سندھی ایسوسی ایشن نارتھ امریکا کا ایوب پیرزادہ کے اعزاز میں عشائیہ
اشاعت کی تاریخ: 18th, February 2025 GMT
کراچی (پ ر) سندھ نیوز پیپرز سوسائٹی (ایس این ایس) کے ایگزیکٹو کمیٹی رکن ایوب پیرزادہ کے یونائیٹڈ نیشنز کے دورے کے موقع پر سندھی ایسوسی ایشن آف نارتھ امریکہ (سانا) کے صدر مقبول ہالیپوٹو سے ٹیلیفونک گفتگو ہوئی۔ اس دوران امریکہ میں مقیم سندھی کمیونٹی کو درپیش مسائل اور ان کے حل میں سانا کے مثبت کردار پر تبادلہ خیال کیا گیا۔ایوب پیرزادہ نے سانا کی خدمات کو سراہتے ہوئے دونوں اداروں کے درمیان تعاون کو فروغ دینے کے عزم کا اظہار کیا۔ انہوں نے کہا کہ سندھ نیوز پیپرز سوسائٹی (ایس این ایس) علاقائی صحافت کے فروغ اور سندھی کمیونٹی کے مسائل اجاگر کرنے میں اپنا کردار ادا کرے گی۔اس موقع پر سانا کے صدر مقبول ہالیپوٹو اور دیگر عہدیداران کو ایس این ایس کے مرکزی دفتر کراچی کے دورے کی دعوت بھی دی گئی، تاکہ دونوں ادارے مشترکہ کام کرنے کے مزید مواقع تلاش کر سکیں۔ مقبول ہالیپوٹو نے یہ دعوت قبول کرتے ہوئے ایس این ایس کے ساتھ قریبی روابط برقرار رکھنے پر اتفاق کیا۔سانا کی جانب سے امریکہ کے شہر ورجینیا میں واقع سندھ ہاؤس پرنس جارج میں ایک خصوصی تقریب منعقد کی گئی، جس میں سندھی کمیونٹی کے اہم افراد نے شرکت کی۔ ایوب پیرزادہ نے سندھ نیوز پیپرز سوسائٹی کی جانب سے سندھی ثقافت
کی نمائندگی کرتے ہوئے سانا کے عہدیداران کو روایتی اجرک کے تحائف پیش کیے۔تقریب میں حبیب بھٹو کے بھائی شعیب بھٹو کی جانب سے پرتکلف عشائیے کا اہتمام کیا گیا، جہاں مختلف امور پر تبادلہ خیال کیا گیا۔ ایوب پیرزادہ نے ایس این ایس کے صدر قاضی شفیق احمد کی جانب سے سانا کے صدر، عہدیداران اور اراکین کے لیے نیک خواہشات کا پیغام بھی پہنچایا۔
سندھی ایسوسی ایشن
ذریعہ: Jasarat News
کلیدی لفظ: ایوب پیرزادہ ایس این ایس کی جانب سے سانا کے کے صدر
پڑھیں:
کراچی، ڈرائیورز کی غلط ڈرائیونگ کی روک تھام کے لیے ایمرجنسی نمبرز متعارف
کراچی:شہر قائد میں ڈمپر، ٹرک، ٹرالر اور واٹر ٹینکروں کے باعث ہونے والے ٹریفک حادثات کی روک تھام کے لیے حفاظتی تدابیر متعارف کرادی گئی ہیں۔
شہر کے تمام ہیوی گاڑیوں پر آئندہ چند روز میں ایمرجنسی نمبرز آویزاں کیے جائیں گے، جن پر گاڑی کے مالکان اور ڈمپر ایسوسی ایشن کے عہدیداروں کے رابطے دستیاب ہوں گے۔
ڈمپر ایسوسی ایشن کے رہنما خانوادہ خان کے مطابق ان نمبروں کا مقصد یہ ہے کہ شہری کسی بھی غلط ڈرائیونگ یا ٹریفک قوانین کی خلاف ورزی کی شکایت براہ راست ان نمبروں پر کرسکیں۔
خانوادہ خان کا کہنا تھا کہ شکایات کے بعد متعلقہ ڈرائیوروں کے خلاف سخت اقدامات کیے جائیں گے اور ان کے لائسنس منسوخ کیے جائیں گے۔
انہوں نے کہا کہ اس اقدام کا مقصد شہریوں کو تحفظ فراہم کرنا اور ٹریفک حادثات کی شرح کو کم کرنا ہے۔ یہ فیصلہ وزیر اور ڈی آئی جی ٹریفک کی میٹنگ میں کیا گیا۔
مزید برآں، ڈمپر ایسوسی ایشن نے یہ بھی اعلان کیا کہ تمام ہیوی گاڑیاں کراچی میں اب رات 10 بجے سے صبح 6 بجے تک چلائی جائیں گی، تاکہ دن کے اوقات میں ہونے والے حادثات میں کمی کی جا سکے۔
پنکج ترپاٹھی کی تصویر پولیس کے ’’وانٹڈ بورڈ‘‘ پر؛ ماجرا کیا ہے؟