کراچی، ڈرائیورز کی غلط ڈرائیونگ کی روک تھام کے لیے ایمرجنسی نمبرز متعارف
اشاعت کی تاریخ: 18th, February 2025 GMT
کراچی:
شہر قائد میں ڈمپر، ٹرک، ٹرالر اور واٹر ٹینکروں کے باعث ہونے والے ٹریفک حادثات کی روک تھام کے لیے حفاظتی تدابیر متعارف کرادی گئی ہیں۔
شہر کے تمام ہیوی گاڑیوں پر آئندہ چند روز میں ایمرجنسی نمبرز آویزاں کیے جائیں گے، جن پر گاڑی کے مالکان اور ڈمپر ایسوسی ایشن کے عہدیداروں کے رابطے دستیاب ہوں گے۔
ڈمپر ایسوسی ایشن کے رہنما خانوادہ خان کے مطابق ان نمبروں کا مقصد یہ ہے کہ شہری کسی بھی غلط ڈرائیونگ یا ٹریفک قوانین کی خلاف ورزی کی شکایت براہ راست ان نمبروں پر کرسکیں۔
خانوادہ خان کا کہنا تھا کہ شکایات کے بعد متعلقہ ڈرائیوروں کے خلاف سخت اقدامات کیے جائیں گے اور ان کے لائسنس منسوخ کیے جائیں گے۔
انہوں نے کہا کہ اس اقدام کا مقصد شہریوں کو تحفظ فراہم کرنا اور ٹریفک حادثات کی شرح کو کم کرنا ہے۔ یہ فیصلہ وزیر اور ڈی آئی جی ٹریفک کی میٹنگ میں کیا گیا۔
مزید برآں، ڈمپر ایسوسی ایشن نے یہ بھی اعلان کیا کہ تمام ہیوی گاڑیاں کراچی میں اب رات 10 بجے سے صبح 6 بجے تک چلائی جائیں گی، تاکہ دن کے اوقات میں ہونے والے حادثات میں کمی کی جا سکے۔
.ذریعہ: Express News
پڑھیں:
کراچی میں ٹریفک حادثات، امن و امان پر وزیرِاعلیٰ سندھ نے کانفرنس بلا لی
ایم کیو ایم پاکستان کے رہنما فاروق ستار نے کہا ہے کہ وزیرِاعلی سندھ نے خاص طور پر مدعو کیا ہے۔ کانفرنس میں ایم کیو ایم سے فاروق ستار، علی خورشیدی، طحہ احمد اور دیگر شرکت کریں گے۔ فاروق ستار نے کہا ہے کہ کانفرنس میں ڈمپر حادثات اور اس سے متعلق مسائل پر بات چیت ہوگی۔ اسلام ٹائمز۔ کراچی میں ٹریفک حادثات و امن و امان کے معاملے پر وزیرِاعلی سندھ سید مراد علی شاہ نے کانفرنس بلا لی۔ وزیرِاعلی سندھ کی سیاسی جماعتوں کی کانفرنس میں ایم کیو ایم پاکستان بھی شرکت کرے گی۔ اس حوالے سے ایم کیو ایم پاکستان کے رہنما فاروق ستار نے کہا ہے کہ وزیرِاعلی سندھ نے خاص طور پر مدعو کیا ہے۔ کانفرنس میں ایم کیو ایم سے فاروق ستار، علی خورشیدی، طحہ احمد اور دیگر شرکت کریں گے۔ فاروق ستار نے کہا ہے کہ کانفرنس میں ڈمپر حادثات اور اس سے متعلق مسائل پر بات چیت ہوگی۔
ذرائع کے مطابق کانفرنس میں عوامی نیشنل پارٹی اور دیگر سیاسی جماعتوں کے رہنماؤں کی بھی شرکت متوقع ہے جبکہ اس کانفرنس میں پولیس کے اعلی حکام بھی شرکت کریں گے۔ دوسری جانب پولیس کا کہنا ہے کہ رواں سال کراچی میں مختلف ٹریفک حادثات میں 116 افراد جاں بحق اور 1303 افراد زخمی ہوئے ہیں۔ پولیس کے مطابق جاں بحق ہونے والوں میں 84 مرد، 16 خواتین، 12 بچے اور 4 بچیاں شامل ہیں۔
حیدرآباد: الخدمت فائونڈیشن کے شعبہ آرفن کیئر کے تحت حیاڈے کی مناسبت سے شہر کے مختلف علاقوں میں منعقد کیے گئے سیمینار کے مناظر