وقت نے کیسا پلٹا کھایا کہ آج وہ اڈیالا جیل میں میرے پاس بند ہیں، مریم نواز
اشاعت کی تاریخ: 17th, February 2025 GMT
وزیراعلیٰ پنجاب مریم نواز شریف نے بانی پی ٹی آئی عمران خان پر تنقید کرتے ہوئے کہا ہے کہ وقت نے کیسا پلٹا کھایا کہ آج وہ اڈیالا جیل میں میرے پاس بند ہیں، میں نے کبھی ان کا اے سی بند کرنے یا ان کے کھانوں پر اعتراض نہيں کیا۔
یہ بھی پڑھیں: وزیراعلیٰ پنجاب مریم نواز نے آسان کاروبار کارڈ کا اجرا کردیا
لاہورمیں آسان کاروبار پروگرام کی تقریب سے خطاب میں کہ اب لوگ جلاؤ گھیراؤ اور انتشار سے تنگ آچکے ہیں، لوگ دیکھ رہے ہیں کہ ان کی زندگی میں بہتری آرہی ہے، جب پی ٹی آئی کی حکومت تھی تو ملک سے سرمایہ کاری چلی گئی، پنجاب میں 700 سڑکیں بنا رہے ہیں، کبھی کوئی کہتا تھا کہ سڑکیں بنانے سے قوم ترقی نہیں کرتی، سڑکیں بنانے سے ترقی نہیں کرتی تو کیا جلاؤ گھیراؤ سے کرتی ہے۔
مریم نواز شریف نے کہا کہ نوجوانوں کو سمجھ آگئی ہے کہ کس نے ان کا مستقبل تباہ کیا، اب جلاؤ گھیراؤ کے لیے پنجاب سے ایک بندہ بھی نہیں نکلا، کے پی میں جو لوگ جلاؤ گھیراؤ کے لیے نکلے وہ سرکاری ملازم تھے۔
یہ بھی پڑھیں: وزیراعلیٰ پنجاب مریم نواز کی سرمایہ کاروں کو بڑی پیشکش
وزیراعلیٰ پنجاب نے عمران خان کا نام لیے بغیر تنقید کی اور کہا کہ باتیں کرنا، الزام لگانا، پگڑی اچھالنا بہت آسان ہوتا ہے، وہ اپنے مکافات عمل کے دام میں خود ہی آگئے، وقت نے کیسا پلٹا کھایا کہ آج وہ اڈیالا میں میرے پاس بند ہے، میں نے کبھی ان کا اے سی بند کرنے، کھانوں پر اعتراض نہيں کیا، مخالفین کو پنجاب کی ترقی ہضم نہیں ہورہی، مخالفین کی سیاست ایک دوسرے کو تھپڑ مارنے تک آگئی ہے۔
مریم نواز نے کہا کہ ملک جلاؤ گھیراؤ اور بدتمیزی کا متحمل نہیں ہوسکتا، اگر اب ملک نے ترقی نہ کی تو بہت سے نوجوان امید چھوڑ دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اڈیالہ جیل پنجاب عمران خان مریم نواز مسلم لیگ ن وزیراعلی.ذریعہ: WE News
کلیدی لفظ: اڈیالہ جیل مریم نواز مسلم لیگ ن وزیراعلی جلاؤ گھیراؤ مریم نواز
پڑھیں:
وزیراعلیٰ پنجاب کابلاسود قرض دینے کا اعلان، آسان کاروبار پروگرام کا اجرا
