Nawaiwaqt:

کرپشن معاشی،معاشی ،مہنگائی ‘ندتمیزی تبدیلی کی ‘‘سوغاتیں : نواز شریف : میرے پاس مخالفین کے اے سی بند کرانے کا وقت نہیں : مریم نواز

اشاعت کی تاریخ: 18th, February 2025 GMT

لاہور (نوائے وقت رپورٹ) نواز شریف اور وزیراعلیٰ مریم سے پنجاب اسمبلی کے ارکان نے ملاقات کی۔ ساہیوال، خانیوال، ملتان، لودھراں، وہاڑی اور بہاولنگر ڈویژن سے تعلق رکھنے والے ارکان پنجاب اسمبلی ملاقات کرنے والوں میں شامل تھے۔ ملاقات میں عوامی فلاح کے منصوبوں اور مستقبل کی سیاسی حکمت عملی پر مشاورت کی گئی۔ ارکان پنجاب اسمبلی  نے مریم نواز کے چولستان میں گرین پاکستان منصوبے کے انقلابی پروگرام کے آغاز کا خیرمقدم کیا۔ نواز شریف نے کہا کہ بدقسمتی ہے کہ ترقی کرتا ملک پٹڑی سے اتار دیا گیا اور سیاست میں گند ڈال کر اسے تباہ کیا گیا۔ بد تہذیبی، بدتمیزی، بغض اور انتقام کو سیاست بنا دیا گیا۔ معیشت اور اقدار تباہ کیں، جمہوریت کی پیٹھ میں خنجر گھونپا گیا۔ پاکستان ڈیفالٹ کے منہ سے واپس آیا ہے۔ شہباز شریف کی محنت سے معاشی استحکام واپس آ رہا ہے۔ پالیسیوں کے تسلسل سے معاشی ترقی یقینی ہوگی۔کرپشن، معاشی تباہی، مہنگائی اور بدتمیزی تبدیلی کی سوغاتیں تھیں۔ ہم نے آئی ایم ایف کو خدا حافظ کہہ دیا تھا۔ ہمارا بیانیہ ملک کی ترقی اور عوام کو مہنگائی سے نجات دلا کر خوشحال بنانا ہے۔ جو وعدے کئے تھے اللہ تعالی کے فضل وکرم سے وہ آج عوام کو پورے ہوتے نظر آرہے ہیں۔ ارکان پنجاب اسمبلی نے کہا کہ نواز شریف اور شہباز شریف وعدوں کی تکمیل اور وطن سے وفا کے نام ہیں۔ نواز شریف اور شہباز شریف نے ذاتی تکالیف بھلا کر ہمیشہ پاکستان اور عوام کی تکلیفیں دور کی ہیں۔ پاکستان کے چپے چپے پر نواز شریف اور شہبازشریف کی ترقی کے نشان موجود ہیں۔ مریم نواز نے نواز شریف اور شہباز شریف کے دور کی یاد تازہ کر دی ہے۔ اپنی وزیر اعلیٰ پر  ہمیں فخر ہے۔ بے مثال سیاسی جدوجہد کے بعد عوامی خدمت میں بھی مریم نواز شریف نے اپنی صلاحیتوں کا اعتراف کرایا ہے۔ مریم نواز شریف جیسی عوامی خدمت کا تقاضا آج ہر صوبے میں ہو رہا ہے۔ سیاسی وابستگی سے بالا تر ہوکر پورے پنجاب کی مساوی خدمت جاری ہے۔ مریم نواز شریف نے کہا کہ عوام کی خدمت کا مشن چیلنج سمجھ کر سنبھالا، قیادت اور جماعت کا شکریہ مجھے یہ ذمہ داری دی۔ علاوہ ازیں مریم نواز نے آسان کاروبار فنانس چیک اور آسان کاروبار کارڈ تقسیم کرنے کی تقریب میں اہم اعلانات کیے۔ وزیراعلیٰ نے بنک آف پنجاب کو آسان کاروبار کے لئے زیادہ سے زیادہ لون جاری کرنے کی ہدایت کی۔ زیر ٹائم ٹو سٹارٹ پالیسی یقینی بنانے کا حکم دیا اور قرض حاصل کرنے والوں کے لئے انڈسٹریل زون میں اراضی دینے کا اعلان کیا۔ وزیراعلیٰ نے خطاب میں مزید  کہا کہ این او سی اور لائسنس آتے رہیں گے۔ قرض لیں اور کاروبار شروع کریں۔ رمضان المبارک میں فری پلاٹ سکیم شروع کر رہے ہیں۔ 