شندور پولو کے فاتح گھوڑے کی لاہور میں اچانک ہلاکت، چترال پولو کے گھوڑے بیمار کیوں ہوئے؟
اشاعت کی تاریخ: 17th, February 2025 GMT
لاہور میں پہلی بار فری اسٹائل پولو میچز کے دوران چترال پولو ٹیم کے گھوڑے اچانک بیمار ہوگئے اور کپتان کے گھوڑے سمیت 2 ہلاک ہوگئے جبکہ 7 کو بدستور طبی امداد دی جارہی ہے۔
پولو کے ممتاز کھلاڑی شہزادہ سکندر الملک کپتان چترال پولو ٹیم نے بتایا کہ چترال پولو ٹیم کے کھلاڑی گھوڑوں کو لے کر میچ کے لیے لاہور آئے ہیں، گزشتہ روز گلگت کے ساتھ میچ ہوا جس میں چترال کو کامیابی ملی۔
یہ بھی پڑھیں پولو کے لیے مشہور ’شندور‘ میں سجا آئس ہاکی کا میلہ
انہوں نے بتایا کہ اتوار کو میچ سے پہلے اچانک گھوڑوں کی حالت خراب ہونا شروع ہوئی اور 2 گھوڑے میچ سے بھی باہر ہوئے۔ ’میچ سے قبل گھوڑے اچانک ہیضہ میں مبتلا ہوئے اور جس کے باعث وہ کھیل میں شامل نہیں ہوسکے۔‘
شہزادہ سکندر نے بتایا کہ میچ کے روز وہ 6 گھوڑوں کے ساتھ میدان میں اترے اور کھیل میں حصہ لیا، تاہم میچ کے اختتام پر تمام گھوڑے ہیضہ میں مبتلا ہوگئے۔ ’ابھی تک ہمیں معلوم نہیں کہ گھوڑوں کو کیا ہوا ہے، ان کی حالت خراب ہے اور اہم سخت پریشان ہیں۔‘
انہوں نے کہاکہ اس وقت 7 گھوڑوں کا علاج جاری ہے اور وہ گزشتہ روز سے ان کی دیکھ بھال کررہے ہیں۔
’گھوڑوں کو بچوں کی طرح پالتے ہیں‘
شہزادہ سکندر الملک نے بتایا کہ ہیضہ کی وجہ سے ان کا قیمتی اور بہترین گھوڑا ’سلور‘ ہلاک ہوگیا ہے جس سے وہ ساخت مایوس ہیں۔ انہوں نے بتایا کہ اس کے بعد ایک اور کھلاڑی کا گھوڑا بھی ہیضہ سے ہلاک ہوگیا۔ ’ہمارے دو گھوڑے ہلاک ہوئے ہیں اور 7 بدستور بیمار ہیں۔‘
انہوں نے بتایا کہ ان کا گھوڑا بہترین تربیت یافتہ تھا اور دو بار شندور میں فاتح رہا۔ ’گھوڑے کی ہلاکت پولو کھلاڑی کے لیے سب سے بڑا نقصان ہوتا ہے۔ میرے گھوڑے سلور کی قیمت 25 لاکھ روپے تک تھی۔‘
’پوسٹ مارٹم رپورٹ کے بعد وجوہات سامنے آئیں گی‘
شہزادہ سکندر الملک نے بتایا کہ اس وقت 7 بیمار گھوڑوں کا علاج جاری ہے اور وہ اس بیماری کے بارے میں کچھ بتانے کے قابل نہیں ہیں۔ ہلاک ہونے والے گھوڑوں کا پوسٹ مارٹم ہوا ہے لیکن رپورٹ ابھی آنا باقی ہے۔ ’جب رپورٹ آئے گی تو وجوہات کا پتا چل جائے گا۔‘
یہ بھی پڑھیں غیرمتوقع برف باری آڑے آگئی، شندور پولو فیسٹیول ملتوی
فری اسٹائل پولو
چترال اور گلگت بلتستان میں فری اسٹائل پولو کی قدیم روایت برقرار ہے، اور سالانہ بنیادوں پر جولائی میں دنیا کے بلند ترین قدرتی پولو گراؤنڈ شندور میں روایتی حریف چترال اور گلگت کے ٹیموں کے مابین میچ کھیلا جاتا ہے۔ جسے دیکھنے دنیا بھر سے سیاح شندور پہنچ جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پولو کھلاڑی پولو گھوڑے چترال شندور فری اسٹائل پولو گھوڑے بیمار گھوڑے ہلاک لاہور وی نیوز.ذریعہ: WE News
