عمران خان کے آرمی چیف کو مبینہ خط پر شاہد خاقان عباسی بھی بول پڑے
اشاعت کی تاریخ: 18th, February 2025 GMT
اسلام آباد (آئی این پی )سابق وزیر اعظم شاہد خاقان عباسی نے کہا ہے کہ آج سیاست ایک گالی اور دھبہ بن گئی ہے اس کو ختم کرنا چاہئے،لوگ سیاستدانوں کے بارے میں رائے اچھی نہیں رکھتے،بلاول بھٹو مسلم لیگ ن کے ووٹوں کے بغیر وزیراعظم نہیں بن سکتے، آرمی چیف کوخط لکھنے کا مقصد کیا ہے؟اگر آپ نے خط لکھنا ہے تو پاکستان کے عوام کو لکھیں۔
ایک انٹرویو میں انہوں نے کہا کہ سیاست سب اپنی اپنی کریں لیکن اپوزیشن کے معاملات پر اتفاق ہو،ن لیگ نے مجھے بہت کچھ دیا اور میں نے بھی جماعت کو عزت دی ۔میاں نوازشریف کے ساتھ ذاتی تعلق ہے،صرف نواز شریف کو مجھ پر بات کرنے کا حق ہے،نواز شریف جو بات کریں گے میں قبول کروں گا،میں ووٹ کو عزت دو کے نعرے کے ساتھ تھا،مسلم لیگ ن نے جو راستہ اپنایا ہے میں اس سے اتفاق نہیں کرتا۔۔
انہوں نے کہاکہ نوازشریف کے ساتھ میرا 35سال کا تعلق تھا،جو آئین کی بالادستی ،شفاف الیکشن اور ملکی ترقی کی بات کرے گا میں اس کے ساتھ ہوں۔انہوں نے کہا بلاول بھٹو مسلم لیگ ن کے ووٹوں کے بغیر وزیراعظم نہیں بن سکتے۔اسمبلیوں سے استعفی دینا کسی مسئلے کا حل نہیں،ایک صوبائی حکومت دارالحکومت پر حملہ آور ہورہی ہے ایسا نہیں ہونا چاہئے،سب کو بیٹھ کر مسائل کا حل نکالنا ہوگا۔
شاہد خاقان عباسی نے کہا آرمی چیف کوخط لکھنے کا مقصد کیا ہے؟اگر آپ نے خط لکھنا ہے تو پاکستان کے عوام کو لکھیں،آپ کی جماعت کے رہنما پارلیمان میں بیٹھے ہیں وہ وہاں بات کیوں نہیں کرتے۔انہوں نے کہا پارلیمنٹ میں بھی زبان بندی ہے، کسی کو بولنے نہیں دیا جاتا،بانی پی ٹی آئی بھی یہی کام کرتے تھے، اس وقت بھی بولنے کی اجازت نہیں تھی۔ میں بانی پی ٹی آئی کو خط لکھنے سے نہیں روک سکتا لیکن آرمی چیف کو لکھنے کا مقصد کیا ہے؟جہاں ملک کا مفاد آتا ہے وہاں آپ کو اپنے مفاد کو پیچھے کرنا ہوگا۔
برف میں 100 فٹ نیچے چھپا ہوا خفیہ شہر دریافت، یہ کس خطرناک منصوبے کے تحت بسایا گیا تھا اور اس کو ترک کیوں کیا گیا؟
مزید :.ذریعہ: Daily Pakistan
پڑھیں:
حمزہ علی عباسی نکاح پڑھانے پر تنقید کی زد میں
پاکستانی شوبز انڈسٹری کے نمایاں نام حمزہ علی عباسی، جو اپنی جاندار اداکاری، منفرد انداز اور اصولی خیالات کے لیے جانے جاتے ہیں، اب ایک نئی شناخت کے ساتھ سامنے آئے ہیں۔ حال ہی میں سوشل میڈیا پر ان کی ایک ویڈیو وائرل ہوئی، جس میں وہ ایک نجی شادی کی تقریب میں نکاح پڑھاتے دکھائی دے رہے ہیں۔
