ٹھیلہ مافیا کے باعث مکین پریشان ہیں ،یوتھ ویلفیئر سوسائٹی
اشاعت کی تاریخ: 18th, February 2025 GMT
حیدرآباد(اسٹاف رپورٹر)یوتھ ویلفیئر سوسائٹی حیدرآباد ڈویژن رجسٹرڈ کے قانون مشیر شفیق احمد خان ایڈووکیٹ ہائی کورٹ نے اپنے بیان میں کہاہے کہ یونٹ نمبر 11 لطیف آباد مسٹر برگر سے لیکر مصطفی جامعہ مسجد تک روڈ بلاک ہے اور ٹھیلہ مافیا نے روڈ کے بیچ میں کھڑے ہوکر اپنا کاروبار کررہے ہیں اگر کوئی ایمرجنسی ہو جائے تو ایمبولینس کے لئے راستہ نہیں ہے جسکی وجہ سے جانی و مالی نقصان ہونے کا اندیشہ ہے۔ جبکہ بلدیہ کی انکروجمینٹ فورس کے ہوتے ہوئے کاروئی عمل میں نہیں لائی جارہی ہے۔شفیق احمد نے کمشنر حیدرآباد ڈویژن بلال میمن۔ میئر حیدرآباد کاشف شورو۔ ڈپٹی کمشنر حیدر آباد زین العابدین میمن میونسپل کمشنر ظہور لکھن اور اسسٹنٹ کمشنر لطیف اباد جناب سعود احمد خان بلوچ سے مطالبہ کیا ہے کہ لطیف آباد کے میں بازار والے روڈ کپڑا مارکیٹ اور مصطفی جامعہ مسجد چوک سے فوری طور پر غیر قانونی انکروچمنٹ کو ہٹایا جائے تاکہ ٹریفک اور پیدل چلنے والے لوگوں کو جو دشواری کا سامناہورہا ہے وہ حل ہوسکے۔
انجمن تاجران سندھ کی ڈکیتی پراحتجاج
حیدرآباد(اسٹاف رپورٹر)انجمن تاجران سندھ حیدرآباد کے صدر صلاح الدین غوری جنرل سیکرٹری امجد آرائیں و دیگر عہدیداران نے اناج منڈی کے تاجر فاروق سبحانی کے منشی انیس قریشی سے قاسم آباد میں ریکوری کے دوران نسیم نگر تھانے کی حدود میں 8 لاکھ20 ہزار روپے کی رقم،دو موبائل فون اور پرس چھین لینے کے واقعے کی شدید مذمت کرتے ہیں۔
ذریعہ: Jasarat News
پڑھیں:
پاکستانی کھلاڑیوں کی شاندار کارکردگی، ساؤتھ ایشین یوتھ ٹیبل ٹینس چیمپئن شپ میں دو سلور اور چار برانز میڈلز جیتے
ساؤتھ ایشین یوتھ ٹیبل ٹینس چیمپئن شپ میں پاکستانی کھلاڑیوں نے شاندار کارکردگی کا مظاہرہ کرتے ہوئے دو سلور اور چار برانز میڈلز جیتے۔
نیپال کے شہر کھٹمنڈو میں ہونے والی اس چیمپئن شپ میں پاکستانی کھلاڑیوں نے اپنی مدد آپ کے تحت اپنی مہارت کا لوہا منوایا۔
پاکستانی کھلاڑی ابدال خان اور زنیرہ خان کی جوڑی نے انڈر 15 مکسڈ ڈبلز ایونٹ کے فائنل میں بھارت کے خلاف عمدہ کھیل کا مظاہرہ کیا، تاہم وہ بھارتی حریفوں کے سامنے ہار گئے اور سلور میڈل پر اکتفا کیا۔
اسی طرح ابدال خان نے انڈر 15 بوائز سنگلز کے فائنل میں بھارت کے کھلاڑی کے ہاتھوں شکست کھائی اور اس ایونٹ میں بھی سلور میڈل حاصل کیا۔
پاکستانی کھلاڑیوں نے مجموعی طور پر چار برانز میڈلز بھی جیتے، جن میں بوائز انڈر 15 ڈبلز میں ابدال محمد خان اور نور خان، انڈر 19 مکسڈ ڈبلز میں طحہ بلال اور زنیرہ خان، انڈر 19 بوائز ٹیم ایونٹ میں ابدال محمد خان، طحہ بلال، عطاالمنان ملہی، مطاہر امین اور موسی امین کی ٹیم، اور انڈر 15 بوائز ٹیم ایونٹ میں ابدال محمد خان، نور خان اور ابو ہریرہ شامل تھے۔
یہ بات قابل ذکر ہے کہ پاکستانی کھلاڑی سیلف فنانس کی بنیاد پر اس چیمپئن شپ میں شریک ہوئے۔ تاہم، مالی مشکلات کی وجہ سے گرلز انڈر 19 کے منتخب کھلاڑی رقم کا بندوبست نہ ہونے کے سبب اس چیمپئن شپ میں شرکت سے قاصر رہے۔
اسی طرح گرلز انڈر 15 ایونٹ کے لیے منتخب تین کھلاڑیوں میں سے دو بھی مالی مشکلات کی وجہ سے اس ایونٹ میں حصہ نہیں لے سکیں۔
بھارتی فالس فلیگ آپریشن کا مقصد تحریکِ آزادی کشمیر کو بدنام کرنا ہے، مشعال ملک