33 لاکھ خاندانوں کو رمضان المبارک میں 10ہزار روپے گھر کی دہلیز پر ملیں گے۔ لیپ ٹاپ سکیم کا آغاز رمضان المبارک کے بعد کیا جائے گا۔ اب بھی ملک نے ترقی نہ کی تو نوجوان طبقہ امید چھوڑ دے گا۔ پاکستان کی معیشت ٹیک آف کر چکی ہے۔ پرائیویٹ سیکٹر کے استحکام کے لئے بلاسود قرضے ضروری ہیں۔ سات سال بیمار معیشت رہی اب حالات بہتر ہو رہے ہیں۔ ملکی اکانومی اور عوام کی معیار زندگی میں بہتری آرہی ہے۔ نواز شریف نے جب بھی وعدہ کیا پورا کیا، معاشی ترقی مسلم لیگ ن کی حکومت کا طرہ امتیاز ہے۔ اللہ تعالیٰ کا شکر ادا کرتی ہوں کہ آج پھر ایسا دن آیا کہ نواز شریف کی بیٹی نے ایک اور وعدہ پورا کر دیا ہے۔ دوسرے صوبوں اور میڈیا کے لوگ کہتے پنجاب میں اتنے زیادہ منصوبے کیسے لانچ کیے۔ آسان کاروبار فنانس سکیم اور آسان کاروبار کارڈ سکیم کو مختصر مدت میں لانچ کیا گیا، ایک ماہ میں قرضے مل رہے ہیں۔ آسان کاروبار فنانس سکیم اور آسان کاروبار کارڈ سکیم لون پر ایک روپیہ بھی سود نہیں لیا جائے گا۔ 10لاکھ سے تین کروڑ روپے تک آسان کاروبار فنانس سکیم اور آسان کاروبار کارڈ کے ذریعے دیئے جا رہے ہیں۔ قرض حاصل کرنے کے لئے آسان کاروبار کارڈ کے کوئی مشکل شرائط اور لمبی چوڑی معلومات نہیں لی گئیں۔ قرض حاصل کرنے والوں سے بات چیت کرنے پر پتہ چلا کہ 100فیصد میرٹ پر قرض ملا ہے۔ بنک آف پنجاب کے چیئرمین ظفر کو آسان کاروبار سکیم جلد از جلد لانچ کرنے کی ہدایت کی۔ دنیا بھر میں پرائیویٹ ادارو ں کو لون دینے سے ملازمتوں کے مواقع پیدا ہوتے ہیں۔ پچھلے ایک سال کے اندر پاکستان کی معیشت اور لوگوں کا معیار زندگی بہتر ہو رہا ہے۔ مہنگائی کم ہونے سے لوگوں کی زندگیوں پر اثر پڑتا ہے۔ جب مسلم لیگ ن نے حکومت سنبھالی تو مہنگائی38 فیصد مہنگائی تھی اب چار فیصد سے بھی نیچے آگئی ہے۔ تمام صوبوں کی نسبت پنجاب میں آٹے کی قیمت سب سے کم ہے۔ ہر روز آٹے اور روٹی کی قیمت کے بارے میں معلوم کر کے سوتی ہوں۔ انہوں نے کہاکہ پچھلے چند سالوں میں ہونے والی مہنگائی سے لوگوں کے معیار زندگی بری طرح متاثر ہوئی۔ اگر پاکستان اور پنجاب نے ترقی کرنی ہے تو لوگوں کو قرض فراہم کرنا بہت ضروری ہے۔ آسان کاروبار کے لئے ہمارے پاس دیگر منصوبوں کی طرح بہت سی ایپلی کیشن موصول ہوئی۔ آسان کاروبارکارڈ کے لئے ایک لاکھ 85ہزار اور 50لاکھ اور تین کروڑ آسان کاروبار فنانس کے لئے 71/71ہزار درخواستیں ملی۔ بنک آف پنجاب سے ہر روز قرض حاصل کرنے والوں کی فہرست دیکھوں گی۔ اکانومی کا دارومداور سمال میڈیم انٹر پرائز پر ہوتے، بڑا کاروبار ہر کوئی نہیں کر سکتا۔ آسان کاروبار سے قرض حاصل کرنے والے دنوں میں ترقی کریں گے اور دوسرے لوگوں کو نوکریاں بھی دیں گے۔ کتنی کالز آئی کہ باہر نکلو، گھیراؤ کرو، جلاؤ کرو پنجاب بھر سے ایک فرد نہیں نکلا، کے پی کے سے صرف سرکاری ملازمین کو نکالا گیا۔ لوگ جلاؤ گھیراؤ، فتنہ فساد سے تنگ آچکے ہیں۔ لوگوں نے اپنے گھر کا کچن، بچوں کا پیٹ پالنا اور بچوں کا مستقبل سنوارنا ہے۔  ایک سال کی مدت میں لوگوں کی زندگیوں میں بہتری آرہی ہے۔ جو طبقہ 38 پر مہنگائی کو لیکر گئے جبکہ نواز شریف کے دور میں یہی مہنگائی صرف دو سے تین فیصد تھی۔ فتنہ فساد کی حکومت میں مہنگائی کی وجہ سے لوگ خودکشی کرنے پر مجبور تھے۔ حکومت میں آئے تو معیشت کو ڈبو دیا، انٹرنیشنل کمپنیوں نے سب کچھ سمیٹا اور واپس اپنے وطن چلے گئے۔ حکومت میں تھے تو پاکستان کی معیشت، غریب لوگوں اور جب حکومت نہیں رہی تو اپنی ہی پارٹی کے لوگوں سے لڑ رہے ہیں۔ بجلی کی قیمتیں قابو کرنا بہت مشکل تھا لیکن حکومت نے بجلی کی قیمت کم کی ہے۔ پورے پنجاب میں 700 سے زائد سڑکیں بن رہی ہیں۔ کوئی کہتا تھا کہ سڑکیں بنانے کونسی قوم سے ترقی کرتی ہے۔ اگر سڑک بنانے سے قوم ترقی نہیں کرتی تو کیا جلاؤ، گھیراؤ اور پولیس والوں پر ڈنڈے مارنے سے ترقی ہوتی ہے۔ دس شہروں میں گئی جو محبت پنجاب کے عوام اور طلبہ کی طرف سے دی گئی وہ قابل یقین تھا۔ میڈیا اور اپوزیشن کو دعوت دیتی ہوں کہ کبھی کسی پروگرام میں میرے ساتھ شرکت کریں کس طرح لوگ ہمیں محبت دیتے ہیں۔ سڑکوں کے ذریعے ہی اپنی اشیاء منڈیوں تک لیکر جائیں گے۔ کاروبار کرنے کے لئے اس سے بہتر وقت آیا ہے نا آئے گا۔ آسان کاروبار کے لئے بزنس پلان بھی دیں گے۔ گھر بیٹھے باتیں کرنا او رگالیاں دیناآسان ہے، کام کرنا مشکل ہے۔ مخالفین کی بد زبانی کا معاملہ اللہ پر چھوڑ دیا، وقت نے پلٹا کھایا اب وہ اڈیالہ جیل میں بند ہے۔ میرے پاس مخالفین کے کھانے، اے سی بند کرانے کا وقت نہیں، عوام کی خدمت کرنا چاہتی ہوں۔ نواز شریف نے کہا تھا کہ ایک کی بجائے جیل میں انہیں دو دو اے سی لگوا دیں۔ خالی تقریریں، نعرے اور گالی گلوچ سے پیٹ نہیں بھر سکتا۔ شہباز شریف نے محنت کر کے عالمی برادری میں مقام بنایا۔ کفر ٹوٹا،خداخدا کر کے پاکستان میں چیمپئن ٹرافی، ہارس اینڈ کیٹل شو اوردیگر تقریبات شروع ہوچکی ہیں۔ ہارس اینڈ کیٹل شو کی تقریبات میں ہر روز سٹیڈیم بھرا ہوتا ہے، سکیورٹی ٹھیک نہ ہونے کا بیانیہ بالکل غلط ہے۔ دعا ہے ا للہ تعالی قرض حاصل کرنے والے سب بھائیوں کے کاروبار میں برکت عطا فرمائے۔ علاوہ ازیں مریم نواز شریف نے آسان کاروبار فنانس اور آسان کاروبار کارڈ تقسیم کرنے کیلئے تقریب میں آسان کاروبار فنانس کے چیک اور آسان کاروبار کارڈ تقسیم کیے۔ وزیر اعلیٰ مریم نواز شریف نے کاروبار شروع کرنے والوں کیلئے کامیابی کی دعاکی۔ آسان کاروبار فنانس اور کارڈ کے بارے میں پراجیکٹ ڈاکو مینٹری بھی دکھائی گئی۔ آسان کاروبار کے تحت قرض کی ادائیگی آسان قسطوں میں کی جائے گی۔ قرض حاصل کرنے والوں کو سود ادا نہیں کرنا پڑے گا۔ آسان کاروبار فنانس کے تحت 36 ارب کے قرضے دئیے جائیں گے۔ آسان کاروبار کارڈ سکیم کے تحت 48ارب روپے کے بلاسود قرضے دئیے جا رہے ہیں۔ قرض حاصل کرنے کیلئے گھر بیٹھے پورٹل akc.