کلیدی لفظ: چترال گھوڑے بیمار لاہور وی نیوز نے بتایا کہ کے لیے
پڑھیں:
لکی مروت ،پولیس کا دہشتگردوں کیخلاف سرچ اینڈ اسٹرائیک آپریشن، 3دہشتگرد ہلاک
لکی مروت ،پولیس کا دہشتگردوں کیخلاف سرچ اینڈ اسٹرائیک آپریشن، 3دہشتگرد ہلاک WhatsAppFacebookTwitter 0 13 April, 2025 سب نیوز
پشاور(سب نیوز)لکی پولیس نے سرچ اینڈ اسٹرائیک آپریشن کے دوران 3 دہشت گردوں ہلاک کر دیا جبکہ زخمی ہونے والے متعدد دہشت گرد فرار ہوگئے۔آئی جی خیبر پختونخوا ذوالفقار حمید کی خصوصی ہدایات پر صوبہ بھر میں دہشت گردی کے خاتمے کے لیے ہر ضلع کی سطح پر کارروائیاں ہو رہی ہیں تاہم ضلع لکی میں پولیس کو دہشتگردوں کی بزدلانہ کارروائیوں کا زیادہ سامنا ہے جن کا لکی پولیس بھرپور اور موثر جواب دے رہی ہے۔
گزشتہ شب پولیس اسٹیشن تاجوری کی حدود میں دہشت گردوں کی موجودگی کو بھانپتے ہوئے مقامی پولیس اور امن کمیٹی نے انکا پیچھا کیا۔ اطلاع ملتے ہی ڈسٹرکٹ پولیس آفیسر لکی جواد اسحاق کی سربراہی میں لکی پولیس کے دستے، سی ٹی ڈی اور خصوصی کویک رسپانس فورس نے جائے وقوعہ پہنچ کر سرچ آپریشن شروع کیا جس میں مقامی امن کمیٹی اور مقامی لوگوں نے بڑھ چڑھ کر حصہ لیا۔آپریشن کے دوران صبح 10بج کر 45 منٹ پر پولیس اسٹیشن تاجوری اور برگئی کی حدود خانخیل مندزئی میں واقع جنگل میں 20سے 25دہشت گردوں سے مقابلہ ہوا، دو گھنٹے جاری رہنے والی اس لڑائی میں دونوں اطراف سے بھاری اسلحہ استعمال کیا گیا۔
پولیس نے انتہائی بہادری سے لڑتے ہوئے بغیر کسی قسم کا نقصان اٹھائے کراس فائر میں 3 دہشتگردوں کو جہنم واصل کیا اور کئی کے زخمی ہوکر فرار ہونے کی اطلاعات پر علاقے میں سرچ آپریشن کے ذریعے انکا پیچھا جاری ہے۔ڈی پی او لکی کے مطابق لکی مروت کی عوام نے بے مثال بہادری اور ملک سے محبت کا ثبوت دیتے ہوئے اپنی پولیس کے شانہ بشانہ لڑ کر لکی پولیس کے حوصلے بلند کیے ہیں۔آئی جی خیبر پختونخوا ذوالفقار حمید نے لکی مروت پولیس کی جرات اور دلیری کی تعریف کرتے ہوئے آپریشن میں شامل جوانوں کیلئے نقد انعامات اور توصیفی اسناد کا اعلان کیا ہے۔انہوں نے لکی مروت کے غیور عوام کے جزبہ حب الوطنی کو خراج تحسین پیش کرتے ہوئے خیبر پختونخوا پولیس کی جانب سے انکا شکریہ ادا کیا ہے۔
پکے ہوئے چاول اور کون کون سے کھانے پلاسٹک کے کنٹینرز میں نہیں رکھنے چاہیں؟جانیں