈ اٹھانے میں ان کی مدد کر رہے تھے تاہم راڈ اتنی بھاری تھی جو ان سے برداسشت نہ ہوسکی۔ حادثے میں ٹرینر کو بھی معمولی چوٹیں آئیں۔رپورٹ میں بتایا گیا کہ اہل خانہ نے اس سلسلے میں کوئی مقدمہ درج نہیں کیا ہے۔ بدھ کو پوسٹ مارٹم کے بعد لاش لواحقین کے حوالے کر دی گئی۔
پاور لفٹنگ ایک خطرناک کھیل ہے جس میں تین لفٹوں پر زیادہ سے زیادہ وزن اٹھانے کی تین کوششیں کی جاتی ہیں جن میں اسکواٹ، بینچ پریس، اور ڈیڈ لفٹ شامل ہیں تاہم یہ کھیل اولمپکس کا حصہ نہیں ہے۔بھارتی ایتھلیٹ یشتیکا نے اپنے مختصر کیریئر میں کئی کامیابیاں حاصل کیں۔ ان کی موت سے کھیلوں کے شعبوں میں سوگ کی لہر دوڑ گئی ہے، واقعے کی ویڈیو بھی سوشل میڈیا پر وائرل ہو رہی ہے۔
کھیلوں میں جان لیوا حادثات اکثر رونما ہوجاتے ہیں، اس کی ایک مثال 2014 میں آسٹریلوی کرکٹر فلپ ہیوز کی موت ہے، جو میچ کے دوران چہرے پر گیند لگنے سے ہلاک ہو گئے تھے۔
لیبیا میں انسانی اسمگلرز کے ٹھکانوں پر چھاپے، 2 اجتماعی قبروں سے 93 لاشیں برآمد
ڈونلڈ ٹرمپ کا ٹک ٹاک پر پابندی کی مدت میں دوسری بار توسیع دینے کا عندیہ