punjab.gov.pk پر اپلائی کیا جا سکتا ہے۔ پنجاب کے 21 سال سے 57 سال تک کے شہری قرض کیلئے اپلائی کر سکتے ہیں۔ مریم نواز شریف نے کھلے مین ہول میں گر کر دو افرادکے جاں بحق ہونے پر سخت برہمی کا اظہار کیا ہے۔وزیراعلیٰ مریم نوازشریف کی ہدایت پر ڈی سی قصور اور اے سی پتوکی تبدیل کردیاگیا اور ڈی سی قصور اور اے سی پتوکی کو او ایس ڈی بنا دیاگیا۔  پتوکی کے چیف آفیسر میونسپل کارپوریشن اور ایم او انفراسٹرکچر اینڈ سینیٹیشن کے خلاف مقدمہ درج کر دیا گیا۔ وزیراعلیٰ مریم نواز شریف نے غفلت کے مرتکب دیگر ملازمین کے خلاف کارروائی کی ہدایت کی ہے۔  مریم   نواز نے کہا عوام کو سرکاری افسروں کی غفلت کی بھینٹ نہیں چڑھنے دوں گی۔ سیاحت کی بحالی کے دن پر پیغام میں مریم نواز نے کہا ہے کہ پاکستان بے حد خوبصورت اور قدرتی حسن سے مالا مال ملک ہے۔ پنجاب کے مختلف علاقوں میں سیاحت کا بے پناہ پوٹینشل پوشیدہ ہے۔ اللہ تعالیٰ نے بھی قرآن کریم میں سیاحت کی ترغیب اور تلقین کی ہے۔ پنجاب صحراؤں پہاڑی سلسلے جھیلوں اور دریاؤں کی دھرتی ہے۔ پنجاب کے خوبصورت سیاحتی حسن کو دنیا کے سامنے لائیں گے۔ 