لاہور (نمائندہ جسارت) وزیراعلیٰ مریم نواز شریف نے آسان کاروبار پروگرام کا اجرا کر دیا اور کہا کہ نوجوان جلاؤ گھیراؤ نہیں ملک کا ساتھ دیں۔آسان کاروبار فنانس اور آسان کاروبار کارڈ کی تقسیم کے سلسلے میں تقریب سے خطاب کرتے ہوئے وزیراعلیٰ پنجاب مریم نواز شریف نے کہا کہ آسان کاروبار کارڈ کے تحت بلاسود 10 لاکھ سے 3 کروڑ روپے تک قرضے دیے جا رہے ہیں، پروگرام کے تحت ملنے والے قرضے کی 3 سال میں آسان اقساط پر واپسی ہوگی۔مریم نواز نے چیک وصول کرنے والوں سے ان کے کاروبار کی تفصیلات معلوم کیں اور کہا کہ قرضے آپ کو ملے ہیں خوشی مجھے ہو رہی ہے، نوازشریف کی بیٹی آج ایک اور وعدہ پورا کرنے جا رہی ہے، اللہ کا شکر ادا کرتی ہوں۔وزیر اعلیٰ پنجاب نے کہا کہ اسکیم لانچ بعد میں ہوتی ہے ہم گراؤنڈ پر پہلے لاتے ہیں، 17 جنوری کو یہ پروگرام لانچ ہوا تھا اور درخواستیں مانگی گئی تھیں، ہم ایک ماہ کے اندر پہلے قرضے دینے جا رہے ہیں، یہ اسکیم 10 لاکھ سے 3 کروڑ روپے تک بلاسود قرض اسکیم ہے، آپ کو کارڈ پر قرض دیا جا رہا ہے، کوئی لمبی چوڑی معلومات نہیں مانگی۔مریم نواز نے بتایا کہ میرے پاس 1 لاکھ 85 ہزار درخواستیں 10 لاکھ قرض کے لیے آئی ہیں، تقریباً71 ہزار درخواستیں 3 کروڑ روپے کے قرضے کے لیے آئی ہیں، جب ان کو قرض دستیاب ہوگا تو دنوں میں ترقی کریں گے۔وزیر اعلیٰ پنجاب نے کہا کہ لوگ جو مرضی کہتے رہیں سب کو سمجھ آگئی ہے کہ پاکستان ٹیک آف پوزیشن پر کھڑا ہے، لوگ کہتے رہیں باہر نکلو، جلاؤ گھیراؤ کرو، پنجاب سے ایک بندہ باہر نہیں نکلا، لوگ جلاؤ گھیراؤ سے تنگ آگئے ہیں، یوتھ کوسمجھ آگئی ہے کہ کس نے ان کا مستقبل تباہ کیا، عوام نے فتنہ فساد کی سیاست کو مسترد کر دیا ہے۔مریم نواز نے کہا کہ مخالفین کو پنجاب کی ترقی ہضم نہیں ہو رہی، رمضان میں مفت پلاٹ دیں گے، پنجاب کی 35 لاکھ فیملیز کو فی گھر 10 ہزار ملے گا، رمضان میں 50 ہزار سے کم آمدنی والے گھرانوں کو 10 ہزار ملیں گے۔انہوں نے کہا کہ اپنا گھر اسکیم کے لیے 13 ہزارمکانات کے لیے قرضے دے چکے، 5 لاکھ لوگوں کو کسان کارڈ مل چکا ہے، رمضان کے بعد لیپ ٹاپ تقسیم کریں گے۔انہوں نے کہا کہ جس نے جرم کیا اسے سزا مل رہی ہے، کوئی اگر اڈیالہ میں اچھا کھانا کھا رہا ہے تو مجھے کوئی اعتراض نہیں۔مریم نواز کا کہنا تھا کہ کہا جا رہا ہے یہ بیانیے کا دور ہے، کارکردگی کا نہیں، خالی تقریروں سے کسی کا پیٹ نہیں بھرتا، شہباز شریف دن رات محنت کر رہے ہیں، کئی سال بعد چمپینز ٹرافی اور ہارس اینڈ کیٹل شو ہو رہا ہے۔
لاہور: وزیراعلیٰ پنجاب مریم نواز خصوصی تقریب میں آسان کاروبار کارڈ دے رہے ہیں
حماس 369 فلسطینیوں کے بدلے 3 اسرائیلی قیدی رہا کرے گی