ایف آئی اے کی کارروائی؛ افغان شہری کی غیرقانونی دستاویزات پر برازیل جانے کی کوشش ناکام
اشاعت کی تاریخ: 18th, February 2025 GMT
ایف آئی اے امیگریشن نےکراچی ایئرپورٹ پر کارروائی کرتے ہوئے افغان شہری کی غیرقانونی اور مشکوک دستاویزات پر برازیل جانے کی کوشش ناکام بنا دی۔
ترجمان ایف آئی اے کے مطابق افغان شہری امر الدین حاکمی نامی شہری کو آف لوڈ کیا گیا۔ افغان شہری قازقستان کے پاسپورٹ پر برازیل جا رہا تھا۔ امیگریشن کلیئرنس کے دوران مسافر کی دستاویزات کو مشکوک پایا گیا۔ مسافر کے پاسپورٹ پر امیگریشن کی انٹری اسٹیمپ موجود نہیں تھی۔
ابتدائی تفتیش کے مطابق مسافر نے طورخم بارڈر کے راستے غیرقانونی طور پر پاکستان میں داخل ہونے کا انکشاف کیا۔ آئی بی ایم ایس ریکارڈ کے مطابق بھی مسافر کی پاکستان آمد کے حوالے سے کوئی ہسٹری نہیں پائی گئی۔ سکینڈ لائن آفس کے تجزیے کے مطابق مسافر کے پاسپورٹ پر ضروری سیکورٹی فیچر بھی غائب تھے۔ افغان شہری کو گرفتار کرکے انسداد انسانی اسمگلنگ یونٹ کراچی منتقل کردیا گیا۔
ایف آئی اے ترجمان کے مطابق ایک اور کاروائی میں سینیگال میں انسانی اسمگلنگ کا شکار ہونے والے شہری محمد سعید سے پوچھ گچھ جاری ہے۔ مسافر سینیگال سے کراچی براستہ ایتھوپیا ایمرجنسی پاسپورٹ پر پہنچا۔
ابتدائی تفتیش کے مطابق مسافر وزٹ ویزے پر سینیگال گیا تھا۔ مسافر نے سینیگال میں 4 ماہ گزارے۔ مسافر نوید احمد عرف چوہدری تیمور نامی ایجنٹ سے رابطے میں تھا۔ ملزم نے 45 لاکھ روپے کے عوض مسافر کو اسپین بھیجنے کے معاملات طے کیے تاہم سینیگال پہنچنے پر مرزا احسن نامی ایجنٹ نے مسافر سے پاسپورٹ چھین لیا۔
مذکورہ ایجنٹوں نے مسافر کو غیر قانونی طور پر سمندر کے ذریعے یورپ بھجوانے کی کوشش کی۔ مسافر کو مزید پوچھ گچھ اور ایجنٹوں کی نشاندہی کے لیے انسدادِ انسانی اسمگلنگ سرکل کراچی منتقل کر دیا گیا۔ مزید تفتیش جاری ہے۔
.ذریعہ: Express News
کلیدی لفظ: افغان شہری پاسپورٹ پر ایف آئی اے کے مطابق
پڑھیں:
بھمبر: لائن آف کنٹرول پر بھارتی جاسوسی ناکام، پاک فوج نے کواڈ کاپٹر مار گرایا
پاک فوج نے لائن آف کنٹرول (ایل او سی) پر بھارتی جاسوسی کی ایک اور کوشش کو ناکام بناتے ہوئے مناور سیکٹر میں بھارتی کواڈ کاپٹر مار گرایا ہے۔
سیکیورٹی ذرائع کے مطابق دشمن نے بھمبر کے علاقے مناور سیکٹر میں فضائی حدود کی خلاف ورزی کرتے ہوئے کواڈ کاپٹر کے ذریعے جاسوسی کی کوشش کی، تاہم پاک فوج کی مستعد اور بروقت کارروائی سے یہ مذموم کوشش ناکام بنا دی گئی۔
مزید پڑھیں: پہلگام فالس فلیگ آپریشن: مقبوضہ کشمیر نے مودی کی پالیسیوں کو ٹھکرا دیا
یہ کارروائی افواجِ پاکستان کی پیشہ ورانہ مہارت، دفاعی تیاری اور چوکس نگرانی کا منہ بولتا ثبوت ہے۔ دشمن کو واضح پیغام دیا گیا ہے کہ ہر قسم کی جارحیت کا فوری اور مؤثر جواب دیا جائے گا۔
سیکیورٹی ذرائع نے مزید کہا کہ پاک فوج اپنی سرزمین کے دفاع کے لیے مکمل تیار ہے اور پوری قوم اپنی افواج کے شانہ بشانہ دشمن کو ہر محاذ پر منہ توڑ جواب دینے کے لیے پرعزم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت پاک فوج جاسوسی کواڈ کاپٹر لائن آف کنٹرول
پنجاب کابینہ کے 25ویں اجلاس میں کیا اہم فیصلے کیے گئے؟