ذریعہ: Nawaiwaqt

کلیدی لفظ: اور ا سان کاروبار کارڈ نواز شریف اور شہباز ا سان کاروبار فنانس قرض حاصل کرنے والوں مریم نواز شریف نے ا سان کاروبار کے پنجاب اسمبلی شہباز شریف پنجاب کے کی ہدایت کے لئے ا نواز نے رہے ہیں عوام کی کرنے کی شریف کی کارڈ کے نے کہا کہا کہ

پڑھیں:

اڈیالہ جیل سے خط پر خط آرہے ہیں  کہ مجھے باہر نکالو، مریم نواز

نارووال: وزیر اعلیٰ پنجاب مریم نواز شریف نے کہا ہے کہ اڈیالہ جیل سے منتیں کی جا رہی ہیں کہ مجھے باہر نکالو، اڈیالہ جیل کے علاوہ ہر جگہ سے اچھی خبریں آ رہی ہیں۔
نارووال میں جلسے سے خطاب کرتے ہوئے  وزیر اعلیٰ پنجاب نے کہاکہ جس نواز شریف کو مارنے اور گرانے کی کوشش کی گئی آج مرکز میں اس کے بھائی اور پنجاب میں بیٹی کی حکومت ہے، مسلم لیگ ن کی حکومت عوام کی خدمت کررہی ہے۔
انہوں نے کہاکہ عوام گواہی دے رہے ہیں کہ نواز شریف نے ملک کو مشکلات سے نکالا۔ اور ہم نے 5 سال کا انتظار نہیں کیا بلکہ ایک سال بعد ہی اپنی کارکردگی لے کر نارووال کی عوام کے سامنے کھڑی ہوں،کیا مریم نواز کی خدمت سے آپ لوگ خوش ہیں؟ آج کل صرف خط پر خط لکھے جا رہے ہیں کہ مجھے باہر نکالو۔ مخالفین کو کہتی ہوں دیکھ لو پنجاب میں نواز شریف کی بیٹی اور وفاق میں بھائی ہیں۔
وزیراعلیٰ پنجاب نے کہا کہ حکومت سنبھالی تو کہا جا رہا تھا ملک دیوالیہ ہونے جا رہا ہے۔ یہ لوگ حالات خراب کر کے گئے تھے۔ اور اب اڈیالہ جیل سے منتیں کی جا رہی ہیں کہ مجھے نکالو۔
انہوں نے کہا کہ تحریک انصاف کے دور میں رشوت کے بغیر پنجاب میں کوئی کام نہیں ہوتا تھا۔ لیکن آج ن لیگ کی حکومت میں ملک ترقی کی طرف گامزن ہے۔ تحریک انصاف کے دور میں 38 فیصد پر پہنچنے والی مہنگائی آج 6 فیصد ہوگئی ۔
وزیر اعلیٰ نے کہا کہ تحریک انصاف کے دور میں دوست ممالک کے ساتھ تعلقات خراب کیے گئے لیکن ہم دن رات پنجاب کے عوام کی خدمت کر رہے ہیں اور اڈیالہ جیل کے علاوہ ہر جگہ سے اچھی خبریں آ رہی ہیں۔
ا ن کاکہناہے کہ کہاں ہے ڈیفالٹ کرنے والا ملک اور کہاں ہے مہنگائی؟ اپنا گھر اسکیم میں عوام کو گھر بنانے کے لیے 15 لاکھ روپے تک قرض دیا جا رہا ہے۔
   
انہوں نے کہا کہ کہ نواز شریف کی قیادت میں ملک کو مشکلات سے نکال دیا ہے، اڈیالہ جیل کے علاوہ ہر جگہ سے اچھی خبریں آرہی ہیں، ہم دن رات محنت کرکے عوام کی زندگیوں کو تبدیل کرکے رہیں گے۔
  وزیراعلیٰ پنجاب نے کہا کہ بتایا جائے کہاں ہے وہ پاکستان جس کے ڈیفالٹ کی باتیں کی جارہی تھیں، آج پاکستان کی معیشت ٹیک آف کررہی ہے، عوام گواہی دے رہے ہیں کہ نواز شریف نے پاکستان کو مشکلات سے نکال دیا ، عمران خان کے دور حکومت میں سٹاک مارکیٹ کریش کر گئی تھی، جبکہ دہشتگردی ملک میں دوبارہ آگئی تھی، لیکن آج سب کچھ اس کے برعکس ہے اور مہنگائی 38 سے 5 فیصد پر آگئی ہے۔