کراچی کے مختلف علاقوں میں بوندا باندی، کیا بارش کا امکان ہے؟
اشاعت کی تاریخ: 17th, February 2025 GMT
کراچی:
بلوچستان سے سسٹم داخل ہونے کے بعد کراچی میں پیر کی شب مختلف علاقوں میں بوندا باندی ہوئی۔
ایکسپریس نیوز کے مطابق بلوچستان کے راستے ملک میں داخل ہونے والے مغربی سلسلے کے زیراثرپیر کی شب شہر کے مختلف علاقوں میں بونداباندی، پھوارہوئی۔
محکمہ موسمیات کے مطابق شہرمیں تیزبارشوں کا کوئی امکان نہیں ہے۔
اونچی سطح کے بادلوں کی وجہ سے پیرکوشہرمیں وقفے وقفے سے بادلوں کا سلسلہ جاری رہا، شام کے وقت شہرکے اولڈ سٹی ایریا کے مختلف علاقوں میں بوندا باندی، پھوارشروع ہوئی۔
اس دوران شہر کے مضافاتی علاقوں سرجانی ٹاون، نارتھ کراچی ،نارتھ ناظم آباد، قائد آباد، بن قاسم، لانڈھی، ملیر وملحقہ علاقوں میں بونداباندی ہوئی جبکہ صدراورڈی ایچ اے میں پھوار پڑی۔
اس سے قبل شہرمیں صبح کے وقت کم سے پارہ 19ڈگری جبکہ زیادہ سے زیادہ پارہ گزشتہ روزکے مقابلے میں مذید ایک ڈگری اضافےسے33.
محکمہ موسمیات کےمطابق مغربی سسٹم کے اثرات کے نتیجے میں شہرکا مطلع ابرآلود رہنے کے علاوہ مضافاتی علاقوں اوردیگرماندہ شہرمیں کہیں کہیں پھوار، بونداباندی متوقع ہے، تاہم تیزبارشوں کا کوئی امکان نہیں ہے۔
ذریعہ: Express News
کلیدی لفظ: مختلف علاقوں میں
پڑھیں:
ملک بھر میں موسم بدلنے کی پیش گوئی، بارش اور برفباری کا امکان
اسلام آباد:محکمہ موسمیات نے آئندہ چند روز میں ملک کے مختلف علاقوں میں بارش اور پہاڑوں پر برفباری کی پیش گوئی کی ہے، جس سے خشک موسم کے خاتمے کی توقع کی جا رہی ہے۔
مقامی میڈیا کے مطابق پیر 17 فروری کو ملک کے زیادہ تر علاقوں میں موسم خشک رہا جب کہ جبکہ ہوا میں نمی کا تناسب 31 سے 35 فیصد کے درمیان تھا۔ اسلام آباد میں فضائی آلودگی کا انڈیکس 152 ریکارڈ کیا گیا، جو صحت کے لیے مضر قرار دیا جا رہا ہے۔
بارش کا سسٹم پاکستان میں داخل ہونے کو تیار
محکمہ موسمیات ارلی وارننگ سسٹم کے مطابق 18 سے 20 فروری کے درمیان بارشوں کا نیا سسٹم ملک میں داخل ہوگا، جس سے اسلام آباد، راولپنڈی، اٹک، جہلم، چکوال اور پنجاب کے دیگر علاقوں میں بارشوں کا امکان ہے۔اسی طرح، راولپنڈی اور اسلام آباد میں پولن کی مقدار میں اضافے کا خدشہ ہے، جس سے الرجی اور سانس کی بیماریوں میں مبتلا افراد کو مشکلات پیش آسکتی ہیں۔
پنجاب میں بادلوں کا راج، بارش کب ہوگی؟
صوبائی دارالحکومت لاہور سمیت پنجاب کے بیشتر علاقوں میں آج بادلوں اور سورج کے درمیان آنکھ مچولی ہوتی رہی، تاہم ماہرین کی پیش گوئی کے مطابق بارش نہیں ہوئی اور موسم بیشتر علاقوں میں خشک رہا۔
محکمہ موسمیات کے مطابق منگل 18 فروری کو صوبے کے مختلف اضلاع میں بارش کی توقع ہے۔ لاہور میں کم سے کم درجہ حرارت 10 ڈگری سینٹی گریڈ اور زیادہ سے زیادہ 25 ڈگری سینٹی گریڈ رہنے کا امکان ہے۔
22 فروری کے بعد موسم مزید تبدیل ہوگا
موسمیاتی ماہرین کے مطابق ایک طاقتور مغربی ہواؤں کا سلسلہ 22 فروری کے بعد پاکستان کے کئی علاقوں کو متاثر کرے گا، جس کے نتیجے میں تیز بارش اور برفباری کا امکان ہے۔یہ سسٹم خیبرپختونخوا، گلگت بلتستان، آزاد کشمیر، اور شمالی علاقوں کو متاثر کرے گا، جہاں پہاڑوں پر برفباری متوقع ہے۔
بلوچستان میں اچھی بارش کی نوید، سندھ میں خشک موسم برقرار
محکمہ موسمیات کے مطابق بلوچستان کے مختلف علاقوں میں اچھی بارش کا امکان ہے، خاص طور پر کوئٹہ، زیارت، ژوب، قلعہ سیف اللہ اور خضدار میں برفباری بھی ہو سکتی ہے۔ اسی طرح پنجاب میں بھی 19 سے 21 فروری کے دوران اچھی بارش کی امید ہے، جبکہ جنوبی اور وسطی علاقوں میں دو سے تین بارشوں کے سلسلے متوقع ہیں، تاہم سندھ میں خشک موسم جاری رہے گا۔
کراچی میں بارش کا امکان نہیں
محکمہ موسمیات کے مطابق سندھ میں سکھر، لاڑکانہ اور کچھ دیگر علاقوں میں ہلکی بوندا باندی ہو سکتی ہے، تاہم کراچی میں بارش کے کوئی آثار نہیں۔ شہر میں موسم جزوی طور پر ابر آلود رہ سکتا ہے، مگر زیادہ تر خشک ہی رہے گا۔
مجموعی صورتحال
ملک بھر میں آئندہ چند دنوں کے دوران موسم میں نمایاں تبدیلی دیکھنے کو ملے گی۔ بارش اور برفباری کے نئے سلسلے کے باعث خشک سالی میں کمی کا امکان ہے، تاہم آلودگی اور پولن کی شرح میں اضافہ شہریوں کے لیے مشکلات پیدا کر سکتا ہے۔
آئی ایم ایف مشن تمام وفاقی سیکرٹریز سے آج ملاقات کریگا