بافٹا: کونکلیو بہترین فلم قرار، دی بروٹلسٹ کے نام بھی متعدد ایوارڈز
اشاعت کی تاریخ: 17th, February 2025 GMT
ویب ڈیسک—برٹش اکیڈمی فلم ایوارڈز (بافٹا) میں فلم ‘کونکلیو’ اور ‘دی بروٹلسٹ’ نمایاں رہیں۔ دونوں ہی نے چار چار ایوارڈز اپنے نام کیے۔
اتوار کو لندن کے رائل فیسٹیول ہال میں بافٹا ایوارڈز کی تقریب منعقد ہوئی جس میں معروف سلیبریٹیز نے شرکت کی۔
بافٹا کی شام بہترین فلم کا ایوارڈ ‘کونکلیو’ کے نام رہا۔ بہترین فلم کے ایوارڈ کے لیے ‘کونکلیو’ کے ساتھ انورا، دی بروٹلسٹ، آ کمپلیٹ ان نون اور امیلیا پیرز مدِ مقابل تھیں۔
خبر رساں ادارے ‘ایسوسی ایٹڈ پریس’ کے مطابق ‘کونکلیو’ کو بافٹا ایوارڈز کے لیے مختلف کیٹیگریز میں 12 نامزدگیاں ملی تھیں۔بہترین فلم کے علاوہ اسے بہترین برٹش فلم، بہترین ایڈیٹنگ اور بہترین ایڈاپٹڈ اسکرین پلے کا ایوارڈ بھی ملا۔
فلم ‘دی بروٹلسٹ’ بھی چار ایوارڈز حاصل کرنے میں کامیاب ہوئی۔’دی بروٹلسٹ’ کو بہترین ہدایات کاری، بہترین اداکار، بہترین سینماٹوگرافی اور اوریجنل اسکور کا ایوارڈ ملا۔
بہترین ہدایت کاری کی کیٹیگری میں ‘دی بروٹلسٹ’ کے ساتھ انورا، کونکلیو، ڈیون: پارٹ ٹو، امیلیا پیرز اور دی سبسٹینس نامزد تھی۔
بہترین اداکارہ کا ایوارڈ فلم ‘انورا’ کی مائیکی میڈیسن کے نام رہا۔
اس کیٹیگری میں مائیکی میڈیسن کے ساتھ اداکارہ سنتھیا ایریوو، کارلا سوفیا، ڈیمی مور، ماریان جین اور سرشا رونن نامزد تھیں۔
بہترین اداکار فلم بروٹلسٹ کے ایڈریئن بروڈی قرار پائے۔اس کیٹیگری میں ان کے ساتھ اداکار ٹمیتھی شیلیمے، کولمین ڈومنگو، رالف فائنز، سیبیسٹین اسٹین اور ہیو گرانٹ مدِ مقابل تھے۔
یاد رہے کہ بافٹا کے زیادہ تر فاتحین کا اعلان برطانوی اکیڈمی کے آٹھ ہزار انڈسٹری پروفیشنلز کرتے ہیں۔
‘ایسوسی ایٹڈ پریس’ کے مطابق گولڈن گلوبز اور بافٹا اکثر اس بات کے اشارے دیتے ہیں کہ ہالی وڈ کے اکیڈمی ایوارڈز میں کون کامیاب ہوگا۔ البتہ رواں برس اس کی پیش گوئی کرنا خاصا مشکل ہے۔
رواں برس آسکرز کی تقریب دو مارچ کو لاس اینجلس میں منعقد ہو گی۔
اس خبر میں شامل معلومات خبر رساں ادارے ایسوسی ایٹڈ پریس سے لی گئی ہیں۔
.ذریعہ: Al Qamar Online
کلیدی لفظ: بہترین فلم کا ایوارڈ کے ساتھ
پڑھیں:
روس کا یوکرین پر بیلسٹک میزائل حملہ، 31 افراد ہلاک، متعدد زخمی
روس نے یوکرین کے شمالی شہر سومی کے مرکز میں بیلسٹک میزائل حملہ کیا ہے، جس کے نتیجے میں 31 افراد ہلاک اور 80 سے زیادہ زخمی ہوگئے۔
غیرملکی میڈیا رپورٹس کے مطابق روس کی جانب سے یوکرین پر ہونے والا یہ حملہ رواں سال سب سے زیادہ تباہ کن ہے۔
یہ بھی پڑھیں روس یوکرین جنگ: فضائی حملے میں 60 روسی فوجی ہلاک
بیلسٹک میزائل حملے پر یوکرین کے صدر ولادیمیر زیلنسکی نے کہاکہ ہم روس کے اس اقدام کی سخت مذمت کرتے ہیں، یہ سراسر دہشتگردی ہے، عالمی برادری روس کے خلاف سخت ردعمل دے۔
یوکرینی صدر کی جانب سے سوشل میڈیا پر ایک ویڈیو بھی شیئر کی گئی جس میں حملے کے نتیجے میں ہلاک ہونے والوں کی لاشیں اور تباہ شدہ گاڑیاں دکھائی دے رہی ہیں۔
یوکرینی صدر نے لکھا کہ روس نے یہ حملہ ایسے وقت میں کیا جب لوگ گرجا گھروں میں عبادت کے لیے جارہے تھے۔
انہوں نے امریکا اور یورپ سے مطالبہ کیاکہ وہ روس پر دباؤ ڈالیں، کیوں کہ وہ اسی قسم کی دہشت چاہتا ہے اور جنگ کو طول دے رہا ہے۔
یہ بھی پڑھیں روس یوکرین جنگ بندی کا معاملہ، ٹرمپ اور پیوٹن کا اہم ٹیلی فونک رابطہ
واضح رہے کہ روس اور یوکرین کے درمیان جنگ 2022 سے جاری ہے، تاہم اب امریکی صدر ڈونلڈ ٹرمپ اسے ختم کرنے کے لیے متحرک ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر بیلسٹک میزائل تباہ کن حملہ دہشت ڈونلڈ ٹرمپ روس روس یوکرین جنگ وی نیوز یوکرین یوکرینی صدر
نائب تحصیل دار کی گاڑی پر بارودی مواد کا دھماکہ