گوادر، 4 روزہ کتب میلے میں 28 لاکھ روپے کی کتابیں فروخت
اشاعت کی تاریخ: 17th, February 2025 GMT
پاکستان کے شمال مغرب میں واقع صوبہ بلوچستان کے ساحلی شہر گوادر میں نجی مقامی تنظیم کے زیراہتمام 4 روزہ کتب میلہ اختتام پذیر ہوگیا۔
کتب میلہ 13 سے 16 فروری تک جاری رہا، جس میں دانشوروں، مصنفین، شعرا کرام، طلبا و طالبات سمیت مختلف شعبہ ہائے زندگی سے تعلق رکھنے والے افراد نے شرکت کی۔
یہ بھی پڑھیں کتابیں پڑھنے اور چوری کرنے کا شوقین ہوں، مراد علی شاہ
میلے میں ادب، ناول، شاعری، ٹیکنالوجی، سائنس اور ڈرامہ سمیت مختلف موضوعات پر مبنی کتب رکھی گئی تھیں جو حاضرین کی توجہ کا مرکز بنی رہیں۔
انتظامیہ کے مطابق کتب میلے میں ریکارڈ 28 لاکھ روپے سے زیادہ کی کتابیں فروخت ہوئیں۔ جن میں 10 لاکھ روپے کی بلوچی اور 18 لاکھ روپے کی اردو اور انگریزی زبان کی کتب شامل تھیں۔
میلے میں ادبی نشستوں سمیت علاقائی موسیقی اور ثقافت کے رنگ بکھیرے گئے جن سے حاضر محظوظ ہوئے۔ 4 روزہ میلے میں لوگوں نے کتابوں کو خرید کر یہ پیغام دیا کہ بڑھتی ٹیکنالوجی کے باوجود کتاب کی اہمیت کم نہیں ہوئی۔
اہل قلم نے گوادر میں حالیہ کتب میلے کے دوران کتابوں کی فروخت سے متعلق اپنا مؤقف دیتے ہوئے کہاکہ بلوچستان یوں تو تعلیم، صحت، انفراسٹرکچر سمیت کئی بنیادی سہولیات ناپید ہیں جس کی وجہ سے صوبے کو پسماندہ تصور کیا جاتا ہے لیکن نوجوانوں کی کتب میلے میں علم کی جانب رغبت اس بات کی غمازی کرتی ہے کہ خطے میں بسنے والے لوگوں کے ذہن روشن ہیں۔
یہ بھی پڑھیں لاہور کتب میلے میں کتابوں سے زیادہ کھانے کی فروخت، خالد انعم نے معافی کیوں مانگی؟
انہوں نے کہاکہ کتب میلے میں لوگوں کی دلچسپی اس بات بھی کی عکاسی کرتی ہے کہ عام عوام دہشتگردی اور بدامنی سے بیزار ہیں، وفاقی حکومت کو چاہیے کہ صوبے میں تعلیم کے فروغ کے لیے زیادہ سے زیادہ جامعات کے قیام کو ممکن بنائیں تاکہ یہاں کے لوگ ملی تعمیر و تر قی میں اپنا کردار ادا کرسکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
28 لاکھ روپے wenews بلوچستان ثقافت کے رنگ حکومت کتابیں فروخت کتب میلہ میلہ انتظامیہ وی نیوز.ذریعہ: WE News
کلیدی لفظ: 28 لاکھ روپے بلوچستان ثقافت کے رنگ حکومت کتابیں فروخت وی نیوز لاکھ روپے
پڑھیں:
ملتان سلطانز کا اپنے ہر چھکے اور وکٹ پر ایک لاکھ روپے فلسطین چلڈرن ریلیف فنڈ میں دینے کا اعلان
پاکستان سپر لیگ کی ٹیم ملتان سلطانز نے فلسطین کے مظلوم عوام کی مدد کے لیے اہم اعلان کردیا۔
ملتان سلطانز کی جانب سے اعلان کیا گیا ہے کہ اپنے ہر چکھے اور ہر وکٹ پر ایک لاکھ روپے کی رقم فلسطین چلڈرن ریلیف فنڈ میں عطیہ کی جائےگی۔
یہ بھی پڑھیں کیا پی ایس ایل میں فلسطین کے حق میں نعرے لگانے پر پابندی لگ گئی؟
ملتان سلطانز کے مالک علی ترین نے کہاکہ ہم اس بات پر یقین رکھتے ہیں کہ پلیٹ فارم کو مثبت مقاصد کے لیے استعمال کیا جائے، اس لیے ہم نے فیصلہ کیا ہے کہ پی ایس ایل 10 کے دوران فلسطین ریلیف فنڈ کو سپورٹ کریں گے۔
انہوں نے کہاکہ ہماری طرف سے اپنے ہر چھکے اور ہر وکٹ پر ایک لاکھ روپے کی رقم فلسطین کے بچوں کے لیے عطیہ کی جائےگی۔
انہوں نے کہاکہ ہماری توجہ جہاں میدان میں مضبوط کارکردگی پر مرکوز ہے، وہیں ہم ضرورت مند بچوں کے ساتھ یکجہتی کیلئے برابر کے پابند ہیں۔
یہ بھی پڑھیں پی ایس ایل کی فاتح اسلام آباد یونائیٹڈ کا فلسطینیوں سے اظہار یکجہتی، جھنڈے لہرا دیے
اس موقع پر ملتان سلطانز کے کپتان محمد رضوان نے بھی کہاکہ ہم فلسطین کے عوام کے ساتھ کھڑے ہیں، اور اپنے ہر چھکے اور ہر وکٹ پر ایک لاکھ روپے کی رقم فلسطین چلڈرن ریلیف فنڈ میں عطیہ کی جائےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اہم اعلان چھکا علی ترین فلسطین چلڈرن ریلیف فنڈ محمد رضوان ملتان سلطانز وکٹ وی نیوز
جڑانوالہ میں بس کی رکشہ کو ٹکر، 8 افراد جاں بحق