سندھ اسمبلی کا ہنگامہ خیز اجلاس ، جامعات ترمیمی بل منظور، اپوزیشن کا شدید احتجاج
اشاعت کی تاریخ: 17th, February 2025 GMT
کراچی (اسٹاف رپورٹر) سندھ اسمبلی نے پیر کو اپنے ہنگامہ خیز اجلاس میں گورنر سندھ کی جانب سے اعتراض شدہ سندھ یونیورسٹی ترمیمی بل 2025 اور سندھ سول کورٹس ترمیمی بل(نظر ثانی)کی دوبارہ منظوری دیدی۔
اپوزیشن نے ان دونوں ترمیمی قوانین کی منظوری کے موقع پر ایوان میں زبردست احتجاج کیا، بلوں کی کاپیاں پھاڑ ڈالیں اور نامنظور۔۔۔ نامنظور کے فلک شگاف نعرے لگائے۔
سندھ اسمبلی کا اجلاس پیرکو ڈپٹی کو اسپیکر نوید انتھونی کی زیر صدارت شروع ہوا۔ ایوان کی کارروائی کے دوران وزیر قانون و پارلیمانی امور ضیا الحسن لنجار نے سندھ یونیورسٹی ترمیمی بل 2025 اور سندھ سول کورٹس ترمیمی بل(نظر ثانی شدہ) الگ الگ منظوری کے لئے پیش کیے، اس موقع پر اپوزیشن نے جن میں ایم کیو ایم ارکان پیش پیش تھے شدید شور شرابہ شروع کردیا، ارکان کی جانب سے زبردست نعرے بازی کی گئی جس سے ایوان میں کان پڑی آواز سنائی نہیں دیتی تھی۔اپوزیشن کی جانب سے ایجنڈا کی کاپیاں پھاڑ دی گئیں۔احتجاج کرنے والے ارکان اسپیکر ڈائس کے پاس پہنچ گئے۔واضح رہے کہ یہ دونوں بل یہ دونوں بل سندھ اسمبلی نے اپنے گزشتہ اجلاس میں منظور کیے تھے لیکن گورنر سندھ نے اعتراض لگا کر واپس کردیے تھے جن کی ایوان نے دوبارہ منظوری دیدی۔بعدازاںسندھ اسمبلی اجلاس برخاست کردیا گیا۔
.ذریعہ: Jasarat News
کلیدی لفظ: سندھ اسمبلی
پڑھیں:
بلوچستان کابینہ کی پاکستان کیخلاف بھارتی الزامات اور جارحیت کی شدید مذمت
وزیر اعلیٰ بلوچستان میر سرفراز بگٹی کی زیر صدارت صوبائی کابینہ کے اہم اجلاس میں پہلگام واقعے پر پاکستان کے خلاف بھارتی الزامات اور جارحیت کی شدید مذمت کرتے ہوئے کہا کہ اگر دشمن نے جنگ مسلط کرنے کی کوشش کی تو پوری قوم دفاع وطن کے لیے تیار ہے۔
وزیر اعلیٰ میر سرفراز بگٹی کا کہنا تھا کہ پاکستان کی جانب سے شفاف تحقیقات کی پیشکش کے باوجود بھارت کا اشتعال انگیز رویہ قابل افسوس ہے، بلوچستان کے عوام اپنی فوج اور حکومت کے ساتھ مضبوطی سے کھڑے ہیں، ہر پاکستانی مادرِ وطن کے دفاع میں پاک فوج کے شانہ بشانہ ہے۔
یہ بھی پڑھیں: نوشکی: تیل سے بھرے ٹرک میں آگ لگنے سے دھماکا، متعدد افراد جھلس گئے
کابینہ اجلاس نے سانحہ نوشکی پر گہرے دکھ اور افسوس کا اظہار کیا جبکہ وزیر اعلیٰ نے یقین دہانی کرائی کہ واقعہ کی تحقیقات کا حکم دے دیا گیا، ذمہ داری کا تعین کرکے کارروائی کی جائے گی، کابینہ نے غیر قانونی پیٹرول و ڈیزل سمیت اشیا کی اسمگلنگ روکنے کے لیے فوری اور مؤثر اقدامات ناگزیر قرار دیے۔
وزیر اعلیٰ بلوچستان کا کہنا تھا کہ عوام کے جان و مال کا تحفظ حکومت کی اولین ترجیح ہے، سانحہ نوشکی کے فوری بعد ریسکیو اور امدادی کارروائیاں تیزی سے شروع کی گئیں، محکمہ صحت کے عملے نے ایمرجنسی صورت حال میں مثالی خدمات انجام دیں۔
مزید پڑھیں: بلوچستان میں ہیٹ ویو، انسانوں کے ساتھ ساتھ فصلوں کے متاثر ہونے کا بھی خدشہ
وزیر اعلیٰ سرفراز مینگل نے کابینہ اجلاس کو بتایا کہ آج صبح 24 شدید زخمیوں کو خصوصی طیارے کے ذریعے کراچی منتقل کر دیا گیا ہے، انہوں نے وزیر صحت، سیکریٹری ہیلتھ، ڈاکٹرز اور پیرامیڈیکل عملے کی کارکردگی کو سراہتے ہوئے کہا کہ حکومت متاثرہ خاندانوں کے ساتھ کھڑی ہے، ہر ممکن مدد فراہم کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اشتعال انگیز بلوچستان پہلگام سانحہ نوشکی شفاف تحقیقات کابینہ اجلاس وزیر اعلی
کوئٹہ، شیعہ علماء کونسل کے رہنماء علامہ آصف حسینی کا نام ای سی ایل سے خارج