اسلام آباد: محکمہ موسمیات نے بارشوں اوربر ف باری کی پیش گوئی کردی
اشاعت کی تاریخ: 17th, February 2025 GMT
محکمہ موسمیات کے مطابق 19 سے 21 فروری کے دوران گلگت بلتستان میں تیز ہواؤں اور گرج چمک کے ساتھ بارش اور شدید برفباری کا امکان ہے۔
رپورٹ کے مطابق 19 اور 20 فروری کے دوران چترال، دیر، سوات، پشاور، چارسدہ میں گرج چمک کے ساتھ بارش اور پہاڑوں پر برف باری متوقع ہے، 19 سے 21 فروری کے دوران پنجاب، مری، گلیات میں بھی بارش اور برفباری کا امکان ہے۔
محکمہ موسمیات کے مطابق 19 اور 20 فروری کے دوران اسلام آباد، گوجرانوالہ، حافظ آباد، فیصل آباد میں تیز ہوا اور گرج چمک کے ساتھ بارش متوقع ہے، 19 فروری کو ملتان ڈیرہ، غازی خان، مظفرگڑھ، بہاول نگر میں بھی تیز ہوا اور گرج چمک کے ساتھ ہلکی بارش کی توقع ہے۔
رپورٹ کے مطابق 18 اور 19 فروری کے دوران بلوچستان کوئٹہ، زیارت میں تیز ہواؤں گرج چمک کے ساتھ بارش اور پہاڑوں پر برف باری کا امکان ہے، سندھ کے بیشتر علاقوں میں موسم خشک رہے گا جبکہ ساحلی علاقوں میں تیز ہوائیں چلنے کا امکان ہے۔
محکمہ موسمیات کے مطابق شدید برفباری کے باعث مری گلیات ناران کاغان میں سڑکوں کے بند ہونے، پھسلن کی وجہ سے ٹریفک روانی میں خلل پیدا ہونے کا اندیشہ ہے، 19 اور 20 فروری کے دوران بالائی خیبر پختونخوا پنجاب اور کشمیر میں بعض مقامات پر ژالہ باری کی بھی توقع ہے۔
رپورٹ کے مطابق کشمیر اور گلگت بلتستان کے پہاڑی علاقوں، مری، گلیات میں لینڈ سلائیڈنگ، برفانی تودے گرنے کا خدشہ ہے، محکمہ موسمیات نے بارش اور برف باری کے دوران سیاحوں کو محتاط رہنے اور غیر ضروری سفر سے اجتناب کرنے کی ہدایت کی ہے۔
ذریعہ: Daily Mumtaz
کلیدی لفظ: گرج چمک کے ساتھ بارش فروری کے دوران محکمہ موسمیات کا امکان ہے کے مطابق بارش اور میں تیز
پڑھیں:
طویل خشک سالی کا خاتمہ؟ کل سے بارش اور برف باری کی پیش گوئی کا امکان
محکمہ موسمیات (پی ایم ڈی) نے موسم کی ایڈوائزری جاری کرتے ہوئے 19 سے 21 فروری تک ملک کے مختلف علاقوں میں بارش اور برفباری کی پیش گوئی کی ہے۔
محکمہ کے مطابق مغربی ہوائیں کے پاکستان کے بالائی علاقوں میں داخل ہونے کی توقع ہے جس سے موسم میں اہم تبدیلیاں آئیں گی جن میں تیز ہوائیں اور بارشیں شامل ہیں۔
پنجاب، لاہور اور گردونواح کے متعدد اضلاع میں تیز ہواؤں اور تیز بارش کا امکان ہے۔ سرگودھا، میانوالی، بھکر، خوشاب، حافظ آباد، گوجرانوالہ، منڈی بہاؤالدین اور گجرات جیسے علاقوں میں بھی بارش کا امکان ہے، اس کے اثرات صوبے کے دیگر حصوں تک پھیل سکتے ہیں۔
مری اور گلیات سمیت دیگر پہاڑی علاقوں میں بارش اور برف باری ہوگی۔ برفباری پنجاب کے دیگر علاقوں تک پھیلنے کا امکان ہے۔
19 فروری کو ملتان، ڈیرہ غازی خان، لیہ، مظفر گڑھ، خانیوال، ساہیوال، پاکپتن، اوکاڑہ اور بہاولنگر جیسے شہروں میں ہلکی بارش جبکہ پہاڑی علاقوں میں برفباری کا امکان ہے۔
یہ بھی پڑھیےملک میں خشک سالی کے خدشات: ’چنے کی تقریباً آدھی فصل کو نقصان پہنچ چکا ہے‘
پراونشل ڈیزاسٹر منیجمنٹ اتھارٹی (PDMA) کے ڈائریکٹر جنرل عرفان علی کاٹھیا نے سیاحوں پر زور دیا ہے کہ وہ محتاط رہیں اور موسمی حالات کی بنیاد پر اپنے سفری منصوبے بنائیں۔
انہوں نے اس بات پر زور دیا کہ PDMA کا کنٹرول روم 24/7 صورت حال کی سرگرمی سے نگرانی کر رہا ہے، اور شہریوں کو مشورہ دیا جاتا ہے کہ وہ خراب موسم میں غیر ضروری سفر سے گریز کریں۔ ہنگامی صورتحال کی صورت میں PDMA کی ہیلپ لائن 1129 مدد کے لیے دستیاب رہتی ہے۔
یہ بھی پڑھیےبارشوں اور برف باری میں کمی، کیا بلوچستان میں خشک سالی ہوسکتی ہے؟
متوقع بارش اور برفباری کے علاوہ، ملک کے بیشتر حصوں میں اگلے بارہ گھنٹوں کے دوران سرد اور جزوی طور پر ابر آلود موسم کی پیش گوئی کی گئی ہے۔
تاہم، گلگت بلتستان، بالائی خیبرپختونخوا اور شمال مشرقی بلوچستان کے دور دراز علاقوں میں بارش، آندھی، گرج چمک اور پہاڑیوں پر ہلکی برفباری ہوسکتی ہے۔
آج صبح بڑے شہروں میں درجہ حرارت درج ذیل ریکارڈ کیا گیا: اسلام آباد اور مظفرآباد میں 7 ڈگری سینٹی گریڈ، لاہور میں 15 ڈگری سینٹی گریڈ، کراچی میں 22 ڈگری سینٹی گریڈ، پشاور اور کوئٹہ میں 9 ڈگری سینٹی گریڈ، گلگت میں 4 ڈگری سینٹی گریڈ اور مری میں 2 ڈگری سینٹی گریڈ ریکارڈ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش اور برف باری خشک سالی محکمہ موسمیات
وزیرداخلہ سے قائم مقام امریکی سفیر کی ملاقات، دہشتگردی سمیت اہم امور پر گفتگو