اسرائیل نے 16 ماہ کی جنگ کے دوران ایران کو 'زبردست دھچکا' دیا ہے؛ نیتن یاہو
اشاعت کی تاریخ: 17th, February 2025 GMT
اسرائیلی وزیراعظم نیتن یاہو نے ایران کے جوہری ہتھیاروں کی تیاری پر کڑی تنقید کرتے ہوئے کہا کہ امریکا کے ساتھ مل کر ایران کے جوہری عزائم اور مشرق وسطیٰ میں اس کی جارحیت کو ناکام بنانے کے لیے پُرعزم ہیں۔
عالمی خبر رساں ادارے کے مطابق اسرائیلی وزیراعظم نے مزید کہا کہ غزہ میں جنگ شروع ہونے کے بعد سے اسرائیل نے ایران کو زبردست دھچکے اور کاری ضربیں پہنچائی ہیں۔
امریکی وزیر خارجہ مارکو روبیو کے ساتھ ملاقات کے بعد اسرائیلی وزیراعظم کا مزید کہنا تھا کہ ہم نے اس بات پر اتفاق کیا کہ آیت اللہ کے پاس جوہری ہتھیار نہیں ہونے چاہئیں۔
نیتن یاہو نے مزید کہا کہ ایران کا مقابلہ کرنے کے لیے اسرائیل اور امریکا کندھے سے کندھا ملا ئے کھڑے ہیں۔
اسرائیلی وزیراعظم نے ایران کو جارحیت سے روکنے کے حوالے سے اپنے عزائم کا اظہار کرتے ہوئے کہا کہ کوئی شبہ نہیں کہ ڈونلڈ ٹرمپ کی حمایت سے اسرائیل یہ کام کرسکتا ہے اور کرے گا۔
نیتن یاہو نے یہ دعویٰ بھی کیا کہ اسرائیل نے جنوبی لبنان میں حزب اللہ کو کمزور کر دیا ہے اور شام میں سیکڑوں اہداف کو نشانہ بنایا ہے۔
اسرائیلی وزیراعظم نے کہا کہ ان کارروائیوں سے ایران کی حمایت یافتہ گروپ حزب اللہ کو ایک نیا محاذ کھولنے سے روکا جانا ممکن ہوسکا ہے۔
نیتن یاہو نے کہا کہ شام کو ہمارے خلاف کارروائیوں کے اڈے کے طور پر استعمال کرنے کی اجازت نہیں دیں ایسا سوچنے والے سنگین غلطی کر رہے ہیں۔
اسرائیلی وزیراعظم نے کہا کہ ہم سب کو یہ یقین دہانی کرانا چاہتے ہیں کہ صدر ٹرمپ اور میں مکمل تعاون اور ہم آہنگی کے ساتھ کام کر رہے ہیں۔
.
ذریعہ: Express News
کلیدی لفظ: اسرائیلی وزیراعظم نیتن یاہو کہا کہ
پڑھیں:
ویر پہاڑیا اور فرح خان کا زبردست ڈانس، ویڈیو وائرل
ویر پہاڑیا اور فرح خان کا زبردست ڈانس سوشل میڈیا پر ویڈیو وائرل ہو گیا۔
بالی ووڈ کے ابھرتے ہوئے اداکار ویر پہاڑیا نے اپنی ڈیبیو فلم اسکائی فورس میں شاندار کارکردگی سے فلمی شائقین کو حیران کر دیا، فلم اگرچہ باکس آفس پر کوئی بڑا کارنامہ انجام نہ دے سکی، لیکن ویر کا کردار اور خاص طور پر اُن کے گانے رنگ میں کیے گئے ون لیگ ڈانس مووز نے سوشل میڈیا پر تہلکہ مچا دیا۔
اب اسی رجحان میں شامل ہو گئی ہیں بالی ووڈ کی معروف کوریوگرافر اور ہدایتکارہ فرح خان، جنہوں نے انسٹاگرام پر ایک زبردست ویڈیو شیئر کی ہے۔
ویڈیو میں وہ چند لڑکیوں کے ہمراہ رنگ گانے پر رقص کرتی نظر آتی ہیں اور حیرت انگیز طور پر وہ ویر کے مشہور ون لیگ اسٹیپ کو بھی مکمل اعتماد سے ادا کرتی ہیں۔
لیکن سب سے خاص لمحہ وہ تھا جب ویر پہاڑیا خود فرح خان کے ساتھ آ گئے اور دونوں نے مل کر زبردست ڈانس کیا۔
ویڈیو کے کیپشن میں فرح خان نے لکھا کہ میں تب سے یہ اسٹیپ کرنا چاہتی تھی جب سے ویر پہاڑیا کو یہ کرتے دیکھا تھا، اگر کسی چیز کو دل سے چاہو تو۔۔۔ (ویسے یاد رہے کہ اب میں 60 برس کی ہوں!)
فرح کے اس تبصرے پر کئی شوبز شخصیات نے دلچسپ انداز میں ردعمل دیا ہے۔
Post Views: 3
افغان مہاجرین کی واپسی، یکم اپریل سے اب تک 1355 تارکین وطن واپس بھیجے جاچکے