کراچی میں سانس کی بیماریوں میں خطرناک اضافہ:ماہرین کی تنبیہ
اشاعت کی تاریخ: 17th, February 2025 GMT
کراچی میں سانس کی بیماریوں، خاص طور پر انفلوئنزا ایچ ون این ون کے کیسز میں خطرناک حد تک اضافہ دیکھا جا رہا ہے۔ طبی ماہرین نے شہریوں کو ماسک پہننے اور احتیاطی تدابیر اختیار کرنے کا مشورہ دیا ہے۔
نجی ٹی وی کی رپورٹ میں بتایا گیا ہے کہ جناح اسپتال کے ایمرجنسی ڈپارٹمنٹ کے ڈاکٹر نے بتایا کہ اسپتال میں انفلوئنزا ایچ ون این ون کی ویکسین دستیاب نہیں ہے، جس کی وجہ سے مریضوں کو شدید مشکلات کا سامنا ہے۔
انہوں نے کہا کہ اسپتال کے او پی ڈی اور ایمرجنسی دونوں شعبوں میں انفلوئنزا ایچ ون این ون کے مریضوں کی تعداد میں مسلسل اضافہ ہو رہا ہے۔ حکومت کی جانب سے ویکسی نیشن کی سہولت فراہم نہیں کی گئی ہے، جس کی وجہ سے مریضوں کو اپنی جیب سے ویکسین خریدنے پر مجبور ہونا پڑ رہا ہے۔ انہوں نے یہ بھی بتایا کہ اس بیماری کے لیے الگ وارڈ مختص نہیں کیا گیا کیونکہ اسے تشویشناک بیماری نہیں سمجھا جاتا،تاہم اگر مریض پہلے سے کسی مہلک بیماری میں مبتلا ہو تو انہیں آئی سی یو میں داخل کرنے کی ضرورت پڑ سکتی ہے۔
ڈاکٹرز کے مطابق انفلوئنزا ایچ ون این ون کی بیماری 5 سال سے کم عمر بچوں، 65 سال سے زائد عمر کے بزرگوں اور حاملہ خواتین کو زیادہ متاثر کرتی ہے۔ انہوں نے کہا کہ یہ بیماری ان گروپس میں تیزی سے پھیل رہی ہے اور اگر بروقت علاج نہ کیا جائے تو یہ نمونیہ میں تبدیل ہو سکتی ہے۔ انہوں نے شہریوں کو احتیاطی تدابیر اختیار کرنے اور بروقت علاج کروانے کی اہمیت پر زور دیا۔
ماہر متعدی امراض نے بتایا کہ موسم سرما میں سانس کی بیماریوں میں اضافہ ہو جاتا ہے۔ انفلوئنزا کی 4اہم اقسام ہیں، جن میں سے اے اور بی سب سے زیادہ عام ہیں۔ انہوں نے کہا کہ اس وقت کراچی میں انفلوئنزا اے کی ذیلی قسم ایچ ون این ون کے کیسز سب سے زیادہ رپورٹ ہو رہے ہیں۔ انفلوئنزا ویکسین دستیاب ہے اور بروقت ویکسینیشن سے اس بیماری سے بچا جا سکتا ہے۔
محکمہ صحت سندھ کے جاری کردہ اعداد و شمار کے مطابق رواں سال کے ابتدائی ڈیڑھ ماہ میں کراچی میں سانس کے مختلف امراض کے 248 کیسز رپورٹ ہوئے ہیں، جن میں سے انفلوئنزا ایچ ون این ون کے 119 مثبت کیسز شامل ہیں۔ محکمہ صحت سندھ نے سرکاری اسپتالوں کو ہدایت جاری کی ہے کہ عملے کو حفاظتی کٹ کی فراہمی کو یقینی بنایا جائے۔ اس کے علاوہ ماسک پہننے اور سماجی فاصلہ برقرار رکھنے جیسی حفاظتی تدابیر پر عمل درآمد کیا جائے۔
.ذریعہ: Jasarat News
کلیدی لفظ: ایچ ون این ون کے کراچی میں کی بیماری انہوں نے
پڑھیں:
پوپ فرانسس کی صحت مزید بگڑ گئی، نئے پوپ کا نام سامنے آگیا؟
88 سالہ پوپ فرانسس اس وقت روم کے جیمیلی اسپتال میں سانس کی بیماری کے باعث زیر علاج ہیں۔
انہیں بائی لیٹرل نمونیا (دونوں پھیپھڑوں میں انفیکشن) کی تشخیص ہوئی ہے اور وہ کورٹیسون اور اینٹی بائیوٹکس کے ذریعے علاج حاصل کر رہے ہیں۔
ویٹیکن کے ذرائع کے مطابق پوپ فرانسس نے اپنے قریبی ساتھیوں کو بتایا کہ وہ اس بیماری سے شاید نہ بچ سکیں۔ ان کی طبیعت زیادہ خراب ہونے پر انہیں ہسپتال منتقل کیا گیا، جہاں ڈاکٹروں نے انہیں خبردار کیا کہ ان کی بیماری جان لیوا ثابت ہو سکتی ہے۔
رپورٹس کے مطابق پوپ فرانسس نے اپنی ممکنہ جانشینی کے لیے کچھ اہم فیصلے کیے ہیں۔ اس ماہ کے شروع میں انہوں نے اپنے قریبی ساتھی کارڈینل جیووانی باتیستا رے کی مدت ملازمت میں توسیع کر دی، جو ویٹیکن میں ایک اہم فیصلہ سمجھا جا رہا ہے۔
ویٹیکن نے میڈیا میں پوپ فرانسس کے انتقال سے متعلق خبروں کو غلط قرار دیا، تاہم اندرونی ذرائع نے ان کی خراب صحت کی تصدیق کی ہے۔ پوپ فرانسس نے اپنی مصروفیات منسوخ کر دی ہیں، بشمول ہفتہ وار اینجلس دعا، جس میں وہ شاذ و نادر ہی غیر حاضر ہوتے ہیں۔
2013 میں رومن کیتھولک چرچ کے سربراہ بننے والے پوپ فرانسس کو ان کی ترقی پسند سوچ اور چرچ میں شمولیت پسندی کے فروغ کے لیے سراہا جاتا ہے۔
حماس 369 فلسطینیوں کے بدلے 3 اسرائیلی قیدی رہا کرے گی