مافیا سرگرم،رمضان سے قبل پھلوں کی قیمتوں میں اضافہ
اشاعت کی تاریخ: 17th, February 2025 GMT
ماہ رمضان کا بابرکات مہینہ قریب آتے ہی پھلوں کے نرخوں میں ایک بار پھر کئی گنا اضافہ ہو چکا ہے، جس نے شہریوں کی پریشانی بڑھا دی ہے۔
ہر سال کی طرح رواں سال بھی رمضان سے پہلے پھلوں کے نرخ دگنے ہوگئے ہیں، جس سے عوام شدید مشکلات کا شکار ہیں۔ شہریوں کا کہنا ہے کہ اکثر پھل مارکیٹ سے غائب ہو چکے ہیں، اور رمضان میں ان کی قیمتوں میں مزید اضافہ کیا جائے گا۔دیگر ممالک میں ماہ رمضان میں پھلوں اور سبزیوں کی قیمتیں کم ہوجاتی ہیں مگر ہمارے ملک میں مافیا کی سرگرمیاں بڑھ جاتی ہیں جس کے باعث عوام کو دونوں ہاتھوں سے لوٹا جاتا ہے۔
دوسری جانب دکانداروں کا کہنا ہے کہ خریداری مہنگی ہونے کی وجہ سے وہ مہنگے داموں پھل فروخت کرتے ہیں اور اس اضافے کا قصور ان کا نہیں بلکہ مہنگی خریداری کا ہے۔شہریوں نے حکومت سے مطالبہ کیا ہے کہ وہ پھلوں کی قیمتوں پر قابو پانے کیلئے فوری اقدامات کرے تاکہ رمضان میں عوام کو سستے داموں پھل دستیاب ہوں۔
.ذریعہ: Daily Ausaf
پڑھیں:
شرجیل میمن کا حکم نظرانداز، کراچی میں چارجڈ پارکنگ مافیا کا راج برقرار
کراچی (رپورٹ:منیر عقیل انصاری) صوبائی وزیر ٹرانسپورٹ شرجیل انعام میمن کا حکم نظرانداز، کراچی میں منگل کے روز مختلف علاقوں اور تجارتی مرکز کے باہر چارجڈ پارکنگ فیس کی وصولی کا سلسلہ نہ رک سکا ہے، صوبائی حکومت کے اعلان کو ابھی24گھنٹے بھی نہیں گزرے تھے کے چارجڈ پارکنگ مافیا نے اپنے راج کو برقرار رکھا ہوا ہے۔
صوبائی وزیر کے واضح احکامات کے باوجود شہر کے مختلف علاقوں اور مشہور تجارتی مقامات پر پارکنگ فیس کی وصولی کا سلسلہ جاری رہا ہے۔یونیورسٹی روڈ سے ایم اے جناح روڈ تک ہر جگہ شہریوں سے پارکنگ فیس وصول کی جاتی رہی ہے۔چارجڈ پارکنگ کے عملے کا موقف ہے کہ پارکنگ فیس نہ لینے کا حکم نامہ ہمیں موصول نہیںہوا ہے۔کراچی میں چارجڈ پارکنگ کا سلسلہ تاحال نہ رک سکا ہے ۔بلدیہ عظمی کراچی ،میئر کراچی کے بلڈنگ کے اطراف میں موجود گاڑیاں کھڑی کرنے والوں سے کھلے عام پارکنگ فیس کی وصولی کا سلسلہ منگل کے روز بھی جاری رہا ہے،بلکہ کئی مقامات پر نوپارکنگ کے بورڈ آویزاں ہونے کے باوجود موٹر سائیکل اور گاڑیاں کھڑی کرنے والے شہریوں سے پارکنگ کی اضافی فیس وصول کی جاتی رہی ہے۔
پارکنگ فیس کے حوالے سے شہریوں کا کہنا ہے کہ مختلف بازاروں میں یہ رنگ برنگی جیکٹ پہنے ہوئے پارکنگ فیس وصول کرنے والوں لوگوں سے ہم اگر کہتے ہیں کے پارکنگ فیس ختم کرنے کا اعلان ہو چکا ہے تو وہ لوگ ہم سے لڑنے کے لیے کھڑے ہوجاتے ہیںا ور پورے پورے گنگ نکل کر ہمیں مارنے کے لیے آجاتے ہیں،شہریوں کا کہنا ہے کہ صوبائی وزیر نے صرف اعلان کیا ہے اس پر ابھی کہی پر کوئی عملدرآمد نہیں ہورہا ہے۔
شہریوں کا کہنا تھا کہ ہم آج بھی اگر پارکنگ فیس ادا نہیں کریں تو یہ لوگ ٹریفک پولیس کے کے لفٹر گاڑیوں کو ہماری گاڑیوں کی نشاندہی کرتے ہیں اور ہماری گاڑیاں خاص طور پر اٹھاوائی جاتی ہیں اس کے بعد ہم سے پویس اسٹیشن پر جا کر3سو اور5سو روپے طلب کیے جاتے ہیں،اس لیے ہماری مجبوری ہے کہ ہم موٹر سا ئیکل کی پارکنگ فیس جو کے20روپے ہونے کے باوجود50روپے ادا کرتے ہیں تاکہ ہماری گاڑیاںاٹھنے سے محفوظ رہے کراچی کے لوگ اور کیا کرسکتے ہیں۔
شہریوں کا مزید کہنا ہے کہ اگر ہم ایک دن میں کراچی کے تین بازاروں میں چلے جائے تو ہم ہمیں50روپے کی حساب سے 3مقامات پر150روپے ادا کرنے پڑتے ہیں، چارجڈ پارکنگ فیس وصول نہ کرنے کے اعلان کے باوجود کراچی کی مین مارکیٹ طارق روڈ،بہادرا آباد،صدر موبائیل مارکیٹ اور دیگر اہم تجارتی مقامات پر پارکنگ فیس وصولی کا سلسلہ جاری رہا ہے۔
خیال رہے کہ صوبائی وزیر ٹرانسپورٹ شرجیل انعام میمن نے گزشتہ روز کراچی کے کسی بھی علاقے میں پارکنگ فیس وصول نہ کرنے حکم دیا تھا اور کہا تھا کے اگر کوئی فیس وصول کریں گا تو وہ غیر قانونی اقدام کریں گا لیکن اس کے برعکس منگل کے روز کھلے عام پارکنگ فیس کی وصولی پر فی الحال کوئی ایکشن نہیں لیا گیا ہے اب تک کراچی میں چارچڈ پارکنگ مافیا کو کھلی چھوٹ حاصل ہے۔
سال 2024 سب سے زیادہ کِس کھلاڑی نے کمائے؟ فہرست جاری، مداح حیران