پی ٹی آئی کا رمضان کے بعد احتجاج کا اعلان
اشاعت کی تاریخ: 18th, February 2025 GMT
پاکستان تحریک انصاف (پی ٹی آئی) کے رہنما سلمان اکرم راجہ نے رمضان کے بعد احتجاج اور سڑکوں پر آنے کا اعلان کر دیا۔
اڈیالہ جیل جانے سے روکنے کے بعد میڈیا سے گفتگو میں سلمان اکرم راجہ نے کہا کہ ہمیں اڈیالہ جیل جانے سے روکنا قیدی کے حقوق کی خلاف ورزی ہے، ہمارے پاس انسداد دہشت گردی عدالت کا حکم نامہ موجود ہے، یہ توہین عدالت اور بنیادی حقوق کے بھی خلاف ہے۔
ان کا کہنا ہے کہ ہمیں ابھی کہا گیا ہے آپ رکیں، جانے کا نہیں بتایا گیا، کوئی کام بھی منصوبہ بندی کے بغیر نہیں کیا جاسکتا، اڈیالہ جیل میں جاری ٹرائلز کی لمبی تاریخیں ڈالی گئیں جس پر خدشات ہیں۔
تحریک انصاف کے رہنما سلمان اکرم راجہ نے کہا ہے کہ جو ملک کو جوڑ سکتے تھے انہیں توڑا گیا، لوگوں نے ووٹ کاسٹ کیا، پہلے دھاندلی فریقین کرواتے تھے۔
پی ٹی آئی کے وکیل نے کہا بانئ پی ٹی آئی کے تمام مقدمات 2 دن پہلے تعینات ججز کو دے دیے گئے، 2 دن پہلے تعینات ججز کو مقدمات دینا بھی منصوبہ بندی سے کیا گیا، اسلام آباد میں ججز کی تعیناتیاں بھی منصوبہ بندی سے کی گئیں، دھونس کا نظام چل رہا ہے یہ سب عوام کے سامنے ہے۔
سلمان اکرم راجہ نے مزید کہا 26ویں ترمیم میں پارٹی پالیسی کے خلاف ووٹ دینے والوں کو نکالنے کا ایک طریقہ ہے، کچھ لوگوں کے جواب آگئے ہیں، ان لوگوں کو نکالنے کا بانئ پی ٹی آئی کا پیغام ملا ہے، ہم بانی سے ملنا چاہتے ہیں۔
پی ٹی آئی رہنما نے کہا کہ فواد چوہدری تحریک انصاف میں نہیں ہیں، شعیب شاہین اور فواد چوہدری کی لڑائی بنیادی انسانی طرز عمل کا معاملہ ہے، دونوں کی لڑائی سے متعلق ایف آئی آر بھی کٹنی چاہیے۔
.ذریعہ: Jang News
کلیدی لفظ: سلمان اکرم راجہ نے پی ٹی ا ئی
پڑھیں:
ایمل ولی خان نے جنید اکبر کے احتجاج کے اعلان کو ڈرامہ قرار دے دیا
ویب ڈیسک : عوامی نیشنل پارٹی کے صوبائی صدر ایمل ولی خان نے جنید اکبر کے احتجاج کے اعلان کو ڈرامہ قرار دیدیا۔
عوامی نیشنل پارٹی کے صوبائی صدر ایمل ولی خان نے جنید اکبر کے احتجاج کے اعلان کو ڈرامہ قراردیتے ہوئے کہا کہ تحریک انصاف کے منتخب ارکان ایفڈیویٹ دیکر پاس ہوئے ہیں، اگر یہ مائنز اینڈ منرلز ایکٹ کے خلاف ہوتے تو وزیر اعلیٰ بل پیش نہ کرواتے۔ میں تو پہلے دن سے کہتا ہوں انکی اتنی اوقات نہیں ہے۔ انھوں نے کہا کہ ہم آج انقلابی بننے والے ہیں، انگریزوں کے ساتھ ہمارا کوئی مسئلہ نہیں تھا، انگریزوں سے جنگ وسائل کی تھی، آج پھر ایک شکل میں ون یونٹ بن رہا ہے۔ اٹھارویں ترمیم پختون قوم کے لئے بزرگوں کا تحفہ ہے، آج اس چال سے واضح ہے اے این پی پر کیوں خودکش حملے ہوئے، ہم پر دھماکے ہوتے تھے، فتوے لگتے تھے، ڈالر بھی آتے تھے۔ آج میں اے این پی اور ورکرز کے لئے سخت ترین راستہ چُن رہا ہوں، آج میں قوم کے بچوں کے لئے تحریک کا اعلان کرتا ہوں، مائینز اینڈ منرلز بل کا لانا ہماری لڑائی کو تیز کرنا ہے، ٹرمپ کی بھی منرلز میں دلچسپی ہے۔
حکومت کا مقصد پائیدار سرمایہ کاری پر مبنی، برآمدات کو فروغ دینے والی اقتصادی ترقی کو یقینی بنانا ہے؛ وزیر خزانہ
ایمل ولی خان کا کہنا تھا کہ ہماری لڑائی 18 ویں ترمیم پر من وعن عمل تک جاری رہیگی، ہم ایکٹ کی واپسی کا مطالبہ کرتے ہیں۔
نائب تحصیل دار کی گاڑی پر بارودی مواد کا دھماکہ