سوشل میڈیا پر ویڈیو وائرل ہوئی تو مداحوں نے مختلف انداز میں ردعمل دیا۔ کچھ نے حیرت کا اظہار کیا کہ ایک مشہور اداکار نکاح جیسے مذہبی فریضے کو انجام دے رہے ہیں، جبکہ کچھ نے اس عمل کو سراہا اور کہا کہ ہر مسلمان کو دینی احکام خود ادا کرنے چاہئیں۔ دوسری طرف، کچھ ناقدین نے تنقید کرتے ہوئے کہا کہ نکاح جیسے سنجیدہ مذہبی عمل کو صرف مستند علما کو ہی انجام دینا چاہیے۔
دلچسپ بات یہ ہے کہ کچھ سوشل میڈیا صارفین نے مزاحیہ تبصرے بھی کیے۔
جیسے ایک صارف نے لکھا، ’اتنا ہینڈسم مولوی، میرا نکاح بھی پڑھا دو‘۔
اس قسم کے تبصرے ظاہر کرتے ہیں کہ حمزہ علی عباسی کی شخصیت نہ صرف پسند کی جاتی ہے بلکہ ان کے کسی بھی اقدام پر لوگ اپنی دلچسپ آرا دینا ضروری سمجھتے ہیں۔
View this post on Instagram
A post shared by Dialogue Pakistan (@dialoguepakistan)
حمزہ علی عباسی کا اداکاری سے دین کی جانب سفر
حمزہ کا شمار پاکستان کے ورسٹائل اداکاروں میں ہوتا ہے۔ ان کے مشہور ڈراموں میں ’پیارے افضل‘، ’من مائل‘، ’الف‘، اور ’جانِ جہاں‘ شامل ہیں، جبکہ فلموں میں ’جوانی پھر نہیں آنی‘ اور ’دی لیجنڈ آف مولا جٹ‘ کو بھی بہت پذیرائی ملی۔ مگر اداکاری کے علاوہ، حمزہ کی زندگی میں ایک اور پہلو بھی نمایاں ہے اور وہ ہے ان کی دین اسلام کی طرف گہری رغبت۔ایک انٹرویو میں حمزہ نے بتایا کہ ان کے خیالات میں بڑی تبدیلی جاوید احمد غامدی صاحب کی ملاقات کے بعد آئی۔ ان کے مطابق، وہ پہلے اسلام پر عمل کرنے میں تذبذب کا شکار تھے، مگر غامدی صاحب کی رہنمائی کے بعد وہ دین کو مکمل طور پر اپنانے میں کامیاب ہوئے۔
حمزہ علی عباسی کی ازدواجی زندگی
حمزہ کی شادی 2019 میں اداکارہ نیمل خاور سے ہوئی، جو ڈرامہ ’انا‘ میں اپنی شاندار اداکاری کے باعث مشہور ہوئیں۔ یہ جوڑی سادگی اور خوبصورتی کی مثال سمجھی جاتی ہے، اور ان کا ایک بیٹا محمد مصطفیٰ عباسی بھی ہے۔
کیا حمزہ علی عباسی ایک نیا رخ اختیار کر رہے ہیں؟
یہ سوال ذہن میں آتا ہے کہ کیا حمزہ علی عباسی نکاح خوانی جیسے مذہبی فرائض کی طرف سنجیدگی سے مائل ہو رہے ہیں یا یہ محض ایک اتفاقی لمحہ تھا؟ ان کے گزشتہ بیانات اور دینی رجحان کو دیکھتے ہوئے ایسا لگتا ہے کہ وہ مذہب کو صرف ذاتی زندگی میں ہی نہیں بلکہ عملی طور پر بھی اپنانا چاہتے ہیں۔
حمزہ کی حالیہ ویڈیو نے ایک نیا مکالمہ چھیڑ دیا ہے کہ کیا مشہور شخصیات کو مذہبی امور میں مداخلت کرنی چاہیے یا نہیں؟ مگر جو بھی ہو، یہ حقیقت ہے کہ حمزہ علی عباسی کی شخصیت ہمیشہ خبروں میں رہنے کے لیے کافی ہے، چاہے وہ ایک بہترین اداکار کے طور پر ہو، ایک متحرک سیاستدان کے طور پر، یا اب ایک نکاح خواں کے طور پر۔
سائنس دانوں نے آلودگی کو ایندھن بنانے والی ڈیوائس تیار کرلی