بھارت اور قطر کے مابین اسٹریٹجک پارٹنرشپ معاہدے پر دستخط
اشاعت کی تاریخ: 18th, February 2025 GMT
اسلام آباد (اُردو پوائنٹ ۔ DW اردو۔ 18 فروری 2025ء) بھارتی وزیر اعظم نریندر مودی اور قطر کے امیر کے درمیان منگل اٹھارہ فروری کو ہونے والی بات چیت کے دوران کئی دوطرفہ مسائل پر تبادلہ خیال کیا گیا۔ قطر کے امیر شیخ تمیم بن حمد الثانی پیر کی رات کو بھارت کے دورے پر نئی دہلی پہنچے تھے۔
وزیر اعظم مودی نے پروٹوکول کی درکنار کرتے ہوئے ہوائی اڈے پر جاکر قطر کے امیر شیخ تمیم بن احمد الثانی کا خیرمقدم کیا تھا۔
بھارتی بحریہ کے اہلکاروں کو شاہ رخ خان نےقطر سے رہائی دلائی؟
قطر کے امیر شیخ تمیم بن احمد الثانی اور بھارتی وزیر اعظم نریندر مودی کی موجودگی میں منگل کے روز نئی دہلی میں کئی معاہدوں پر دستخط کیے گئے اور دونوں میں کئی اہم دستاویزات کا تبادلہ ہوا۔
(جاری ہے)
قطر کے امیر دو روزہ سرکاری دورے پر پیر کی رات کو نئی دہلی پہنچے تھے، جس کے حوالے سے بھارتی وزارت خارجہ نے ایک بیان میں کہا کہ ان کا دورہ "ہماری بڑھتی ہوئی کثیر جہتی شراکت داری کو مزید رفتار فراہم کرے گا۔
"قطر: جاسوسی کے الزام میں قید بھارتی بحریہ کے سابق اہلکار رہا
دونوں رہنماؤں کے درمیان ملاقات کے بعد نئی دہلی میں وزارت خارجہ کے ترجمان رندھیر جیسوال نے ایک بیان میں کہا، "دونوں رہنماؤں نے تجارت، توانائی، سرمایہ کاری، اختراعات، ٹیکنالوجی، خوراک کی حفاظت، ثقافت اور عوام کے درمیان تعلقات پر توجہ مرکوز کرتے ہوئے، بھارت-قطر تعلقات کو اسٹریٹجک پارٹنرشپ تک بڑھانے کا فیصلہ کیا ہے۔
انہوں نے باہمی دلچسپی کے علاقائی اور عالمی مسائل پر بھی تبادلہ خیال کیا۔"بھارت: قطر میں سزائے موت منسوخ لیکن اہل خانہ پھر بھی ناراض
بھارت اور قطر کے درمیان آمدن پر ٹیکس کے حوالے سے دوہرے ٹیکس سے بچنے اور مالی چوری کی روک تھام کے لیے ایک نظرثانی شدہ معاہدے کا بھی تبادلہ کیا گیا ہے۔
اس کا اعلان حیدرآباد ہاؤس میں منعقدہ تقریب کے دوران کیا گیا اور قطر کے وزیر اعظم اور بھارتی وزیر خزانہ نرملا سیتا رمن نے اس معاہدے کا تبادلہ کیا۔
مودی نے شیخ تمیم کا استقبال کیاگزشتہ شب جب قطر کے امیر نئی دہلی پہنچے تو بھارتی صدر دروپدی مرمو اور وزیر اعظم نریندر مودی سمیت ان کی حکومت کے کئی سینیئر وزراء نے ان کا استقبال کیا تھا۔
قطر نے بھارتی بحریہ کے سابق آٹھ اہلکاروں کی سزائے موت میں کمی کر دی
مودی نے اس حوالے سے سوشل میڈیا پر اپنے ایک پیغام میں لکھا، "میں اپنے بھائی قطر کے امیر شیخ تمیم بن احمد الثانی کے استقبال کے لیے ہوائی اڈے پر گیا تھا۔
ان کے بھارت میں نتیجہ خیز قیام کی خواہش ہے۔"قطری امیر کے ساتھ ایک اعلیٰ سطحی وفد بھی ہے جس میں وزراء، اعلیٰ حکام اور تجارتی وفد بھی شامل ہیں۔ اس سے قبل قطر کے امیر نے مارچ 2015 میں بھارت کا سرکاری دورہ کیا تھا۔
'جاسوسوں' کو سزائے موت پر بھارت اور قطر کے تعلقات کشیدہ
بھارتی حکام کے مطابق قطر کے امیر کا دورہ دونوں ممالک کے درمیان بڑھتی ہوئی کثیر جہتی شراکت داری کو مزید تقویت فراہم کرے گا۔
.ذریعہ: UrduPoint
کلیدی لفظ: تلاش کیجئے قطر کے امیر شیخ تمیم بن اور قطر کے کے درمیان نئی دہلی
پڑھیں:
بھارت, وقف ترمیمی بل کے خلاف جھارکھنڈ میں احتجاجی مظاہرہ
مظاہرے سے خطاب کرتے ہوئے سابق وزیر متھلیش ٹھاکر نے کہا کہ مسلمانوں کو وقف املاک پر آئینی حقوق حاصل ہیں۔ اس بل کے ذریعے حکومت آئین کے اصولوں کو تباہ کر رہی ہے۔ اسلام ٹائمز۔ بھارتی حکومت کی طرف سے منظور کئے گئے وقف ترمیمی بل کے خلاف آج ریاست جھارکھنڈ میں اقلیتی حقوق فورم کی قیادت میں ایک زبردست احتجاجی مظاہرہ کیا گیا۔ ذرائع کے مطابق ضلع گھڑوا میں مسلم کمیونٹی کے ہزاروں لوگ سڑکوں پر نکل آئے اور پرامن جلوس نکال کر بھارتی حکومت کی پالیسیوں کے خلاف اپنے غم و غصے کا اظہار کیا۔ اس دوران سابق وزیر متھلیش ٹھاکر بھی مظاہرین کے ساتھ موجود تھے۔مظاہرین نے ماجھیاں موڑ سے ٹائون ہال گرانڈ تک مارچ کیا جہاں ایک جلسہ عام منعقد کیا گیا۔ اس موقع پر مقررین نے کہا کہ بھارتی حکومت اقلیتوں کے مذہبی اور تاریخی حقوق سلب کر رہی ہے۔ سابق وزیر متھلیش ٹھاکر نے کہا کہ مسلمانوں کو وقف املاک پر آئینی حقوق حاصل ہیں۔ اس بل کے ذریعے حکومت آئین کے اصولوں کو تباہ کر رہی ہے۔ انہوں نے خبردار کیا کہ اگر بل واپس نہ لیا گیا تو تحریک ملک گیر شکل اختیار کرے گی۔ انہوں نے کہا کہ یہ صرف وقف املاک کا معاملہ نہیں بلکہ بھارتی حکومت آہستہ آہستہ ہر مذہب کی خودمختاری کو ختم کرنے کی کوشش کر رہی ہے اور ہمیں ہوشیار رہنے کی ضرورت ہے۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا